Amstelodamum

Amsterdam

Vexillum Insigne
Sententia "Heldhaftig, Vastberaden, Barmhartig" Batavice, "Valens, Firmus, Misericors"
Res politicae
Natio Provincia	Nederlandia Hollandia Septentrionalis
Ius municipale	c. MCC
Magister	Eberhard van der Laan
Res geographicae
Area  - tota  - terrestris  - aquosa	219,33 km² 166 km² 53,59 km²
Numerus incolarum 2012  - Spissitudo	790.044 4.484 incolae/km²
Coordinata	52° 22′ ″ Sept., 4° 54′ ″ Ort.
Situs interretialis: www.amsterdam.nl

Templum Sancti Nicholai (Nederlandice: Sint Nicolaaskerk).

Amstelodamum, sive Amstelodanum, vel plerumque Amstelaedamum (nomen adiectivum: Amstelodamensis) (Batavice: Amsterdam aut Mokum), est caput et maxima Bataviae urbs in Hollandia Septentrionali provincia iuxta Amstel fluminis ostium et lacum IJ sita. Nomine accepto a mole saeculo tertio decimo in flumen Amstel acta, urbs iure circa annum 1300 appellata est et mox munitionibus alia atque alia appetendo loca tam crescebat ut Saeculo Batavorum Aureo Amstelodamum totius orbis terrarum commercio nisi maxima inter maximas numeraretur. Saeculo sexto decimo exeunte, urbs propter incolarum incrementum iterum iterumque munitionibus atque fossis aucta est eo consilio ut plures amplecti posset. Fossae illae omnes contextae Batavice notae sicut cingulum fossarum (Batavice grachtengordel) pulcherrimae inter urbis amoenitates adhuc lustrari possunt ac inter UNESCO patrimonia totius orbis terrarum numerantur. Alia lustranda praecipue musea sunt ut Museum Rei Publicae, Museum Urbis, Van Gogh pictoris Museum, domus Annae Frank sed etiam partes urbis vetustiores. Sunt duae Amstelodami sitae studiorum universitates (Universitas Amstelodamensis atque Universitas Libera Amstelodamensis) et est urbs quae maximam inter omnes orbis terrarum urbes continet civitate hominum varietatem cum dimidia pars incolarum advenae sint.

Kalendis Ianuariis 2012, secundum censum incolae 790 044 in urbe habitabant. Incolis suburbium autem inclusis, circa 1.2 miliones continet. Una cum aliis urbibus finitimis dicitur "Amstelodami urbium coniunctio" quae 2.3 incolarum milliones amplectitur atque illa ipsa urbium coniunctio in maiore Batavarum urbium ut Roterodami, Hagae et Ultraiecti coniunctione partem habet, quae coniunctio incolis in Europa sexta dicitur continens circa 7 milliones (Batavice Randstad). Ipsa urbs divisa est in partes septem quae iterum inter se divisae sunt.

Lustranda

• Allard Pierson Museum
• Domus Annae Frank
• Museum Rei Publicae
• Museum Urbis
• Van Gogh pictoris Museum

Scholae ubi Graeca et Latina Linguae docentur

• Barlaeus Gymnasium
• Vossius Gymnasium
• Ignatius Gymnasium
• Het 4e Gymnasium
• Het Amsterdams Lyceum
• Cygnus Gymnasium
• Fons Vitae
• De Nieuwe School

Cives praeclari

Nati

• 1632: Baruch de Spinoza, philosophus
• 1923: Fredericus Heineken
• 1814: David Abraham Portielje rerum oeconomicarum peritus

Mortui

• 1684: Casparus Barlaeus, scriptor Nederlandicus

Alii

• Nicolaus Tulp, n. Claes Pieterszn (1593–1674)
• Rembrandt van Rijn (1606–1669)
• Ioannes Smyth et Thomas Helwys (1609)
• Agneta Matthes (1847–1909)
• Christianus Iacobus van Ledden Hulsebosch (1877–1952)
• Emmy Andriesse (1914–1953)
• Ioannes Cruyff (* 1947)
• Andreas Hazes (1951–2004), cantor
• Ruud Gullit (* 1962)
• Dionysius Bergkamp (* 1969)
• Candy Dulfer (* 1969)
• Iuditha Sargentini (* 1974)
• Patricius Kluivert (* 1976)
• Simon Vinkenoog (1928–2009)

Nexus externi

Vicimedia Communia plura habent quae ad Amstelodamum spectant.

• Pagina interretialis officialis (Batave, Anglice)
• Amsterdam, VisitTown.com (Anglice)
• Iamsterdam (res pro peregrinatoribus)

Bibliographia

• Janse, H. 1993. Amsterdam gebouwd op palen. Amstelodami: Verlag Ploegsma. ISBN 90-216-7031-3.
• van Leeuwen, Marco H. D. 2000. The logic of charity: Amsterdam, 1800–1850. Basingstoke: Palgrave Macmillan. ISBN 0-333-69603-4.

Notae

Haec stipula ad urbem spectat. Amplifica, si potes!

Regiones Amstelodami