Aqua

Tellus ex Apollo 17 visa.

Aqua est substantia chemica appellata oxidum hydrogenii, seu hydrogenium oxydatum. Molecula aquae ex binis atomis hydrogenii et uno oxygenii constat.

Aquae non est odor neque sapor; color vero est caeruleus pallidus, quem adspicere potest magnitudinibus altis aquae velut in mari. Ad aquam obtinendam chemice puram, necesse est agere variis technicis physicis purificationis quoniam aqua substantias plurimas, immo gasia, solvere potest.

Tegit ultra duas partes telluris aqua, et aqua est dimidium massae corporum animalium. Relative^? abundans, plane substantia ubicumque in biosphaera (quamquam solum 0.022% massae designat) atque simul in tribus statibus aggregationis materiae inveniri potest: solidum, gasium, liquidum.

Basis^? quidem vitae est aqua in tellure. Absque ea neque homines neque animalia neque plantae vivere possunt. Aqua etiam est basis liquorum plurimorum.

Aqua liquida in maribus, fluminibus, et lacubus reperitur. Aqua in statu solido nivem aut glaciem efficit cum temperatura sub 0° C sit, quod fit, exempli gratia, tempore hiberno vel in culminibus montium. In modo autem gasii invenitur in atmosphaera terrestri in formis vaporis aut nimborum in caelo formatorum.

Formula

Formula chemica est: H₂O.

Propria physica aquae

• Punctum ebullitionis eius est 373 K (100 °C) cum pressu 1 atm.
• Punctum fusionis eius est 273 K (0 °C) cum pressu 1 atm.
• Aqua pura fluxionem electricam conducere vix potest.
• Liquor est inodorus atque insipidus. Haec sunt propria organoleptica eius.
• Exstare potest tribus modis, hi sunt: solidum, liquidum et gas.
• Densitas aquae est 1 g/cm3 cum pressu 1 atm. Id est, in quoque centimetro cubico aquae, est ipsius grammum.
• Duos meniscos format: aliud concavum, aliud convexum.
• Tensionem superficialem habet.
• Capillaritatem possidet, id est, proprietas ascendendi vel descendendi huius liquoris in tubis capilaribus.
• Potestas eius calorifica maior aliis liquoribus.

Propria chemica

Valde prior est quoniam plerique processorum chemicorum naturalium accidunt inter substantias in aqua dissolutas. Aqua enim est dissoluens universalis, quia omnes substantiae quodam modo solubiles sunt in ea.

1. Non est acida neque basica
2. Salibus hydrata cum illis formatur
3. Cum oxidis metallorum acida formatur
4. Catalizator multis actionibus chemicis est

Dissociatio aquae

Dissociatio aquae est reactio equilibralis. Aqua dissociatur in ionta hydronium et hydroxidum.

$2 H_2O ~^\rightharpoonup_\leftharpoondown~ H_3O^+ + OH^-$

Equilibrium maxime ad sinistram.

Distributio mundo

In Tellure circiter 1 360 000 000 km³ aquae est distributa sic:

• 1 320 000 000 km³ (97%) sunt aquae marinae
• 40 000 000 km³ (3%) sunt aquae dulcis.
  • 25 000 000 km³ (1,8%) ut glacies.
  • 13 000 000 km³ (0,96%) in subterraneis
  • 250 000 km³ (0,02%) in lacubus et fluminibus
  • 13 000 km³ (0,001%) in atmosphaera ut vapor aquae

Aqua in Bibliis Sacris

Aqua etiam in Bibliis Sacris magni momenti est.

• In libro Ieremiae 2:13, Deus fons aquae vivae nominatur.
• Iesus Christus feminam ad fontem narravit: "Omnis qui bibit ex aqua hac, sitiet iterum; qui autem biberit ex aqua, quam ego dabo ei, non sitiet in aeternum; sed aqua, quam dabo ei, fiet in eo fons aquae salientis in vitam aeternam" (Evangelium secundum Ioannem 4:13–14).

Vide etiam

• Aqua cadens
• Aqua (molecula)
• Aquae ductus
• Pondus Hydrogenii

Further reading

• Debenedetti, P. G., et H. E. Stanley. 2003. Supercooled and Glassy Water. Physics Today 56(6):40–46. Downloadable PDF (1.9 MB)
• Franks, F., ed. (1972) 1982. Water: A comprehensive treatise. Novi Eboraci: Plenum Press.
• Gleick, P. H., ed. 1998+. The World's Water: The Biennial Report on Freshwater Resources. Vasingtoniae: Island Press. The World's Water, Island Press
• Jones, O. A., J. N. Lester, ET N. Voulvoulis. 2005. Pharmaceuticals: a threat to drinking water? TRENDS in Biotechnology 23(4):163.
• Journal of Contemporary Water Resources and Education
• Postel, S. 1992. Last Oasis: Facing Water Scarcity. Novi Eboraci: W. W. Norton and Company.
• Reisner, M. 1986. Cadillac Desert: The American West and Its Disappearing Water. Novi Eboraci: Penguin Books.
• United Nations. World Water Development Report. UN World Water Development Report

Nexus externi

Vicimedia Communia plura habent quae ad aquam spectant.

• FAO Comprehensive Water Database, AQUASTAT, www.fao.org
• OECD Water statistics, stats.oecd.org
• Portal to The World Bank's strategy, work and associated publications on water resources, water.worldbank.org
• US Geological Survey Water for Schools information, ga.water.usgs.gov
• The Water Conflict Chronology: Water Conflict Database, worldwater.org
• The World's Water Data Page, www.worldwater.org