Berolinum

E Vicipaedia
Salire ad: navigationem, quaerere
Vexillum Terrae Foederalis Insigne Terrae Foederalis
Landesflagge Berlins
Insigne Terrae Foederalis Berolini
Insignia Berolini
Situs Berolini
Carta Germaniae situm Berolini monstrans
 
 
Indicia fundamentalia
Area: 891,82 km2˜ Area 14. omnium terrarum foederalium
Numerus incolarum: 3 440441 Numero incolarum 8. omnium terrarum foederalium
(31 Martius 2010)
Spissitudo incolarum: 3810 incolae per km2˜ Spissitudine 1. omnium terrarum foederalium]]
PDG : 79.60  Mrd. € (2005)
Altitudo: ab 34 usque ad 115 m
Coordinata geographica: 52° 31′ 0″ Sept., 13° 24′ 0″ Ort.
Numerus cursualis: ab 10001 ad 14199
Praefixum telephonicum: 030
Nota autocineti: B
Nota magistratus communalis: 11 0 00 000
ISO 3166-2: DE-BE
UN/LOCODE: DE BER
Pagina interretialis: www.berlin.de
Res politicae
Berolini magister civium regens: Nicolaus Wowereit (SPD)
Factiones in regimine: SPD / CDU
Legati in
domo legatorum
(149 legati):		 SPD 47
CDU 39
Factio Sinistra 19
Factio Piratica Germaniae 15
Foedus 90/Virides 29
( 18 Septembris 2011)
Electio proxima futura: 2016
Ordo urbis partium: 12 regiones cum 95 partibus
Legati ad Consilium Foederale: 4
Aes alienum: 61,2 Mrd. € (fine 2005)
Portio peregrinorum: 13.7 % (Augusto 2006)
Portio opere carentium: 17.1 % (Augusto 2006)

Berolinum[1] (Theodisce Berlin) est urbs maxima Germaniae, caput Rei publicae foederalis Germaniae, caput etiam Archidioecesis Berolinensis. Incolarum (qui "Berolinenses" vocantur) sunt circa 3 500 000. Berolinum et urbs et terra foederalis (Land) in duodecim regiones (Bezirke) divisa anno 1237 circiter condita est.

Haec urbs opulentissima habet universitates quattuor, odeia tria, orchestra symphonica duo, ecclesias, theatra, scholas, gymnasia, balnea innumera. Commercium fit per vias stratas et quidem maximas, per ferroviarium, per metropolitanam, per carros omnibus vehi volentibus accommodatos et vi aut electrica aut petrolei impulsos.

Incolae originis Teutonicae fidem aut nullam aut Christianam sectae Lutheraneae maxima ex parte confitentur; Polonicae, quorum non pauci sunt, Catholicam Romanam; Hebraicae, Iudaicam; Turcicae atque Arabicae, quorum forsitan vel plures, Musulmanicam.

Index

Geographia [recensere]

Dea Berolina in foro Alexandri (Alexanderplatz) stabat

Berolinum in ea parte Germaniae, quae ad orientem solem vergit, 70 circiter chiliometra abest a Polonia. Urbs tota circumdatur provincia Brandenburgensi. Sita est ad ripas fluviorum Sprehae Hevellaeque inter lacum Moeggelium, lacum Vannium, lacum Tegelium. Colles habet non septem quidem, sed tamen aliquot, quorum altissimus est mons Diaboli Castris Carlottianis-Vilmersdorfio in regione IV, qui mons quasi Testaceus consistit in ruinis urbis bello funditus obrutae. De regionibus vide infra.

Commeatus [recensere]

Ferrivia metropolitana et Pons Trabis Superioris

Post longam disputationem denique 15 Februarii 1902 Berolini ferrivia subterranea inaugurata est. "Viae Elatae atque Subterraneae Electricae" (vulgo: Elektrische Hoch- und Untergrundbahn) magna viarum parte super pontibus aedificatae erant; posterioribus autem temporibus viae sub terra muniebantur. Berolini verbum U-Bahn (quod lingua Latina "viam subterraneam" dicit) anno 1929 inventum est postquam Societas Ferriviaria Imperialis vias urbanas suas nomine S-Bahn (pro Schnellbahn 'via celeri') nominaverat. Statio principalis Berolinensis nuper aperta est ut maxima statio ferriviaria Berolinensis.

Historia [recensere]

Saeculo octavo, tribus Slavonicae incoluerunt omnes Germaniae partes inter Albim et Viadram flumina. Hevellani autem (qui Germanice Heveller nominantur, Slavonice Havolane) habitabant ad ripas Hevellae fluvii, qui nunc ab indigenis Havel appellatur, quorum oppidum unum erat Brennabor nostra aetate Brandenburg dictum. Sprevani vero vel vulgo Sprewanen (Slavonice Sprevjane) habitabant ad ripas Sprevae fluvii Berolinensibus nomine Spree dilectissimi. Sprevanorum oppida Spandovium erant et Berolinum, cuius urbis nomen olim Latine Berolina reddebatur. Berolina illa aedificata erat orbe vallo muroque cincto, et domi eorum in circulo locati erant, quod oppidi genus Germanice appellatur Rundling velut rotundianum. Nomen ipsum oppiduli prisci originis Slavonicae esse constat, ut Berolinum a radice Slavonica berl- aut birl- dictum esse videatur, qua paludes significabantur.

Ecclesia Cathedralis et Palatium Regium (imago anni 1900)

Oppida gemella Berolinum Coloniaque in insula Sprevae fluminis sita ante annum 1237 condita sunt. Inde ab anno 1307 in unam civitatem coniuncta Berolini solius nomine appellantur. Saeculo XV, viri nobiles ex gente Hohenzollern nati marchiones Brandenburgenses facti sunt, quorum sedes erat Berolinum. Ea gens postea ad dignitatem electoralem Sacri Imperii Romani, tum ad summam rerum regni Borussici, denique saeculo XIX ad principatum totius Germaniae ascendit urbe una cum domo illa semper crescente, ut anno 1871 caput Germaniae fieret.

Berolinensium multitudo identidem aucta est hominibus, qui aut propter libertatem fidei in Borussia concessam aut ut laborarent sedes suas illuc transtulerunt. Primum enim Elector Magnus saeculo XVII vix exacto Gallis principatum suum patefecit, qui propter fidem reformatam a rege Gallorum opprimerentur. Secuti sunt saeculo XVIII Frisii Saxonesque ex Hollandia nati Bohemique, saeculo XIX Poloni, saeculi XX decenniis primis Hebraei ex Polonia Livoniaque orti, post bellum alterum per totum orbem terrarum gestum Turcae Arabesque.

Cum in Germania Adolpho Hitlero duce caterva eorum qui cum partibus nationalibus socialisticis facerent, rerum potita esset, ex urbe antea artibus industria scientiisque florentissima ingens numerus eorum expulsus est, quorum opere auctoritas dignitasque urbis steterat. Hac in civitate in gremium monstrorum commutata duces partium nationalium socialisticarum consilium illud crudelissimum ceperunt, ut populum Hebraeorum totum ad internecionem oblitterarent. Mox autem bello a Germanis commisso Berolinum anno 1945 a victoribus deletum occupatumque est et gentes oppressae liberatae sunt.

Urbs igitur restituta usque ad annum 1990 divisa erat in partes quattuor, quarum unam occupabant Sovietici, aliam Britanni, tertiam Galli, quartam, qui ipsorum lingua Americani, nostra cives Civitatum Foederatarum Americae appellantur. Pars Sovietica et partes occidentales muro ab illa seiunctae institutis et legibus inter se differebant.

Inde ab anno 1990 una cum libertate Berolini integritas restituta est. Praeses cancellariusque Germanorum sedes et militiam suam Berolinum reduxerunt, unde his annis Horatio Koehlero praeside Angela Mercelia cancellaria rem publicam Germanorum gubernat.

Studia [recensere]

Loca aedificia monumenta musea animadversione digna [recensere]

Ecclesia Cathedralis Berolini
Porta Brandenburgensis
Stadium Olympicum

Cultura [recensere]

Berolini quotannis mense Februario clarae cinematographiae festae celebrantur (Internationale Filmfestspiele Berlin).

Societates mercantiles [recensere]

Berolinum est Societatis Ferriviariae Germanicae caput.

Ecclesia Catholica Romana [recensere]

Berolinum est sedes archiepiscopalis Ecclesiae Catholicae; diebus nostris archiepiscopus]] est cardinalis Georgius Maximilianus Sterzinsky.

Incolae noti [recensere]

Monumentum Martini Lutheri iuxta Ecclesiam Sanctae Mariae
Vide etiam: Alumni universitatum Berolinensium; Professores universitatum Berolinensium

Nati sunt [recensere]

Mortui sunt [recensere]

Regiones et vici [recensere]

Notae [recensere]

  1. ↑ J. G. Th. Graesse, Orbis Latinus (Dresdae: Schönfeld, 1861) html pdf

Bibliographia [recensere]

Vide etiam [recensere]

Nexus externi [recensere]

Commons-logo.svg Vicimedia Communia plura habent quae ad Berolinum spectant.

Pinacotheca [recensere]

Terrae foederales Germaniae
Badenia-Virtembergia · Bavaria · Berolinum · Brandenburgum · Urbs Hanseatica Brema · Hamburgum · Hassia · Megapolis et Pomerania Citerior · Rhenania Septentrionalis-Vestfalia · Rhenania-Palatinatus · Saxonia · Saxonia-Anhaltinum · Saxonia Inferior · Slesvicum et Holsatia · Saravia · Thuringia
Index regionum
 
Urbes quae sunt capita terrarum foederalium Germanicarum
Vexillum Rei Publicae Germanicae
Aquae Mattiacae • Berolinum • Brema • Dresda • Dusseldorpium • Erfordia • Hamburgum • Hannovera • Kielia • Magdeburgum • Moguntiacum • Monacum • Potestampium • Saravipons • Stutgardia • Suerinum


Mille Paginae.png

Receptum de "http://la.wikipedia.org/w/index.php?title=Berolinum&oldid=2551535"