Lutetia

E Vicipaedia

Lutetia (-ae, f.), aut plenius, Lutetia Parisiorum, tempore mediaevali et hodie simpliciter Parisii (Francice Paris) est caput et urbs maxima Franciae. Flumen Sequana urbem in partes duas dividit, nominibus superiorem^[1] (Francogallice: rive droite) et australem (Francogallice: rive gauche). Lutetiae intra muros 2 153 600, in agglomeratione 12 067 000 incolae habitant (1 Ianuarii 2007).

Index 1 Geographica 1.1 Locus geographicus 1.2 Aer 2 Structura urbis 3 Historia 4 Res oeconomicae 5 Commeatus 6 Loca et aedificia notissima 7 Universitates 8 Ecclesia Catholica 9 Laus Lutetiae 10 Incolae noti 11 Vide etiam 12 Notae 13 Nexus externus

[recensere] Geographica

[recensere] Locus geographicus

Media urbis altitudo 65 metris mari eminet. Undique magnis silvis cingitur, quae recuperationem populis commodant.

Urbis rus superficiem 105,4 kilometris quadratis habet. Locus supremae altitudinis in terminis urbis est 129 metrorum, situs in Monte Martyrum.

[recensere] Aer

Tempestas Lutetiana saepe sicca est. Mediocris temperatura est 10.6° C in anno solito.

Mensis Iulius est calidissimus, quae 18,0° Celsius mediocriter; frigidissimus Ianuarius, quae 3,4° Celsius mediocriter. Plurimum mense Iunio pluit, dum 65 millimetrorum est imber mediocris, minimum mensibus Februario Aprilique, dum 45 millimetrorum imber mediocris.

[recensere] Structura urbis

Ab anno 1790 Lutetiae exstetit praesidium praefecturae Sequanae. Hac praefectura anno 1968 destituta Lutetia fit urbs, commune, eodem tempore et praefectura. Commune Lutetiae in arrotundimentis viginti divisa est, quorum tabula inveniri potest in pagina "Urbs Lutetiae (praefectura Franciae)".

[recensere] Historia

Lutetia erat metropolis Parisiorum quorum tamen oppidum in Nemetoduro erat.

A saeculo II, Romani forum (cuius cardo maximus viam hodie "Sancti Iacobi" nuncupatam sequitur), amphiteatrum, thermas aliaque aedificia in sinistra Sequanae ripa creaverunt. Nam insularum hodie "Insula civitatis" et "Insula Sancti Ludovici" nuncupatarum gratia, quicumque via a Lugduno ad Fretum Britannicum peregrinans facilius Sequanam, etiamsi hieme, transire poterat et urbs propter hoc floruit. Itaque Iulianus, dum Alamanos Francosque debellabat, Lutetiae ab anno 355 ad annum 360 mansit.

Multi reges e Chlodovechi stirpe, etiamsi semper peregrinantes et administratione perenni carentes, Lutetiam ut regni "caput" eligerunt. Ludovicus VII et Philippus Augustus autem primi fuerunt reges, qui curiam et cancellariam eorum Lutetiae manere jusserunt et illic diu vixerunt. Ergo a saeculo XII, Lutetia caput Franciae haud dubie est.

[recensere] Res oeconomicae

Lutetiae multa diaria edita sunt, exempli gratia Le Figaro, Liberatio, Francia Vesperi, Orbis, etc.

[recensere] Commeatus

Ferrivia subterranea metropolitana Parisiensis (vulgo métro ' Subterranea Parisiensis') omne die multissimos homines transvehit.

[recensere] Loca et aedificia notissima

• Arcus Triumphalis
  

  

  Arcus Triumphalis, situs centro Fori Caroli de Gaulle (sive Fori Stellae)
• Campi Elysii
• Mons Martyrum
• Aedes Magnificae Regis
• Mons Parnassus
• Turris Eiffel
• Museum Lupariense
• Nostrae Dominae Lutetiae
• Biblioteca Nationalis Franciae
• Valetudinarium Invalidorum

[recensere] Universitates

• Universitas Parisiensis

[recensere] Ecclesia Catholica

Lutetia est sedes archiepiscopalis. Praesens archiepiscopus est (a die 24 Novembris 2007) cardinalis Andreas Vingt-Trois.

[recensere] Laus Lutetiae

Ioannes de Hauvilla, poeta saeculi XII, laudat urbem Lutetiam regnumque Franciae his verbis:

... altera regia Phebi,

Parisius, Cirrea viris, Crisea metallis,

Greca libris, Inda studiis, Romana poetis,

Attica philosophis, mundi rosa, balsamus orbis,

Sidonis ornatu, sua mensis et sua potu,

Dives agris, fecunda mero, mansueta colonis,

Messe ferax, inoperta rubis, nemorosa racemis,

Munda domo, fortis domino, pia regibus, aura

Dulcis, amena situ, bona quolibet: omne venustum,

Omne bonum, si sola bonis Fortuna faveret!

Ioannes de Hauvilla, Architrenius 2.483–494.

[recensere] Incolae noti

Vide: Index incolarum notorum Lutetiae

[recensere] Vide etiam

• Obsidio Lutetiae
• Dictionarius (Iohannes de Garlandia)
• Commune Parisiorum anni 1871
• Deliberatio de pace componenda Lutetiae facta (1919)

[recensere] Notae

1. ↑ Fons nominis Latini desideratus (addito fonte, hanc formulam remove)

[recensere] Nexus externus