Insula Sancti Ludovici

Insula Sancti Ludovici^[1] (Francogallice: Île Saint-Louis) praeter Insulam Civitatis maiorem media in Lutetia sita est Sequana amplectente. Invenitur quarto in circumdario creans Tribum Nostrae Dominae: ad istium vicum etiam oriens Insulae Civitatis pertinet.

Historia[recensere | fontem recensere]

*Pointe est de l'Île Saint-Louis'* fecit Nicolas Raguenet circa annum 1757

Saeculo XVII primae habitationes hoc loco erectae sunt, qui ipse duobus pascuis compositus erat. Quibus nomina vernicularia Île aux vaches et Île Notre Dame. Ecclesiastici, quamquam identidem novis spatiis habitandis valde egebatur, emolumento diu non annuebant.

Sed anno 1614 rex Ludovicus XIII Christophorum Marie architectum in arvis structuras incipere iussit. Primo autem utraque area crepidinibus firmata est et pontes trans Sequanam addi debuerunt. Ecce pons quidam ad paludines (quibus nomen Marais) ducens, qui nominatus est pro architecto Pont Marie. Confectus est anno 1635; in eo, ut isto tempore mos, casellae plures erant.

In principio ex anno 1618 tribus novus negotiatores atque homines quaestum facientes sartos et tectos servabat. Viginti annis post, cum causae cum clericis de dominiis finitae essent, nobiles advenerunt. Tunc viae rectae utiles stratae sunt. Anno 1726 insulae nomen datum est in honorem regis et sancti Ludovici IX. Revolutionarii barbari rebus novis saevientibus ad tempus rem Insulam Fraternitatis nuncupabant. Hodierni insulani Parisiensibus divitioribus adscribi possunt.

*Le Pont Marie et l’Île Saint-Louis*, 1757

Pontes ad insulam[recensere | fontem recensere]

Pont Saint-Louis, ad Insulam Civitatem
Pont de la Tournelle, a ripa sinistra
Pont Louis-Philippe, a ripa dextera
Pont Marie, a ripa dextera
Pont Sully, ab utraque Sequanae ripa

Res aspectabiliores[recensere | fontem recensere]

Visitandae sunt hae res:

Ecclesia Sancti Ludovici in Insula quam Franciscus Le Vau architectus excogitavit; erecta est annis inter 1664 et 1726, turris autem anno 1765 addita est; tres naves habet cum picturis aureis saeculi XIX
Palatium Lambert (1, quai d’Anjou/2, rue Saint-Louis en l’Île), quod confecit Le Vau annis inter 1640 et 1644
Palatium de Lauzun (17, quai d’Anjou), architecto Le Vau, quod olim possidebant Richelaei; hic olim habitabant Theophilus Gautier, Carolus Baudelaire et Ferdinandus Boissard (pictor qui Sodalitatem cannabiphilorum condidit cui intererant artifices et docti velut Iacobus Iosephus Moreau, Honoratus de Balzac, Eugenius Delacroix, Alexander Dumas, Gerardus de Nerval.
Palatium Le Vau (3, quai d’Anjou), secundum ichnographias Ludovici Le Vau constructum
Palatium minus de Marigny (5, quai d’Anjou), annorum 1640
Palatium Jassaud (19, quai de Bourbon), annorum inter 1666 et 1670
Palatium Chenizot
monumentum pro sculptore Antonio Ludovico Barye quod exaravit anno 1896 Laurentius Marqueste; spectari potest in platea in insulae cauda orientali sub Pontem de Sully: omnia in viridario bello sunt

Homines notiores[recensere | fontem recensere]

In Insula Sancti Ludovici vitam degebant degentve:

Abraham Bosse (ca. 1604-1676), delineator
Adam Georgius Czartoryski (1770-1861), minister Russicus rerum externarum et praeses gubernatorii Polonici revolutionarii anni 1830; ad Palatium Lambert
Aemilius Bernard (1868-1941), pictor et poeta; 15, quai Bourbon
Agnes Jaoui (* 1964), histrio, scaenarum moderatrix, cantatrix
Antoninus Nompar de Caumont, capitaneus cohortis praetorii regiae; ad Palatium Lauzun
Antonius Chrystotomus Quatremère de Quincy (1755-1849), archaeologus et artium historicus; 19, quai de Bourbon
Brianus Adams (* 1959), cantor, musicographus et photographicus
Camilla Claudel (1864-1943), sculptrix; 19, quai de Bourbon
Carolus Baudelaire (1821-1867), poeta; quai de Béthune et ad Palatium de Lauzun (Hôtel de Pimodan)
Carolus Ludovicus Philippe (1874-1909), scriptor; 31, quai de Bourbon; 45/47, quai de Bourbon
Claudia Cardinale (* 1938), histrio
Claudia Sarraute (* 1927), diurnaria
Ernestus Meissonier (1815-1891), pictor; 15, quai Bourbon
Franciscus Carco (1886-1958), scriptor; 18, quai de Béthune
Georgius Moustaki (1934-2013), cantor
Georgius Pompidou (1911-1974), politicus eiusque uxor Claudia (1912-2007); 24, quai de Béthune
Guido Bedos (1934-2020), scurra
Helena Rubinstein (1870-1965), cosmeticus; 24, quai de Béthune
Henricus Dutilleux (1916-2013), musicographus
Honoratus Daumier (1808-1879), sculptor, pictor, graphicus; 9, quai d’Anjou
Ioannes Claudius Brialy (1933-2007), histrio et scaenarum moderator
Ioannes Fontana (1621-1695); ad Palatium Lauzun
Ioannes Iacobus Russavius (1712-1778), philosophus; ad Palatium Lambert
Ioannes Racine (1639-1699), scriptor; ad Palatium Lauzun
Ferdinand Boissard (1813-1866), pictor; ad Palatium de Lauzun (Hôtel Pimodan) um 1844
Leo Blum (1872-1950), politicus; 25, quai de Bourbon
Ludovicus Le Vau (1612-1670), architectus
Ludovicus de Funès (1914-1983), histrio; 24, quai de Béthune
Maria Curie (1867-1934), chemica et physica; 36, quai de Béthune
Molière (1622-1673), histrio et dramaturgus; ad Palatium Lauzun
Nicolas Lambert de Thorigny († 1680), praeses aerarii; ad Palatium Lambert
Philippus de Champaigne (1602-1674), pictor; (fortasse) 15, quai Bourbon
Rolandus Dumas (* 1922), politicus
Stuart Merrill (1863-1915), poeta; 53, quai Bourbon
Theophilus Gautier (1811-1872), scriptor; ad Palatium de Lauzun (Palatium Pimodan) 1845
Voltarius (1694-1778), philosophus; ad Palatium Lambert