Roman numeral 10000 CC DD.svg
Mille Paginae.png

Civitates Foederatae Americae

E Vicipaedia
Salire ad: navigationem, quaerere
Padlock-skyblue.svg
Usores ignoti vel ignotae hanc paginam protectam hoc tempore recensere non possunt. Quaesumus ut emendationes in disputatione huius paginae proponas vel rationem propriam crees.
Schlaegel und eisen yellow.svg -3 (maxdubium) Latinitas huius rei maxime dubia est. Corrige si potes. Vide {{latinitas}}.
United States of America
Vexillum Civitatum Foederatarum Americae Insigne Civitatum Foederatarum Americae
Vexillum Insigne
Sententia:
E Pluribus Unum (1776–)
In God We Trust (1956–)
(Anglice; Deo Fidimus)
Hymnus: Vexillum Stellis Punctatum
Anglice: "The Star-Spangled Banner"
Situs Civitatum Foederatarum Americae
Forma administrationis Res publica
Linguae officiales nulla
(Anglica et Hispanica principales sunt)
Nomen incolarum Americanus
adiectivum Americanus
Praeses Baracus Obama
Praeses Vicarius Iosephus Biden
Caput Vasingtonia, C.C.
38° 53' Sept., 77° 02' Occ.
Urbs maxima Urbs Novum Eboracum
Area
 - Totalis
 - aqua (%)
de area 3.a
9 631 419 km²
4.87%
Numerus incolarum
(anno 2007)
Totalis
 - Spissitudo
de frequentia 3.a

301 139 947
30/km²
PDB (anno 2007)
 - Totalis
 - PDB/capita
de producto 1.a
$13 210 000 miliones
$44 000 (9.a)
Nummus Dollarium (USD)
Libertas civitatum
 - Dicta
 - Agnota
E Britannia Magna
4 Iulii, 1776
3 Septembris, 1783
Circulus temporalis
 - aestate ()
(UTC-5 ad -10)
variat (UTC)
Praefixum telephonicum nationis +1
Dominium interretiale [[..gov .edu .mil .us .um]]

Civitates Foederatae Americae[1] (breviter Civitates Foederatae,[2] Civitates, America, seu CFA; Anglice: United States of America), sunt foederalis respublica constitutionalis cui quinquaginta civitates et unus districtus foederalis insunt. Rei publicae maximam partem pertinet in media America Septentrionali, ubi sui quadraginta octo civitates confines et Vasingtonia (districtus capitalis) oceanis Pacifico et Atlantico interiacent, Canada a parte septentrionali et Mexico a meridiana parte sitis. Civitas Alasca inter septentriones et occasum solis spectat, Canada ab oriente et Russia ab occidente trans Fretum Beringianum. Civitas Havaii est archipelagus in medio Pacifico situs. Civitates Foederatae nonnulla terroria, vel regiones insulares, in Mari Caribbaeo et Oceano Pacifico possident.

Civitas, quae aream superficialem 9.83 millionum chiliometrorum quadratorum praebet, et plus quam 305 decies centena milia incolarum habet, est omnium orbis terrarum civitatum tertia aut quarta in area, et tertia in area terrarum et numero incolarum. Civitas inter diversissimas mundi civitates constat, quanto de cultura et stirpe dicitur, ob magnam immigrationem gentium. Oeconomia est orbis terrarum maxima, cui anno 2008 fuit aestimatus productus domesticus grossus (PDG) FA$14.3 trillione (23% totius mundi iuxta PDG nominale et paene 21% de paritate potestatis emptionis).[3][4]

Civitas a Tredecim Coloniis Britanniarum Regni secundum Orientalem Oram condita est, quae die 4 Iulii 1776 Declarationem Libertatis promulgaverunt, earum libertatem a Britannia et earum formam foederationis se adiuvantem adfirmans. Civitates seditiosae Regnum Britanniarum in Bello Libertatis Americanae vicerunt—primo coloniali libertatis bello prospero.[5] Conventus Philadelphiae praesentem Constitutionem Civitatum Foederatarum sanxit die 17 Septembris 1787, cuius ratificatio proximo anno civitates fecerunt partes unius reipublicae, validam sedem imperii habentes. Gubernatio Civitatum Foederatarum anno 1789 coepit. Rogatio Iurum, quae in decem emendationibus constitutionis consistit, multa principalia iura civilia praestans, anno 1791 sancta est.

Civitates Foederatae saeculo undevicensimo magnam regionem Emptione Ludoviciana a Francia adeptae sunt, et parvum tractum Foedere Adams-Onís ab Hispania, Terram Oregonensem a Britanniarum Regno, amplum tractum in Bello Mexici et Civitatum Foederatarum a Mexico, et iterum magnum tractum Emptione Alascana a Russia, et in dicionem suam respublicas Texanam et Havaianam redegit. Dissensio inter Meridianam agrariam et Septentrionalem industrialem quod attinet ad iura civitatum et expansio servitutis Bellum civile Civitatum Foederatarum decennium 187 incitaverunt; victoria autem Septentrionum perennem reipublicae fissuram prohibuit, et legitimum servitutis finem in Civitatibus Foederatis promovit. Ante decennium 188, oeconomia civitatis iam fuit maxima orbis terrarum.[6] Bellum Hispaniae et Civitatum Foederatarum et primum bellum mundanum statum reipublicae confirmaverunt opum. Anno 1945, Civitates Foederatae ex secundo bello mundano emerserunt prima civitas arma nuclearia habens, perennis Concilium Salutis Consociationis Nationum sodalis, et condens NATO sodalis. Finis Belli Frigidi et dissolutio Unionis Sovieticae Civitates Foederatas solam civitatem praepotentem effecerunt. Civitas circa 50 centesimas erogationum per orbem terrarum pro militia et apparatibus belli erogat, et est princeps vis oeconomica, politica, et culturalis in mundo hodierno.[7]

Urbs Vasingtoniae est caput. Baracus H. Obama praeses quadragesimus quartus est.

Forma foederalis rei publicae

Secundum suam constitutionem, res publica Americana in singula re publica foederali consistit, hodie in se quinquaginta civitates distinctas continente. Cuique civitati est propria constitutio administratioque civilis. Insuper nonnullae territoria sive terrae sunt variis in condicionibus, inter eas Portus Dives, Samoa Americana, Guama, et Districtus Columbiae. Coloniae sicut civitates non constant, sed incolae suae inter cives Civitatum Foederatarum enumerantur.

Res publica foederalis est divisa in tres partes quae sunt legifera, iuridica, administrativa.

Pars legifera convenit in duabus cameris, Camera Repraesentantivorum ex 435 Repraesentantibus consistenti et Senatu ex centum senatoribus consistenti. Cuique civitati sunt duo senatores et tot repraesentativi quot numerus incolarum suarum meretur.

Praeses, qui exercitus imperat et grapheocratias rectionium praeest, a conlegio electorali quarto anno electus est. Cuique civitati sunt in conlegio electorali tot electores quot sunt sibi senatores repraesentativique in Congessu. Quibusque quattuor annis, collegium electorale a populis civitatum electum est, et postmodo praeses a collegio electus est. Praeses consilium ministrorum habet, cuius participes non sunt electi sed a praeside ipso nominati.

Altissimum forum iuridicum Civitatum Foederatarum est Iudicium Summum, cuius iudices praeses subrogat et senatus sancit. Ritus horum iudicum numerus hodie est et semper fuit novem.

Annis 17771789, res publica Americana "operabatur" forma infirma sub Articulis Confoederationis (Anglice Articles of Confederation) a tredecim civitatibus conditoribus creata. Anno 1787, denique patres conditores, Civitates Foederatas Americae creantes, novam Constitutionem rei publicae comprobaverunt. Quamquam consitutio ipsa quot emendatur, forma rectionis originalis anni 1787 hodie intacta manet.

Litterae aliae quae ad rectionem Americanam spectant:

Geographia

Imago quadraginta octo civitatum confines.

Terrestris confinium area Civitatum Foederatarum circiter 1 900 000 000 agrorum est. Alasca, attiguis? Civitatum Foederatarum a Canada abiuncta, maxima civitas est, 365 000 000 agrorum. Insulae Havaianae, in medio Oceano Pacifico obsidentes, plus quam 4 000 000 agrorum habet.[8] Post Russiam et Canadam, Civitates Foederatae tertia quartave civitas maxima area tota (terrali? aqualique) sunt, aut ante aut post Sinam locata. Ordo propter agrorum duorum et India et Sinis postulatorum numerandum et magnitudinis summae Civitatum Foederatatum enumerandum discrepat: CIA “World Factbook” 9 826 675 km2 proponit,[9] Divisio Statisticorum Consociationis Nationum 9 629 091 km2,[10] Encyclopediaque Britannica 9 522 055 km2 dat.[11] Cum modo area terreni Civitatum Foederatarum tertiae magnitudine, post Russiam et Sinam, et vix ante Canada sunt.[12]

Campus litoralis orarum martimarum Atlanticis intus in silvas deciduosas et colles volventes Piedmontis? cecidit. Montes Appalachiani oram maritimum orientalem a Lacubus Magnis et pratis Mediis-Occidentibus dividit. Amnis Mississippi-Missuria, quarta maxima in orbe terrarum systema amnum, plerumque a septentrione ad meridiem trans medullam civitatis fluit. Pratum Americanum, planum fetumque, Camporum Magnorum? ad occidentem, a regione montana in austro-orientale ruptum tendit. Montes Saxosi, in limite Campis Magnis, a septentrionibus ad meridiem trans civitatem, altitudines ultra 4300 metra (in Colorato adsurgentes. Occidentius sunt Bacinus Magnus et desertae. Sierra Nevada et Iuga Cascades prope ad litus Pacificum extendit. Mons McKinley, vertex altissmus in civitate America Septentrionis, est circa 6194 metra altus. Montes igniferi crebri per Insulas Alexandri et Aleutianae sunt, et Havaii Insulae in montibus igniferis consistit. Supervolcanus sub Horto Civitatis Yellowstone? in Montibus Saxosis est maximus adiunctum volcanicum in continente situm.

Flumina

Clima

Montes Saxosi.

Civitates Foederatae, magnus magnitudine et varietate geographica, genera plura climatis continent. Ad orientalem meridiani 100, a continentale humida ad subtropicam humidam extendit. Meridianus Floridae vertex tropica est, et Havaii. Campi Magni meridiani 100 occidentes semiaridi sunt. Plerumque montes occidentales alpini sunt. Clima in Bacino Magno arida, in austro occidentale deserta, in litorale California mediterraneana, et in litorale Oregonia, Vasingtonia, et Alasca meridiana oceanica. Plerumque Alasca polaris an subarctica est. Tempestates intemperantes non rarae sunt: civitates Sinus Mexici attingentes saepe typhones marinos habent, et plurimi turbines in Civitatibus Foederatis, plerumque in Angiporto Turbinum? fiunt.[13]

Linguae

Vide paginam Sermonibus Civitatum Foederatarum dicata.

Cultura

Imagines culturae Americanae: apple pie,? basipila, et vexillum Americanum.

Civitates Foederatae sunt respublica multiculturalis, ubi variissimi greges ethnici, mores, et aestimationes se miscent.[14][15] Contra nunc paucos Indos Americanos et indigenas Havaianas, paene omnes Americani vel eorum maiores intra quinque saecula recentissima immigraverunt.[16] Cultura quam plurimi cives ferme celebrant est cultura Occidentalis, plerumque ex moribus immigrantium ex Europa, cum singulis ex aliis fontibus motis, sicut mores ex servis Africanis illati.[14][17][18]

Historia

Crystal 128 up.png Commentatio principalis: Historia Civitatum Foederatarum Americae

Origines

Crystal 128 up.png Commentationes principales: Indi Americani et Colonica Civitatum Foederatarum historia

Gentes quae terram Civitatum Foederatarum primum incolaverunt historici putant per pontem terrestrem trans fretum Beringense in Alascam ab Asia pervenisse ad minimum abhinc annos ab 14 000 ad 30 0000. Multi indigenae venatores vel convectores primitivi erant; alii sedentarii ac agricultores. Multi tribus novas formaverunt propter colonias ab Europeanis in America factas.

Coniectus qui ubique audiatur

Tabula Washingtonius Delevariam transit. Transitus, hic ab Emanuele Leutze anno 1851 depictus, die 25 Decembris 1776 accidit.

Res publica Civitatum Foederatarum Americae ex tredecim coloniis Britannicis Americae Septentrionalis post bellum libertatis anni 1776 orta est. Hae coloniae fuerunt: Provincia Nova Hantonia, Provincia Sinus Massachusettae, Colonia Rhodensis Insula et Providentiae, Colonia Connecticuta, Provincia Novum Eboracum, Provincia Nova Caesarea, Provincia Pennsilvania, Colonia Delevaria, Provincia Terra Mariae, Colonia Dominiumque Viginia, Provincia Carolina Septentrionalis, Provincia Carolina Meridionalis, et Provincia Georgia.

Iam circa annum 1760, magna discordia inter colonias et patriam Britannicam exsistebant; exempli gratia, ob regimen mercantilisticum Britanicum, quod vectigalia et delectus ad bella Europaea servanda imperabat, distantiam et coloniarum problemata neglegens, et ob superbum cultum Americanum, individualisticum et democraticum. Cum demum Americani regi restiterunt, rex copias ad colonias rebelles opprimendas misit. Et Americani hos actos indignati re vera rebellaverunt, militiasque civiles formaverunt.

Tandem Lexingtoniae die 19 Aprilis 1775 coniectus qui ubique auditur rerum commutatio Americana cecinit. Postea, tredecim colonias suam libertatem a rege die 4 Iulii 1776 declaraverunt. Francia se bello anno 1778 adiunxit, ut Britanniam ab coloniis suis privet, veterem adversarium Britannicum molliens. Bellum usque ad annum 1781 extendit, cum apud Yorktown exercitus Britannicus quo Generalis Cornwallis praeerat se Generali Washingtonio dedit.

Civitates et Britanniarum Regnum bellum demum anno 1783 Foedere Lutetiae pacem congruerunt. Anno 1789 civitates se coniunxerunt, nova constitutione foederali anno 1787 perfecta, Georgio Washingtonio primo praeside.

Expansio

Pictura allegorica ab Ioanne Gast circa annum 1872 picta, nomine Progressus Americanus, quae Fatum Manifestum exprimit. Fatum, hic Columbia, persona Civitatum Foederarum repraesentans, cultum humanum ad occidentem versus fert per incolas Americanos, qui filum telegraphicum rura extendunt; librumque scholasticum tenet. Varia colonii negotia proponit, et specialiter varios modos vecturae temporum. Indi et ferae fugiunt.

Saeculo XVIII ineunte, foederatio celeriter expansit. Emptio Ludoviciana, anno 1803 a Praeside Jefferson facta, Franciam Napoleonicam ab occidente submovit, et territorium Americanum duplicavit, colonias extensas ad occidentem Missisippii Fluvii sinens.[19]

Quod oeconomia Americana plerumque agriculturalis erat, terrae auxus Europaeique immigrantes, quae terras novas excoluerunt, magnopere reipublicae oeconomiam auxerunt. Terrarum aviditate regimina Americana, et foederalia et civica, magnopere Indos Americanos oppresserunt quos Europaei putaverunt saevos, incultos. Europaei Christianique porro habebant doctrinam Fati Manifesti, quo ei omnis Americae Septentrionalis continens incolandus erat, populique nativi mansuefaciendi, paganique in Christum ducendi.

Fato Manifesto Indi anno 1830 ad occidentem Mississippi Fluminis vi militari repatriati sunt. Et impetus ad colonias fundandas minime ad fines Civitatum Foederatarum desinit. Per saeculum undevigesimum, doctrina fati manifesti expansionista hominibus filibusteris privati exprimitur, qui Americam Latinam cum militibus mercinariis ex Civitatibus Foederatis invaserunt. Quamquam regimina Civitatum Foederatarum semper illos filibusteros recusaverunt, populo placebant.

Decennio 183, Europaei ex Civitatibus Foederatis Terras Texicas ad septentriones Mexici plerumque desertas sub auctoritate Mexici compleverunt. Mox Texas libertatem suam ab Mexico anno 1835 corripuit, quod populus novum regimen Mexicanum Imperator Antonii Lopez de Sancta Anna indignatus est, cuius actus autocrati eos multum nocuit. Cum Civitates Foederatae novam liberam Rempublicam Texianam anno 1845 in dicionem suam redegit, hae civitates quoque incertas fines inter Texiam et Mexicum sibi sumpsit, et occasionem ad Civitatum Foederatarum fines augendas per bellum cum Mexico. Mexico victo, Foedus Guadalupe Hidalgo anni 1848 Californiam, Novum Mexicum, Arizonam, et alias regiones ad septentriones adiunctas Civittaibus Foederatis concessit.

Bellum Civile

Proelium Gettysburgi, unum ex cruentissumis belli proeliis et punctum postquam Exercitus Unionis victurus erat.

Ex Civitatum Foederatarum conditu, contradictio magna inter libertatis doctrinas patrum conditorum et civitatum meridianarum servitudinis consuetudinem exsistebat. Declaratio Libertatis Americana anno 1776 facta "quod omnes Homines sibi pares creantur, a suo Creatore praediti quibusdam Iuribus inseparabilibus, inter quae numerantur ius ad Vitam, Libertatem, et Beata persequenda" coepit. Motus ad capitalismum mundanum oeconomicam servitudinis utilitatem saeculo septimo decimo iam multum diminuit, citando faucitatem per libera certamina oceonomica et mechanicam rerum fabricationem. Quamobrem opinabilis erat finem ad servitudinem sine tumultu mox fieri. At longa Civitatum Foederatarum divisio inter civitates liberas Septentrionales et civitates serviticas Meriodionales profundas divisiones culturales, oeconomicas, et politicas producit, quae Septentriones et Meridianam ad separationem et bellum impellaturae erant.

Foederatio Civitatum Foederatarum, vulgo Unio et Septentrionalis appellata: caerulea, flava (civitas finitima), caesia; Confederatia, vulgo "Meridiana": brunea.

Post victoriam electoralem Republicani Abrahami Lincoln anno 1860, qui servitudinis expansionem in novis territoriis fortiter opponebat, undecim civitates meriodionales ex CFA secesserunt, novam Civitates Americae Confoederatas conditans. Bellum die 12 Aprilis 1861 coepit, cum exercitus Carolinae Meridionalis tormenta in Castellum Sumter coniecit.

Bellum, quod quattuor annos, ad annum 1865 (de iure ad 1866) extendit, fuit saevum. Novi modi bellum gerendi per belli cursum excogitati sunt, sicut batalaria cataphracta cannones in turris praebita, batalaria subaqueana, torpedones, minae navales et terrestres, sclopeta automatica,? pyroboli manuales, et fossae castrenses. Quae res novae militares naturam internecivam belli multum auxerunt. Iuxta censum anni 1860, octo centesimae omnium marium albi coloris ab 13 ad 43 annos natorum interiverunt, quod 6 centesimas omnium Septentrionum et 18 centesimas omnis Meridiei comprehendit.[20]

Reconstructio et faucitas

Ferrivia Transcontinentalis nomine First Transcontinental Railroad, perfectum anno 1869, ab Andrea J. Russell photographemate capta.

Per decadem post Bellum Civile, Aetatem Reficiendi vocatam, variae emendationes ad Constitutionem Civitatum Foederatarum perfectae sunt, quae iura civilia Americanorum nigri coloris defendebant, sicut Enmendationem Tertiadecimam quae servitudem illegalem declaravit, Enmendationem Quartadecimam quae ius civitatis ad omnes in Civitatum Foederatarum natos dedit, et Enmendationem Quindecimam quae suffragium ad omnes cives, vel ad Americani nigri coloris, repromisit.

Haec aetas quoque consummationem bellorum contra Indos vidit, cum complures gentes Europaei aurum inveniendi vel fundos colendi causa ad terras occidentales migraverint.

Quamquam autem per hanc aetatem causa hominum nigri coloris legibus prolata erat, multae regiones ad meridiem a militibus regnatae a corruptela superatae sunt. Contra libertatis hominum nigri coloris causam societas tromocratica nomine Ku Klux Klan (KKK) surrecta est circum annos 1860. Aetatis finis accidit cum compromissioni anni 1877 parente novus Praeses Rutherford B. Hayes copias foederales ex civitatibus meridionalibus abscesserit.

Aetas maximae libertatis quae sequitur fuit quod auctor Marcus Twain aetatem auream nominavit. Hac in aetate oeconomia Americana magnopere aucta est. Anno 1900 iam productio Civitatum Foederatarum industrialis productionem omnium singularum civitatum mundi praeterquam illam Britanniarum Regni excessit.

Potestas hodierna

Duae sphaerae militares politicaeque ad fines Belli Frigidi circum annum 1980–Civitates Foederatae et socii colore caerulo depicti, Unio Sovietica et socii colore rubro.

Faucitate potestas venit. Saeculo XX ineunte, Civitates Foederatae ad scaenam internationalem advenerunt bellum contra Hispaniam gerentes, Cubam liberandi causa, Philippinas Portumque Divitem adquirentes. Civitates quoque partem ad fines primi belli mundani habuerunt, Franciam, Britanniarum Regnum, et Russiam contra Germaniam, Imperium Austro-Hungaricum, et Imperium Ottomanicum adiuvantes.

Bello confecto, Civitates Foederatae res Europaeas seponere studuerunt. Magna autem Depressio oeconomica, quae annis 1930 mundum universum adflictavit, mundum iterum ad bellum magnum citavit. Post impetum Iaponicum die 7 Decembris 1941 factum, Civitates secundum bellum mundanum inierunt. Ex bello, Civitates magna potestate, bomba atomica oeconomiaque auctissima instructae emerserunt.

Accumulatio bombarum atomicarum a Civitatibus Foederatis et USSR annis 19452006. Per Bellum Frigidum orbs appropinquavit bello atomico inter Civitates Foederatas et URSS.

Post Bellum Civitates, ut respublica conditrix Consociationis Nationum, ius intercessionis in Concilio Salutis tenturae erant. Civitates mundi in tres factiones divisae sunt: mundus primus, in occidentem, capitalisticus a Civitatibus Foederatis ductus; mundus secundus, in orientem, communisticus ab Unione Sovietica ductus; mundus tertius, inter eos evolvens. Demum cum Unio Sovietica anno 1991 cecidisset, Bellum Frigidum quod inter Civitates Foederatas et Unionem Sovieticam accidit desivit. Et tempus quod Praeses Georgius H. W. Bush nominavit Novum Mundi Ordinem coepit.

Die 11 Septembris 2001, Civitates Foederatae impetum tromocraticum passae sunt, quo nonnulla aedificia alta, praecipue duae turres Emporii Mundi Novi Eboraci, deleta sunt. Qui actus Civitates Georgio W. Bush Praeside impulerunt ad Bellum contra Tromocrates Islamicos Usama bin Ladin duce in Afganistaniam gerere. Postea Civitates pravo consilio quoque Iraquiam anno 2003 invaserunt, Praesidem tyrannicum Saddamum Hussein demovendi causa, ne is arma destructionis massivae adeptus foret. Nulla autem arma similia ibi inventa sunt, sed novum bellum contra tromocrates et factiones religiosas culturalesque necesse fuit gerere, Iraquiae pacem trahendi causa.

Mercatus mundi, qui post Bellum Frigidum per universum orbem terrarum inter quasi omnes nationes mundi extendit, novam faucitatem oeconomicam citavit. Optimismus populi, novi mercatus, et auctus productivitatis ob novas technologias informaticas longam expansionem oeconomicam creavit. At simul inflatio monetaria et demissae mediae argentariae usuriae, discrimen magnum ad saeculi vincensimi fines creaverunt, quod extendit ab anno 2000 usque nunc. Demum anno 2008 ocoenomia subito peius cecidit, republica et universo mundo depressione oeconomica capta.

Dogma Monroe (Anglice Monroe Doctrine) anno 1823 promulgata est.

Civitates, urbes, regiones

Alabama Alasca Arizona Arcansia California Coloratum Connecticuta Delevaria Florida Georgia Havaii Idahum Illinoesia Indiana Iova Cansia Kentuckia Ludoviciana Cenomannica Terra Mariae Massachusetta Michigania Minnesota Mississippia Missuria Montana Nebrasca Nivata Ova Hantescira Nova Caesarea Novum Mexicum Novum Eboracum Carolina Septentrionalis Dacota Septentrionalis Ohium Oclahoma Oregonia Pennsylvania Rhodensis Insula Carolina Meridionalis Dacota Meridiana Tennesia Texia Uta Mons Viridis Virginia Vasintonia Virginia Occidentalis Visconsinia Vyomina Delevaria Terra Mariae Nova Hantescira Nova Caesarea Massachusetta Connecticuta Virginia Occidentalis Mons Viridis Rhodensis InsulaTabula geographica civitatum CC. FF parva.png
De hac imagine
Vide etiam: Index Civitatum Foederatae Americae, Index locorum in Civitatibus Foederatis Americae, Index civitatum Americae per superficiem

Haec nomina civitatibus sunt[21].

Regiones geographicae

Urbes principales

Vide etiam

Coat of arms of the United States.svg
Porta: Civitates
Foederatae Americae

Notae

"Foederati status Americae septentrionalis" in lingua Ecclesiae Catholicae Romanae.
  1. Forma in Latinitate recentiore usitatissima; vide, e.g., Traupman, Iohannes. [2003]. Colloquia Latine Exercito Orali, editio tertia (Anglice: Conversational Latin for Oral Proficiency, Third Edition.). pp {{{1}}}. Vauconda, IL: Editores Bolchazy-Carducci. ISBN 086516438X. Aliae formae attestatae sunt Americanae Civitates Foederatae (litterae ab Academia Smithsoniana ad Universitatem Dublinensem anni 1892); Civitates Unitae ("Washingtonius . . . primus Civitatum Unitarum praeses."—N. C. Brooks, Vitae virorum illustrium Americae, a Columbo ad Jacksonum: notis anglicis illustratae, necnon vocum omnium interpretatione instructae (Novi Eboraci: A. S. Barnes et Burr, 1864), p. 54); raro Respublica Foederata (James Dwight Dana, 1851, "Conspectus Crustaceorum quæ in Orbis Terrarum circumnavigatione, Carolo Wilkes e Classe Reipublicæ Fœderatæ Duce, lexit et descripsit," Proceedings of the Academy of Natural Sciences of Philadelphia 5: 247–254.; aliter Latinitate recentiore in Civitate Vaticana Status foederati Americae septentrionalis (Pius X, Quae rei (1908); Civitates Americae Unitae ("Praesidens Civitatum Americae Unitarum iterum designatus est Barack Obama", [http://yle.fi/radio1/tiede/nuntii_latini/ Nuntii Latini, 9 Novembris 2012)
  2. Warning icon.svg Fons nominis Latini desideratus (addito fonte, hanc formulam remove)
  3. "World Economic Outlook Database". International Monetary Fund. October 2008 .
  4. Unioni Europaeae est maior oeconomia, sed Unio Europaea non est civitas singula.
  5. Jonathan R. Dull, "Diplomacy of the Revolution, to 1783," p. 352; capitulum in A Companion to the American Revolution, ed. Jack P. Greene et J. R. Pole (Malden, Mass.: Blackwell, 2003), pp. 352–361. ISBN 1-4051-1674-9.
  6. Maddison, Angus (2006). "Historical Statistics for the World Economy" .
  7. Eliot A. Cohen (Iulio/Augusto 2004). "History and the Hyperpower". Foreign Affairs "Country Profile: United States of America". BBC News. 22 Aprilis 2008 .
  8. Ruben Lubowski, Marlow Vesterby, et Shawn Bucholtz (21 Iulii 2006). "AREI Chapter 1.1: Land Use". Economic Research Service 
  9. "United States". The World Factbook. CIA. 30 Septembris 2009  (area chiliometris quadratis data).
  10. "Population by Sex, Rate of Population Increase, Surface Area and Density". Demographic Yearbook 2005. UN Statistics Division  (area chiliometris quadratis data)/
  11. "United States". Encyclopedia Britannica .
  12. "World Factbook: Area Country Comparison Table". Yahoo Education .
  13. Sid Perkins. "Tornado Alley, USA". Science News 
  14. Cite error: Invalid <ref> tag; no text was provided for refs named DD
  15. William Thompson et Joseph Hickey, Society in Focus (Bostoniae: Pearson, 2005), ISBN 0-205-41365-X.
  16. Morris P. Fiorina et Paul E. Peterson, The New American Democracy (Londinii: Longman, 2000), p. 97. ISBN 0-321-07058-5.
  17. Joseph E. Holloway, Africanisms in American Culture, ed. 2a (Bloomington: Indiana University Press, 2005), pp. 18–38, ISBN 0-253-34479-4.
  18. Fern L. Johnson, Speaking Culturally: Language Diversity in the United States (Thousand Oaks, Calif., Londinii, et Novi Dellii: Sage, 1999), p. 116. ISBN 0-8039-5912-5.
  19. The Columbia Encyclopedia, 2007, editio 6a.
  20. "The Deadliest War" (Latine, "Bellum internecinissimum").
  21. Cite error: Invalid <ref> tag; no text was provided for refs named traupmanconvlat

Bibliographia

  • Blackburn, Robin. 1998. The Making of New World Slavery: From the Baroque to the Modern, 1492–1800. Londini et Novi Eboraci: Verso. ISBN 1-85984-195-3.
  • De Rosa, Marshall L. 1997. The Politics of Dissolution: The Quest for a National Identity and the American Civil War. Edison, N.J.: Transaction. ISBN 1-56000-349-9.
  • Foner, Eric, et John A. Garraty. 1991. The Reader's Companion to American History. Novi Eboraci: Houghton Mifflin. ISBN 0-395-51372-3.
  • Greene, Jack P., et J. R. Pole, eds. 2003. A Companion to the American Revolution. Malden, Mass.: Blackwell. ISBN 1-4051-1674-9.
  • Morrison, Michael A. 1999. Slavery and the American West: The Eclipse of Manifest Destiny and the Coming of the Civil War. Chapel Hill: University of North Carolina Press. ISBN 0-8078-4796-8.
  • Russell, David Lee. 2005. The American Revolution in the Southern Colonies. Jefferson, N.C., et Londini: McFarland. ISBN 0-7864-0783-2.