Quantum redactiones paginae "Res publica Coreana" differant
m Opus domesticum (1000 paginae) |
m r2.7.3) (automaton mutat: ace:Korèa Seulatan |
||
| Linea 786: | Linea 786: | ||
{{Link GA|id}} |
{{Link GA|id}} |
||
[[ace:Korèa |
[[ace:Korèa Seulatan]] |
||
[[af:Suid-Korea]] |
[[af:Suid-Korea]] |
||
[[als:Südkorea]] |
[[als:Südkorea]] |
||
Emendatio ex 20:41, 4 Septembris 2012
Formula:Data nationis Respublica Coreana (Coreane Hangulice 대한민국|대한민국; Haniā 大韓民國), vel Corea Meridiana vel Latinitate recentiore Corea Meridionalis, est civitas in paeninsula Coreana in Asia sita, cuius caput est Seulum. Praeses est Yi Myongbak, decimus septimus praeses. Lingua publica Coreana, abecedario Hangulico scripta, et eius moneta (pecunia) vŏn (원 / 圓) est.
Septemtrione, unicus terrestris limes 238 chiliometra longus cum Corea Septemtrionali zoná demilitarizatá constituitur.
Corea Meridionalis duodecima oeconomica potentia mundana secundum calculum PDG in PAP et quinta decima secundum usitatum monetarium criterion hodie classificatur.
Etymologia
.jpg)
Hanguk, nomen quod Austrocoreani suae civitati dant, 'Civitatem Hanorum' (한국 / 韓國) ad verbum significat, ex praehistoricae gentis nomine quae Paeninsulae Coreanae Meridiem incolebat (non confundenda cum Sinensibus hànzú). Civitatis cognomen 'Populus Subfrigidi Matutini' (Haniā 朝鮮), praesertim male versum 'Populus Matutini Tranquilli", est.
Daehan Minguk quoque in usu est, 'Rempublicam Coreae' vel ad verbum 'Magnam Rempublicam Hanicam' (대한민국 / 大韓民國) significans.
Historia
Indicia archaeologica paeninsula Coreana ab hominibus e Palaeolithico Inferiori incoli suggerit. Nationis historia incipit cum Regno Tiosoniensi Priore (고조선 / 古朝鮮) anno 2333 a.C.n. a Tangune condito. Regnum Tiosoniense Prius expansum est dum maiori Septemtrionalis Coreae parti et aliquibus Manchuriae regionibus imperaverit. Regnum Tiosoniense Prius dissolutum est, quod locum tempore ante Tria Coreae Regna dedit.
Per prima saecula post Christum natum, regnorum Puionesis (부여 / 扶餘), Ocieonensis (옥저 / 沃沮), Dongyensis (동예 / 東濊) et Samhanensis (삼한 / 三韓) confoederatio paeninsulam et Manchuriae Meridiem occupavit. Inter omnes has parvas civitates, Cogurio (고구려), Paecce (백제 / 百)濟), et Silla (신라) crevere dum in tota paeninsula dominaverint; haec sunt Tria Coreae Regna. Trium Coreae Regnorum unificatio, per Sillam, anno 676 Civitatum Septemtrionis Meridieique tempus aperuit, ubi maior paeninsulae Coreanae pars in dicione Sillae Unitae erant, dum Regnum Bohaiense (발해) in septemtrionales Cogurionenses regiones dominabatur. In Silla Unita promotae sunt artes ac poësis et ibi floruit Buddhistica cultura. Rationes inter Coream et Sinas relative pacificae fuere hanc per tempur. Nihilominus, Silla Unita debilior intestinorum conflictuum causa facta est et Imperio Coreano Priori (고려 / 高麗) se dedidit. Regnum Bohaiense, septemtrionale eius vicinum, se civitatem Cogurioni succendentem formavit. Per maximae expansionis tempus Regnum Bohaiense in maiorem Manchuriae partem et aliquas Russiae regiones dominatum est. Cecidit penes Cathainos[1] anno 926. Post pugnarum perihodon ad dominandum in regionem, Taeio Vangeo (왕건 / 王建) Imperii Coreani Prioris id unificavit. Cum Silla, Imperium Coreanum Prius civitas culturalis fuit.
Mongolica Coreae invasio saeculi tertii decimi delilius Imperium Coreanum Prius fecit. Nihilominus, Imperium Coreanum Prius perrexit in gubernanda Corea velut tributarium Mongolum socium. Collapso Imperio Mongolico, Imperium Coreanum Prius independens reliquit. Dynastia Tiosoniensis anno 1388 potestatem assecuta est post rebellionem a generali Yi Songkye ductam.
Generalis Yi Songkye Regnum Tiosoniense (조선 / 朝鮮) novum Coreae nomen, referens? ad Regnum Tiosoniense Prius, declaravit et caput ad Seulum movit. Primi ducenti Dynastiae Tiosoniensis anni pace, Hangule saeculum quartum decimum a rege Seiong Magno creato et Confucianismi ortu pondereque notati sunt. Saeculo sexto decimo exeunte, Regnum Tiosoniense ab Iaponia, nuper unificata, invasum est. Propter priora pacis saecula, dynastia Tiosoniensis technologice parata non erat et tota paeninsula ruta est. Attamen, Coreanum dominium in mare perrexit, ab admirali Yi Sunsin ductum. Sericae Dynastiae Ming interventio Iaponiam pedem referre anno 1598 coegit.
Per ultimos Dynastiae Tiosoniensis annos, ob Coreanam interclusionis rationem, natio "Regnum Eremiticum" nuncupata est. Anno 1910 Corea Iaponiae annexa est et, licet generalizata resistentia, penes Iaponiam usque ad Belli Orbis Terrarum Secundi finem anno 1945 mansit. Post Bellum, Unionis Sovieticae et Civitatum Foederatarum copiae dominatae sunt in septemtrionem et meridiem respective.? Quamquam erat destinatum unificandae Coreae in Declaratione Cahirensi anni 1943, incipientis Belli Frigidi antagonismus, statutae sunt duae separatae gubernationes, altera communistica Septemtrione et altera capitalistica Meridie.
Die 25 Iunii 1950, Corea Septemtrionalis Meridiem invasit, Bello Coreano incipiente. Sovietica interclusio Consociationi Nationum, et ergo, sine potestate vetiti, Consociationem Nationum intervenire permisit ubi superiores Communisticas vires totam nationem capere posse liquebat. Unio Sovietica et Res Publica Popularis Sinarum Coream Septemtrionalem adiuvere, participantibus multis Sericis copiis. Bellum denique quietis locum attigit. In anni 1953 indutiis, quas non obsignavere Corea Meridionalis, paeninsula in duas sectiones e zona demilitarizata divisa est. Nullum foedus pacis obsignatum est, ergo duae nationes technice bellum adhuc gerunt.
Anno 1960, Revolutio Aprilis, scholaris sublevatio, autocratici corruptique praesidis Yi Syngman abdicationem produxit et civitas in gravem civilis instabilitatis tempus cum generalis Pak Zionghi subitanea conversione anno secuto finientem intravit. Pak Zionghi praesidis munus suscepit, donec anno 1979 interfectus sit; cuius gubernatio miro rapidoque oeconomico incremento, in industrializatione ad exportationem destinata fundato, et severa repressione politica pincta est.
Interfecto Pak Zionghi, natio novam politicae instabilitatis perihodon experta est. Anno 1980 generalis Zion Duhwan subitaneam conversionem contra transitionis gubernationem praesidis interinalis Tsoe Giuha duxit. Fuere reclamitationes et manifestationes democratiae faventes totam per nationem, praesertim urbe Kuangiuensis, quo praeses quin speciales copiae miterentur non dubitavit, quod nuncupatum est caedes Kuangiuensis. Anno 1987, Park Chul, iuvenis Universitatis Nationalis Seulensis studens, excruciatus et interfectus est. Consocietas Sacerdotum Catholicorum pro Iustitia (천주교정의구현전국사제단) studentem Park excruciatum esse revelavit, quamobrem incepit demonstrationum manifestationumque seriem totam per nationem. Manifestationes crevere cum alius studens, Lee Han Yeol Universitatis Yonseiensis, bomba gasii necatus est dum manifestationem versus gubernationem participabat. Motus, Resistentia Iunii nuncupatus, denique factionem praesidis Zion Duhwan, Factionem Iustitiae Democraticae (민주정의당 / 民主正義黨), democratica suffragia convocare coegit.
Anno 1988, Seulum hospitio Olympia Aestiva accepit. Anno 1996, Respublica Coreae Consociationis pro Oeconomica Cooperatione et Evolutione membrum facta est. Quamquam crisin pecuniariam anni 1997 passa est, natio rapide recreata est et adhuc incrementum crescit velut oeconomica regionis potentia.
Iunio 2000, velut Rationis "Radii Solis" praesidis Kim Daeziung pars, celebrata est congressus summus inter duas Coreas Pyeongyangi, Coreae Septemtrionalis capite. Eodem anno, antiquus praeses Kim Daeziung Praemio Nobeliano Pacis Componendae laureatus est propter eius opus democratiae iuribusque humanis favens in Corea Meridionali et in Asia Orientali generatim et propter pacem et reconciliationem cum Corea Septemtrionali imprimis.
Geographia
Corea Meridionalis Meridionalem Paeninsulae Coreanae partem occupat, quae per 1100 chiliometra ex Asiana continente patet. Montana paeninsula Mari Flavo Occidente et Mari Iaponico Oriente circumdatur. Meridionali in extremo Fretum Coreanum et Mare Sinense Orientale sunt. Corea Meridionalis 100 032 chiliometrorum quadratorum lata est.
Reipublicae terra in regiones generales quattuor dividi potest quae sunt: regio orientalis altorum montium et angustarum planitierum litoralium; regio occidentalis cum amplis planitiebus litoralibus et pelvibus; regio austroccidentalis cum montibus et vallibus; et regio austrorientalis, ubi amplia pelvis Fluminis Nacdongum excellit. Prominentia praesertim montana est, et maior soli pars incultivabilis est. Inferiores terrae, imprimis Occidente et Austroriente sitae, solum 30 centesimae totius terrestris areae constituunt.
Circiter tria milia insularum, plerarumque parvarum desertarumque, ob Occidentalia Meridionaliaque litora inveniuntur. Diediu (제주도 / 濟州道) circiter centum chiliometra e Meridionali litore invenitur. Est maxima insula in civitate, 1845 chiliometrorum quadratorum lata. In Diediu inventus est locus altissimus Coreae Meridionalis, Hallasan (한라산 / 漢拏山), exstinctus mons ignifer 1975 metrorum altus supra aequor maris. Inter orientalissimas insulas Ulleungdo (울릉도 / 鬱陵島) et Scopuli Liancourt sunt; inter meridianissimos locos Marado et Scopulus Socotra (이어도 / 離於島) sunt. Sunt circiter viginti saepta nationalia, quae, iuxta cum aliquos naturales locos, magno favore inter periegetas gaudent, velut theae sata Comitatus Boseongensis (보성군 / 寶城郡) aut saeptum oecologicum Sinus Sucheonensis (순천만) in provincia Diella Meridionalis (전라남도 / 全羅南道). Praecipua flumina Han (한강 / 漢江) et Nacdongum (낙동강 / 洛東江) sunt, in montano systemate Taebaecensi (태백산맥 / 太白山脈) orta. Flumen Han versus litus currit in Mare Flavum influens, dum flumen Nacdongum, extensius, versus Meridiem profluit donec Fretum Coreanum attingat.
Clima
Praecipuum clima in Corea Meridionali continentale est. Per breve pluviarum tempus iangma nuncupatum, quod exeunte Iunio incipit et finit exeunte Iulio, civitas hippalo affecta est, cum abundantibus praecipitationibus aestate. Hiemes gelidissimae possunt, cum minima temperatura usque ad -20ºC in Septemtrionallima nationis parte. Seuli, media temperatura inter -7ºC et 1ºC hieme variat, dum Augusto ascendit inter 22ºC et 30ºC. Temperaturae magnae sunt per hiemem iuxta Meridionalia litora et valde minimae in montanis intestinis. Praecipitationes in aestivis mensibus, ex Iunio in Septembrem concentrantur. Eodem tempore, Meridionale litus typhonibus obnoxium est, qui fortes ventos et intentas pluvias afferunt. Praecipitatio media annua inter 1370 mm Seuli et 1470 mm Pusani variat.
Flora faunaque
Vegetatio magis in natione abundans silvae temperatae caducifoliae et mixtae typica est. Ibi vegetabiles species caducifoliae, velut acer, ulmus ac populus et perennifoliae velut pinus ac abies inveniuntur. Litoralibus in Meridionalibus zonis solum dissimiles species inveni possunt, quae reliqua in natione non crescunt, velut bambuseae, laurus et quercus. Silvae fere duas tertias partes nationalis territorii tegunt, quamquam earum extensio continenter humanas propter activitates deminuunt.
Silva mixta depingitur quia hospitio et multas magnorum parvorumque mammalium species et magnam avium ac insectorum quantitatem accipit. Mammalia rodentia, hystricomorpha, lepora, falcones, strigidae, et aliae parvorum animalium species humanis impactibus supervixere, qui has species pro domesticis animalibus talibus canibus, felibus, equis, inter alia substituere. Nihilominus, magnae mammalium species, inter quas tigrides, pardi, ursi, lynces, exstinctionis periclitatae praecipue propter constantes venationes et habitationis destructionem inveniuntur.
Quia una zonarum vigilatarum in toto orbe terrarum ob accessus restrictionem omnibus civibus est, Zona Coreana demilitarizata unus principalium locorum naturalium in civitate est, ubi servatur una maximarum arearum ad conservandarum regionis flora (summa)s ac faunas endemicas. Magna zonae pars, naturaliter segregata, (circiter 1000 chiliometra quadrata) facta est unus naturalium locorum bene praeservatorum et ultimum refugium variarum periclitatarum specierum. Oecologistici et scientifici circuli circiter 2 900 vegetalium specierum, 70 mammalium et 320 avium varietatum in zona identificaverunt.? Aliae investigationes de regione effectae plurima exemplaria et alias species quam in circumdantibus regionibus esse aestimant.
Oecologia
Per primos viginti urbani incrementi annos, quod medio decennio 198 incepit, pauci conatus effecti sunt ut circumiecta natura servaretur. Excessivae industrializatio et progressio oeconomica desilvationem continuamque oecosystematum destructionem causavere. Nuperrime conatus effecti sunt ut solvantur haec problemata, incluso quinquenni proposito "incremento viridi" nuncupato, cum impensa 84 millionum dollariorum, cum quo gubernatio technologiis et energiarum productioni quae circumiectam naturam curant favere tendit.
Economica strategia in oecologia fundata nagna strategica deflexio in Austrocoreana oeconomia est quae fere 2 centesimae PDG nationalis consumit. Oecologisticum inceptum varia proposita includit, inter quas nationale birotationis rete, energiae solaris usus, deminutio vehiculorum fomitis fossilis utentium et oecologicarum technologiarum usus incrementum. Respublica in animo habet interretiale ultimae generationis rete construere, quod bis rapidius praesentibus fascia lata diaconiis erit, ut deminuatur energiae consumptio.
Nuperrime aqua per canalem ducta Seuli secura humanae consumptioni facta est, quamobrem urbis functionarii eam ambiverunt, velut in Arisu, ut persuaderentur cives eam consumere. Quoque multiplices actiones in anadasōseōs ambitu effectae sunt. Aliud multimillionarium urbis propositum fuit restauratio Cheonggyecheonis (청계천), viridarii medio Austrocoreano capite siti, quod antea autovia transitum est. Austrocoreanis ponderis flagitatio qualitas aëris est, quia quotannis subnotantur problemata velut pluvia acida et sulphuris dioxydati praesentia in aëre, inter alia. Multae agnitae haec difficultates sunt factum Coreanae proximitatis Sinis, unae praecipuarum nationum atmosphaerae contaminatorissimarum gradu totius orbis terrarum.
Corea Meridiana est socius Protocollou Ambitalis Antarcticae, Foederis Antarctici, Conventionis de Diversitate Biologica, Protocollou Kyotensis (formans cum Mexico et Helvetia Circulum Integrationis Ambitalem, cum Conventionis Compagium Consociationis Nationum de Mutatione Climatis supervisione). Participat etiam varia foedera conventionesque de oecologicis rebus laborantium, inter quas erēmopoiēsis, species periclitatae, mutatio ambitalis, materiarum periculosarum deiectio in aërem, probationum nuclearium prohibitio, ozonosphaerae servatio et hygrobiotopōn servatio.
Civilitas et gubernatio
Constitutionalis structura
Respublica Coreana civitas progressa, stabilis, democratica est, ubi potestas condividitur inter praesidem et legumlatores. Dux civitatis Reipublicae Coreanae praeses, populari suffragio per quinquennem perihodon electus, est. Simul et repraesentans maximi ponderis in republica et virum armatarum praefectus dux est, quoque magnum potestatis exsecutivae gradum possidet, et primum ministrum cum Conventus Nationalis probatione et Consilii Civitatis membra designat. Consilium Civitatis, vicissim, ab ipso praeside, primo ministro et consilii omnibus duodeviginti ministris integratur.
Potestas legisfera Coreana ab unicamerali corpore nuncupato Conventu Nationali (국회 / 國會) repraesentatur, cuius membra per quattuor annorum perihodon eliguntur. Conventus in praesenti 299 membrorum habet, quorum 243 per populare suffragium eliguntur et reliqui per repraesentationem proportionalem designantur. Nationale iudiciale corpus a Tribunali Supremo Coreae Meridionalis (대법원 / 大法院) repraesentatur; cuius iudices a praeside designantur, assentiente Conventu Nationali.
E 1948, Respublica Coreana per sex constitutiones gubernata est. Omnis constitutio creationem novae Austrocoreanae reipublicae significat. Praesens gubernatio "Sexta Respublica" cognoscitur, vigente Constitutione 1988.
Inter praecipuas Austrocoreanas factiones politicas Nostra Factio (우리당), Factio Saenuriana (새누리당), Factio Democratica Laboris (민주노동당 / 民主勞動黨) et Factio Democratica (민주당 / 民主黨) sunt. Anno 2003, Factionis Democraticae Millennii (postea Factionis Democraticae) pars se separavit Nostram Factionem formantes, quae ultima cum exigua maioritate in Conventu Nationali in comitiis legiferis Aprilis 2004 vicit, sed non id consecuta est secutis in comitiis. Conservativa factio Factio Saenuriana et Centristica Factio Democratica oppositionem politicam conformant. Sinistristica Factio Democratica Laboris, iuncta cum collegiis opificum, ordinis operarii affectus repraesentat.
Rationes externae
Corea Meridiana rationes diplomaticas circiter cum 170 civitatum in mundo habet. Respublica etiam Consociationis Nationum socius ex 1991 est, cum conversus est in civitatem sodalem iuxta cum Corea Septemtrionali. Kalendis Maiis 2007, antiquus ab exteris negotiis minister, Ban Gi-mun, secretarii generalis Consociationis Nationum munus suscepit.
E Maio 2007, Corea Meridionalis et Unio Europaea foedus liberi commercii stipulata est ut commercialia repagula inter ambas entitates deminuerentur. Idem fit cum Canada et Nova Zelandia. Anno 2010, respublica in Commitatu Auxilii Progressioni Consociationis Cooperationis et Evolutionis Oeconomicarum admissa est, prima natio quae postquam auxilium ex hoc organismo acciperetur commutata est in pleni iuris membrum. Novembre 2010, Seulum hospitio tholum G-20 accepit.
Vires armatae
Longa invasionum historia ab vicinis et tensio adhuc irresoluta cum Corea Septemtrionali ut civitas 2.6 centesimae PDG et 15 centesimae dispensationis annuae in viribus armatis impenderet fecere, dum servatur servitium militare obligatorium. Corea Meridiana sexta civitas sui iuris in mundo secundum activarum? copiarum numerum et secunda secundum subsidiariorum et duodecima secundum deffensionis dispensationem est. Respublica, cum media 3,7 millionum militarium inter quinquangenta milliones hominum, secundum indicem militum pro capite post Coream Septemtrionalem habet.
.jpg)
Austrocoreanae vires armatae ab exercitu, classi, classi aëria, manuballistariis classiariis, et subsidiarii constituuntur. In zona demilitarizata conglobantur fere duo milliones copiarum. Constitutio ut omnes autochthones Austrocoreani viribus armatis per biennium servire debeant determinat. Nihilominus, evenere certationes dialecticae de nova accommodatione durationis in servitiis militaribus, et etiam de servitii militaris obligatorii eliminatione. Nuper gubernatio varios studentes ex isto servitio sic exemit ut permissa sit maxima pervestigatio in investigationis campis. Adventiciae originis Austrocoreani ex servitio militari eximuntur. Iuxta cum militibus, aliqui Austrocoreani eliguntur ut serviant per biennium programmati de "Incremento Coreano Exercitui Civitatum Foederatarum" (Anglice KATUSA).
Austrocoreanus exercitus amplius 23 000 covinorum ignivomorum operativorum possidet, dum classis sexta in toto orbe terrarum secundum navium venatoriarum numerum est. Classis aëria nona secundum magnitudinem intra suum genus est et praecipue Statunitensia aëroplana incursitantia habet, inter quas F-15E, KF-16 et KAI T-50 Golden Eagle.
Per Bellum Coreanum, Civitates Foederatae certum militum numerum ponderis Austrocoreano in territorio collocatum ut rempublicam defendant casu Boreocoreanorum impetuum. Istorum militum numerus ad amplius 29 000 militum ascendit. Medio anno 2007, Departimenti Defensionis Civitatum Foederatarum secretarius et Minister Defensionis Nationalis Coreae Meridionalis ut Austrocoreani denuo operativum dominium in suas vires 17 Aprilis [2012]] susciperent determinavere. Exercitus Civitatum Foederatarum nova manus belli, probabiliter "Manus Coreae" (Anglice KORCOM) nuncupata fieri poterit.
Divisio administrativa
Divisio gradu provincialis in Corea Meridianae est quadripertita et quattuor circuli sunt; provinciae (도 / 道), provinciae autogubernantes propriae (별 자치도 / 特別自治道), urbes speciales (특별시 / 特別市) et urbes metropolitanae (광역시 / 광역시).
Inferius in tabula est catalogus subdivisionum gradu provincialis.
| nº in tabula | Divisio |
Coreane Hangulice |
Coreane Haniā |
Caput |
Regio traditionalis |
Incolae[1] |
Area[2] |
Spissitudo[3] |
ISO |
|---|---|---|---|---|---|---|---|---|---|
| 1 | Seulum sive Seoulum | 서울시 | (首爾)市[4] | (Districtus Medius) | Sudoguonia | 10 421 782 | 605,25 | 17 219 | KR-11 |
| Seiongopolis | 세종시 | 世宗市 | (Hansoldongum) | Hoseo | 96 000[2] | 465,23 | 206 | KR-?? | |
| 2 | Pusanum | 부산시 | 釜山市 | (Districtus Yeoniensis) | Yeongnamia | 3 635 389 | 763,46 | 4762 | KR-26 |
| 4 | Inchonum[3] | 인천시 | 仁川市 | (Districtus Namdongensis) | Sudoguonia | 2 628 000 | 964,53 | 2 724,6 | KR-28 |
| 3 | Daegu sive Taegu | 대구시 | 大邱市 | (Distridtus Iungensis) | Yeongnamia | 2 512 604 | 884,15 | 2842 | KR-27 |
| 5 | Quansua sive Kuangiu | 광주시 | 光州市 | (Districtus Seoënsis) | Honamia | 1 415 953 | 501,36 | 2824 | KR-29 |
| 6 | Taeieonum sive Daeieon | 대전시 | 大田市 | (Districtus Seoënsis) | Hoseo | 1 442 857 | 539,84 | 2673 | KR-30 |
| 7 | Ulsanum | 울산시 | 蔚山市 | (Districtus Namensis) | Yeongnamia | 1 087 958 | 1056,4 | 1030 | KR-31 |
| 8 | Provincia Gyeonggiensis | 경기도 | 京畿道 | Suvonum[4] | Sudoguonia | 10 415 399 | 10 131 | 1028 | KR-41 |
| 9 | Provincia Ganguonensis | 강원도 | 江原道 | Chuncheonum[5] | Guandongia | 1 592 000 | 16 894 | 94 | KR-42 |
| 10 | Provincia Chungcheongensis Septemtrionalis |
충청북도 (충북도) |
忠清北道 (忠北道) |
Cheongiu[6] | Hoseo | 1 462 621 | 7436 | 197 | KR-43 |
| 11 | Provincia Chungcheongensis Meridionalis |
충청남도 (충남도) |
忠清南道 (忠南道) |
Taeieonum sive Daeieon | Hoseo | 1 840 410[5] | 8352[5] | 220[5] | KR-44 |
| 12 | Provincia Diella Septemtrionalis | 전라북도 (전북도) |
全羅北道 (全北道) |
Ieoniu[7] | Honamia | 1 890 669 | 8043 | 235 | KR-45 |
| 13 | Provincia Diella Meridionalis | 전라남도 (전남도) |
全羅南道 (全南道) |
Muanum | Honamia | 1 994 287 | 11 858 | 168 | KR-46 |
| 14 | Provincia Gyeongsangensis Septemtrionalis | 경상북도 (경북도) |
慶尙北道 (慶北道) |
Daegu sive Taegu | Yeongnamia | 2 775 890[6] | 19 440[6] | 143[6] | KR-47 |
| 15 | Provincia Gyeongsangensis Meridionalis | 경상남도 (경남도) |
慶尙南道 (慶南道) |
Changuonum | Yeongnamia | 2 970 929 | 11 859 | 251 | KR-48 |
| 16 | Provincia Diediu | 제주도 | 濟州道 | Cheiu[8] | Diediu | 560 000 | 1845,55 | 303 | KR-49 |
Notae: 1 e 2000; 2 km²; 3 per km²; 4vide Nomina Seuli; 5 Taeieono excluso; 6 Taegu excluso
Demographia
Populus Coreanus est inter homogeneissimos, ethnice linguisticeque, in mundo, cum solum uno allophylo, parva Serica communitate. Coreani Manchuriam per numerosa saecula incoluere et adhuc est minoritas in Sinis. Iosephus Stalin milia Coreanorum invitorum in Mediam Asiam (antiquam Unionem Sovieticam) ex Vladivostokio (Russice Владивосток) et Khabarovopoli (Russice Хабаровск) misit. Plerique Coreani in Iaponia e coloniali tempore inveniuntur.
Politica, socialis oeconomicaque instabilitas in Corea Meridiana multos Austrocoreanos ut extra rempublicam, praesertim in Civitates Foederatas et Canadam, emigrarent adduxit.
Urbs Seulum una inter magnas zonas metropolitanas in toto orbe mundano est. Cuius spissitudo eam unam urbium "numericissimarum" in hodierna oeconomia globaliter religata fieri permisit.
Urbes
Tabula inferior in catalogum maximas Austrocoreanas urbes cum amplius 100 000 incolarum redigit.
Lingua
Lingua Coreana est lingua officialis et Coreae Septemtrionalis et Meridionalis et, iuxta cum Mandarinica, Praefecturae Autonomicae Coreanae Yambianensis (Sinice 延边朝鲜族自治州, Coreane Hangulice 연변 조선족 자치주), in Manchurica Sinarum area. In Corea Meridionalis sunt circiter quinquaginta milliones locutorum dum in Corea Septemtrionali circiter viginti tres milliones locutorum. Alii magni Coreanophonorum circuli in Sinis (circiter 1,8 milliones locutorum), in CFA (circiter 900 000 locutorum), in antiqua Unione Sovietica (circiter 350 000 locutorum), in Iaponia (circiter 700 000 locutorum), in Canada (circiter 100 000), in Malaesia (circiter 70 000) et in Australia (circiter 150 000) inveniuntur. Aestimantur esse circiter 700 000 hominum sparsorum per totum orbem terrarum qui Coreane loqui possunt propter muneris requisita (verbi gratia, venditoribus et mercatoribus cum Coreanis contactibus), propter matrimonio cum Coreanis et propter iucunditatem de lingua.
De genealogica Coreanae classificatio disceptatur. Alii linguistae eam intra linguas Altaicas comprehendit, dum alii eam linguam segregatam putant. Coreana est agglutinativa in sua morphologia et S-O-V in sua syntaxi. Velut Iaponica et Vietnamica, Coreana multum vocabularium a Sinica mutuata est aut vocabularium ad instar Sinicae creavere.
Moderna Coreana fere exclusive Hangulico alphabeto scribitur, quod inventum est saeculo quinto decimo. Quamvis Hangul logographicum videri possint, immo est phonematicum alphabetum in syllabicis summis dispositum. Quaeque summa saltem in duabus ex 24 Hangulicis litteris sive iamonibus; saltem in una e 14 consonantibus et in una e 10 vocalibus. Historice, alphabetum complures additionales litteras sive obsoletos iamones habebat. Hania et Latinum abecedaria aliquando intra Hangulicos textus, praesertim in Corea Meridionali, includuntur.
Religiones
Ex 2005, fere totorum Austrocoreanorum dimidium irreligiosam praeferentiam expremit. Inter reliquos incolas, plerique Buddhistae aut Christiani sunt. Secundum censum 2007, 29.2 centesimae incolarum tunc Christiani (e quibus 18,3% Protestantes, 10.9 centesimae Catholicos Romanos se identificabant), dum 22.8 centesimae erant. Inter alias religiones sunt Islamismus et novi motus religiosi, inter quos Ieungismus, Cheondoismus, et Vombuddhismus. Prima religio culta Muismus fuit. Hodie, pro libertate religionis constitutio spondet et non est civitas confessionalis.
Christianitas praecipua Coreae Meridionalis religio est, amplius Austrocoreanorum religiosorum credentium dimidium habens. Sunt circiter 13.7 milliones Christianorum hodie in Corea Meridionali, e quibus fere duae tertiae partes ad Protestantes ecclesias pertinent, dum fere 37 centesimae ad Ecclesiam Catholicam Romanam pertinent. Protestantismus e decennio 199 pro Catholicismo Romano decrevit. Corea Meridionalis etiam secunda natio secundum numerum missionariorum missorum est, post Civitates Foederatas.
Buddhismus in Coream anno 372 introductus est. Secundum nationalem anni 2005 censum, Corea Meridionalis circiter 10.7 milliones Buddhistarum habet. Hodie, circa 90 centesimae Coreanorum Buddhistarum ad Ordinem Iogyensis (대한민국 / 大韓民國) pertinent. Plerique Thesauri Nationales Austrocoreani Buddhistica artefacta sunt. Buddhismus religio civitatis in Corea e Perihodo Civitatum Septemtrionalium et Meridionalium (대한민국 / 大韓民國, quod non confundendum cum moderna divisione Coreae) usque ad Imperium Coreanum Prius (고려 / 高麗) fuit, antequam supprimeretur pro Neoconfucianismo per Dynastiam Tiosoniensem.
Paulo minus quam 30 000 Austrocoreani Musulmani esse putantur, sed aliqui 100 000 habitantium adventiciorum operariorum e Musulmanis nationibus, praecipue e Bangladesha et Pacistania.
Oeconomia
Corea Meridionalis rapidum processum oeconomici incrementi et integrationis in mundanam oeconomiam sic habuit ut sit unus inter Quattuor Tigrides Asianos. Post Bellum Coreanum, PDG pro capite ad eandem libram pauperrimarum Africarum et Asianarum nationum erat. Attamen hodie Austrocoreanus PDG pro capite est circiter vicies Boreocoreanus et ad altissimam libram oeconomiarum minus evolutarum in Unione Europaea.
Decennii 199 prosperitas obtenta est gratia systematis arctarum conexionum inter gubernationem Coreanam et societates mercatorias (inter quas, magna conglomerata sive chaebola (재벌 / 財閥), quod credita directa, importationum restrictiones, quibusdam societatibus pecuniam praebere et magnam operariorum productivitatem comprehendebat. Gubernatio materia rudem et provectam technologiam importare promovit cum detrimento innecessariorum bonorum, compendium et collocarionem pecuniariam magis quam consumptionem hortata. Anni 1997 Crisis pecuniaria Asiana postea structuralem debilitatem exemplaris incrementi Austrocoreani monstravit, velut magnam relationem inter debitum et aequilibrium, creberrimum subsidium aeris alieni et indisciplinam campi pecuniarii. Anno 1998, incrementum 6.6 centesimae deminuit et postea dedit saltum 10.8 centesimae anno 1999 et 9.2 centesimae anno 2000. Incrementum adhuc descendit anno 2001 3.3%, causa oeconomiae mundanae effrenatae, exportationum collapsarum et perceptionis ut valde necessariae camporum argentarii et industrialis reformationes obstruerentur. Nihilominus, industria et constructione impulsum, incrementum 5,8% habuit, quamquam infirmum mundanum incrementum. Multum evoluta technologia industrialis est, praesertim propter tres magnas societates Samsung, LG Electronics et Hyuindai.
Infrastructurae
Educatio
Educatio fundamentalis prosperitati consideratur, est igitur magnae gubernativae attentionis meta cum sumptibus correspondentibus ad 4.2 centesimas PDG. Secundum anni 2006 data e relatione Programma Evaluationis Internationalis Studentium organizationis Consociatio pro Oeconomica Cooperatione et Evolutione, civitas primo loco secundum problematum resolutionem, tertio loco secundum mathematicam et undecimo loco secundum scientiam collocata est. Systema educativum technologice progressivum est et fuit prima natio quae omnes nationis ludos litterarios et scholas secundarias fasciae latae Interreti instruxit. Hac cum infrastructura, civitas primos libros definitivos digitales in mundo evolvit, qui distribuendi sunt gratis educationis primariae et secundariae usque ad 2013 studentibus.
Centralizata administratio scholis praesidet et eas administrat ad educandos pueros e paedotropheo usque ad tertium ultimumque annum educationis secundariae. Natio nuper novum educativum programma adoptavit quod adventiciorum studentium in Corea Meridionali numerum augere quaerit. Iuxta Ministerii Educationis, Scientiae et Technologiae aestimationes anno 2010 duplicatus esset pensionum numerus advenis, quorum numerus 100 000 studentium attingere deberet. Annus scholaris in duobus semestribus dividitur. Primum medio Martio incipit et medio Iunio finit, dum secundum semestre exeunte Augusto incipit et anni secuti Februario finivit. Horaria exacte definita non inveniuntur, quia variant secundum scholas.
Scientia et technologia
Aëronautico-sideralis investigatio
Corea Meridionalis satellites duos in orbitam proiecit: Arirang-1 anno 1999 et Arirang-2 anno 2006, velut suae consociationis pars ad explorandum spatium iuxta cum Russia. Centrum Spatiale Naro (나로우주센터 / 羅老宇宙), sui generis primum in natione, conclusum est anno 2008, Goheungi (고흥 / 高興) in provincia Diella Meridionali. Anno 2009, Austrocoreanum spatiale vehiculum reciprocum Narone avolavit sed suam missionem non complevit. Aprili 2008, Yi So-yeon prima Coreana fuit quae in spatium volavit in Russica aëronavi Soyuz TMA-12. Iunio 2010, secundum vehiculum par antecessori eiectum est, sed diruptum est paulo post suam depulsionem.
Robotica
E 2003 robotica in nationalium praecipuorum investigationis et evolutionis propositorum catalogum inclusa est. Anno 2009 Gubernatio destinata ad construenda robotorum consaepta oblectaminum Inchoni et Hipporopoli (Coreane Hangulice 마산시; Haniā 馬山市), mixtā, publicā privatāque, pecuniā iuvatum, nuntiavit. Anno 2005, Institutum Coreanum Scientiae et Technologiae secundum robotum humanoides in mundo, HUBO, evolvit. Maio 2006, Instituti Technologiae Industrialis Coreae (한국생산기술연구원 / 韓國生産技術硏究院) grex primum Coreanum androides, EveR-1, evolvit.
Biotechnologia
E decennio 199 Austrocoreana gubernatio pecuniam active collocavit in evolvenda nationali biotechnologiae industria. Campus medicus destinatarius magnae partis e huius industrialis generis productione est, inclusa vaccinarum et antibioticorum productione. Nuperrime, investigatio et evolutio de genetica, praesertim de clonatione, attentionem attraxit, e prima clonatio cane, Snuppy, facta et e clonatio duarum feminarum speciei periclitatae facta ab Universitate Nationali Seulensi, anno 2007. Rapidum biotechnologicae industriae incrementum in ponderis probationem ad temperandam eticen professionalem excessit, velut evenit cum noto scientistae Hwang Woo-Suk casu.
Vectura
Vectura in Corea Meridionali super extensis ferriviario ac autoviario retibus et maritimis et aëriis nexibus evolvitur. Laophoria, taxiraedae, metropolitanae et tramina mera oeconomicaeque itinera in intestina Corea Meridionali praebent. Praecipuae urbes metropolitanum rete habent, inter quas Seulum, cum decem lineis per varios colores bene distinctis. Aliae urbes cum metropolitana Pusanum, Taegu, Taeieonum, Quansua, et Inchonum sunt, dum aliis metropolitana in constructione est. Aliquibus in stationibus commutatio est cum nationali ferriviaria linea Korail. Adsunt etiam diaconiae laophoriorum interurbanorum.
Viariae arteriae in Corea Meridionali in autovias, vias civitatis et alias categorias inferioris gradus classificantur. Adsunt circiter 3000 chiliometrorum autoviarum, a societate Korea Highway Corporation gestarum.
Korail commeatum ferriviarium in praecipuis Austrocoreanis urbibus in praecipuis viis gerit, inter quas sunt lineae Gyeonguiensis et Donghensis-Bucbuensis quae denuo statim Coream Septemtrionalem conectet. ferriviarium civitatense systema Coreanum rapidas diaconias inter varias urbes in linea Gyeongbuensi permittit, gratia traminis KTX, creati collaborantibus Francia et Iaponia; nihilominus Gubernatio Coreana independenter adhuc novum tramen creare proponit.
Praecipuus internationalis aëroportus est Aëroportus Internationalis Inchonensis (인천국제공항 / 仁川國際空港). Corea Meridionalis octo aëroportus internationales et septem domesticos aëroportus habet. Societas aëria Korean Air et Asiana Airlines sunt. Ponderis etiam autocinetica industria: Kia, Hyundai, SsangYong et Daewoo (in Europa Chevrolet Corea) bona fama gaudent.
Energia
Corea Meridionalis quinto mundano loco secundum energiae nuclearis productionem et secundo loco in Asia ex 2010 est. Energia nuclearis in Corea Meridionali 45% electricae productionis praebet, et investigatio est activissima cum investigatione de progressivorum reactoriorum varietate, incluso parvo reactorio modulari, cum investigatione de liquido metallico rapido transmutationis reactorio et de magnae temperaturae hydrogenii generationis adumbratione. Productionis benzinicae productionis et purgamentariae tractationis technologiae etiam localiter evolutae sunt. Etiam incepti ITER membrum.
Corea Meridionalis emergens reactoriorum nuclearium exportatoria natio est, foederibus conclusis cum Phylarchiarum Arabicarum Confoederatione ad construenda et servanda quattuor reactoria nuclearia, cum Iordania ad investigandum reactorium nuclearium et cum Argentina ad construenda et reparanda aquae gravis reactoria nuclearia. Corea Meridionalis etiam liceri parat ad construensum aquae levis reactorium Argentinae.
Corea Meridionalis uranio locupletato utere aut traditionalem locupletationis technologiam sponte evolvere non permittitur, propter Statunitensem politicam pressionem, dispar plerarumque nuclearium potentiarum talium Iaponiae, Germaniae et Franciae, competitorum Coreae Meridionalis in internationali nucleari mercatu. Hoc impedimentum Austrocoreano autochthonico industriali incepto intemporarias diplomaticas rixas inter ambas nationes socias incitavit. Dum Corea Meridionalis suam nuclearem technologiam electicitatis generatoriam et reactoria nuclearia exportare bene gerit, ea in mercatu apparatuum locupletationis nuclearis et purgationis capitalizare nequit, quod impedit Corea Meridionalis magis suam exportatoriam aediculam expandat. Corea Meridionalis unicas technologias velut pyrepexergasiam ad circumveniendos hos obices et ad quaerendam magis proficuam aemulationem quaesivit. Nuperrime Civitates Foederatae cautae fuere de Austrocoreano nucleari programmate, quod Corea Meridionalis instat ut sit solum civili usui.
Valetudo publica et assecuratio socialis
Quamquam exspectatio vitae in Corea Meridionali significative e 1950 crevit, natio adhuc praecipua salutis problemata oppetit. Problematum unum impactus ambitalis contaminationis incolis magis magisque urbanizatis est. Secundum Ministerium Salutis et Opitulationis (보건복지부 / 保健福祉部) morbi chronicus responsales plerorumque morborum in Corea Meridionali sunt, condicio aggravata quia salutis systema magis tractationem quam impeditionem attendit. Morborum chronicorum incidentia in civitate 24 centesimas circumagunt. Aestimantur circiter 33% adultorum incolarum fumare. Praevalentiae index Viro Immunitarii Defectus Humani (VIDH) exeunte 2003 minor quam 0,1%. Anno 2001, Gubernationis Centralis sumptus curis salutis respondebant circiter ad 6 centesimas PDG. Homicidii index in natione 26 pro 100 000 anno 2008 fuit, maxima inter civitates progressas.
Communicatio
Praecipua inter media communicationis in natione diaria, radiophonia et Interrete sunt. Diurnariorum ars incepit aperto adventicio commercio saeculo undevicensimo, et ex illo tempore orta est magna publicationum quantitas. Inter Austrocoreana praecipua diaria The Chosun Ilbo, JoongAng Ilbo et Dong-A Ilbo sunt. Omnia haec diaria Coreane scribuntur, licet sint publicationes Anglice periegetis et residentibus advenis. Inter quae excellunt The Korea Herald, The Korea Times, et JoongAng Ilbo.
Velut diaria, pleraeque radiophonicae stationes Coreane emittuntur, licet sint stationes quarum tota programmatio est Anglice. Pleraque radiophonica programmata Coreanam et pergrinam musicas mixtas transmittunt, dum idem evenit cum radiodiurnis, fabulis radiophonicis et disportivis programmatibus.
Programmata televisifica locali lingua etiam trasnmittuntur, incluse adventiciae pelliculae, quarum voces transmutantur ad linguam Coreanam in tramitibus televisionis apertae. Praecipuae civitatis stationes Korean Broadcasting System, Munhwa Broadcasting Corporation, Educational Broadcasting System, et Seoul Broadcasting System sunt. Etiam tramites cum transmissione solum Anglice sunt, velut Arirang TV.
Interrete praecipua quotidianae Austrocoreanorum vitae pars factum est, quia novem quorumque decem domiciliorum Interretis diaconias habent. Est singula civitas cui est maximus numerus usuariorum Interretis, et sui conexus inter maximae velocitatis eos in toto orbe terrarum inveniuntur. Etiam est princeps in technologia DMB et maximum numerum societatum praebitoriarum Interretis gradu internationali habet.
Cultura
Corea Meridionalis suam traditionalem culturam cum vicina Corea Septemtrionali condividit. Nihilominus duae Coreae dissimiles `praesentes formas in suis culturis evolvere, praesertim divisa paeninsula anno 1945, Bello Orbis Terrarum Secundo confecto. Licet Coreana cultura ab vicina Republica Populari Sinarum affecta sit, respublica culturalem identitatem? unicam et dissimilem aliarum civitatum evolvere assecuta est. Ministerium Culturae et Periegeseōs active? traditionalibus activitatibus? et hodiernis culturae formis per conlocationis pecuniariae et educationis programmata favet.
Industrializatio et urbanizatio multas mutationes moribus populi Coreani apportavit. Oeconomicae et modi vivendi mutationes Austrocoreanos ut se in magnas urbes, praesertim in caput, conglobent adduxit. In praesenti sunt novem loci Mundi Hereditas ab UNESCO in austrocoreano territorio classificati.
Praeter classicas populares expressiones, recens Austrocoreana cultura, quae novas formas, tales fabulas televisificas, cinematographiam et musicam popularem comprehendunt, significative in dissimilibus mundi locis assimulata est. Hoc phaenomenon, in principio Fluctus Coreanus nuncupatum, expansum est in alias Asianas civitates, inter quas Iaponia, Vietnamia, et Sina.
Feriae et dies festi
| Dies | Nomen Latine | Nomen Coreane |
|---|---|---|
| Kalendis Ianuariis | Annus Novus | 양력설 |
| Inter 22 et 24 Februarii | Annus Novus Coreanus | 설날 |
| Kalendis Martiis | Motus Kalendarum Martiarum | 만세운동 |
| 5 Maii | Dies Puerorum | 어린이날 |
| Octavo die Aprilis | Natalis Buddhae | 석가탄신일 |
| 6 Iunii | Dies Caducorum | 현충일 |
| 17 Iulii | Dies Constitutionis | 제헌절 |
| 15 Augusti | Dies Liberationis | 광복절 |
| Quinto decimo die octavi calendarii lunaris | Chuseocum sive Festivalia Medii Autumni | 추석 |
| Kalendis Octobribus | Dies Virum Armatarum | 국군의 날 |
| 3 Octobris | Dies Conditionis Nationalis | 개천절 |
| 9 Octobris | Dies Hangulis | 한글날 |
| 25 Decembris | Christi Natalis | 기독탄신일 |
Ars
Coreana ars Buddhismo et Confucianismo valde affecta. Inter evolutissimas artes plasticas inveniuntur pictura, calligraphia et fictile. Coreana pictura antiquissima est: Pictura Parietalis Cogurionensis, adhuc servata, originem a Trium Regnorum tempore trahit, quamvis haec ars suum culmen per Imperium Coreanum Prius attigerit. Pleraque opera religiosorum thematum sunt, et topia per apicem tempore Dynastiae Tiosoniensis evoluta sunt. Calligraphia evoluta est eodem tempore cum pictura et aliis activis artibus, quia ante alphabeti Coreani sive hangulis inventione in usu erat hania sive scriptio Sinensis.
Fictile et sculptura duo inter antiquissimas artes plasticas Coreano in territorio cultas fuere, quia sunt earum exempla e Neolithico (inter 6000 et 1000 a.C.n.). Cum Buddhismus una inter praecipuas Coreae religiones factus est, multiplicata est Buddhae statuarum productio omnibus in chirotechnicis nationis technyphiis. Postea, fictile per Imperii Coreani Prioris epochēn creatum petrae nephriticae coloris erat et, e saeculo XIV, forma communissima ornandorum vasorum per caelaturas caesicii coloris super fundo albo erat.
In artis activae campo, saltatio et theatrum coniuncta evoluta sunt. Talchum (탈춤) et buchaechum (부채춤) formae artis activae nationales notissimae extra nationem sunt. Saltationis contemporaneae initium in natione originem ex Iaponica occupatione trahit et ex illo tempore dissimilia saltationis genera, sicut pantomimus ballationis, iazenzis et saltatio breakica, maius pondus Austrocoreano in territorio nacta sunt. In theatro, cum saltationibus et choreographiis spectamina sine dialogis inclusis `pervulgantur, quod prospera opera velut Jump et Nanta peperit.
Traditionalis nationis vestis hambocum (한복 / 韓服) nuncupantur. Haec vestis multas variationes habet, tales dopo (도포 / 道袍), durumagi (루마기) et ieogori (저고리); sunt speciales vestes viris ac mulieribus et formalibus ac informalibus occasionibus. Hamboci traditio per saecula ex aetates in aetates sine patiendis drasticis mutationibus in fabricatione et in pannorum usibus transmissa est. Ex Occidentalium vestimentorum introductione saeculo vicensimo, hamboci usus considerabiliter decrevit et in praesenti plerique homines solum eo in caerimoniis velut matrimoniis, natalibus et diebus festis nationalibus utuntur.
Anno 1993, Gubernatio Scholam Integralem Artis Coreae condidit, cuius propositum artisticae magni gradus educationi favere est. Schola actionis, picturae, saltationis, theatri, cinematographiae et sculpturae cursibus ministrat. Sunt etiam alii privati organismi, velut Centrum Artis Seuli et Centrum Artis LG, quae vulgant nationales adventiciasque artem et culturam, praesertim in nationem adventicias magnae acclamationis productiones apportantia.
Architectura
Praemoderna Coreae architectura dividi potest in duobus genera praecipua: id quo utuntur palatiorum ac templorum structurae et id quo utuntur communes hominum domus (cum localibus variationibus). Antiqui aedificatores systema firmamenti tectis stramineis et contignationibus simplicibus ondolibus (온돌 / 溫突) nuncupatis pictum adoptavere. Classes superiores altas domus cum tectis factis e normalibus tegulis aedificabant. Nihilominus sunt multi loci, velut laographica oppidula Hahoe, Yangdongum et Corea, ubi servatur traditionalis nationis architectura.
Coreana traditionalis architectura utitur traditionali dancheongi (단청 / 丹靑) technica, selectis coloribus descripta, qui in usu erant ad tegendas aedificationes antiquorum Coreanorum regnorum, praesertim picturas parietales antiquorum regiorum sepulcrorum; ruber, caeruleus, gilvus, albus, et niger. Hic colores in usu fuere propter suas speciales proprietates ante naturalia phaenomena, velut ventum, solem, pluviam, calorem.
Litterae
Velut musica, Coreanae litterae in classicas et modernas etiam dividuntur. Primae omnia opera ante et per Regnum Tiosoniense scripta comprehendunt. Quorum pleraque haniā sive Sinico alphabeto scripta sunt, quamobrem varii auctores veras Coreanas litteras aequaevas alphabeti hangulis ortui esse considerant. Haec opera epicas historias, legenda et traditiones antiquorum Coreanorum narrant, quae praeterea inserviunt tabulis historicis, cum regum priorumque dynastiarum chronicis. Ki Man-jung, Heo Gyung, Park Ji-won et Yi Eok sunt aliqui auctorum excellentium in illo tempore, dum Gu-unmong, Hong Gil-dong Jeon et Hojil aliquae opera scripta ab eis sunt.
Modernae Austrocoreanae litterae ad omnia opera scripta et edita e saeculo XX refert. Coreana mythistoria solum pondus hac perihodo assecuta est et creberrime historica themata Coreanae societati tractabantur, velut Iaponica occupatio, Bellum Orbem Terrarum II et Bellum Coreanum. Sicut cinematographia et alia media communicationis, litterae a dictatorialibus regiminibus obiurgatae sunt quae nationem inter decennia 198 et 199 gubernavere. Inter Austrocoreanos scriptores excellentes inveniuntur Yi Munyol, Yong-Tae Min, Lee Cheong-jun et Park Kyung-ri. Haec ultima seriei librorum Toji nuncupatae auctrix fuit, quae unum operum maximi ponderis in Coreanis litteris consideratur et inclusa est in collectione operum repraesentativorum Unescana.
Musica
E Coreana divisione, musica dividi coepit in duo genera quae sunt traditionalis ac/sive laographica et moderna. Coreana musica traditionalis dissimilibus modis per saecula evoluta est et ponderis munus in caerimoniis eventibusque implebat. Primae Coreanarum musicae saltationisque formae originem a Trium Regnorum tempore trahunt, quae amplius triginta dissimilibus instrumentis musicis utebantur. Musica Coreana dividebatur in varia genera, secundum usum: muac ritibus, talchum saltationibus cum personis, nongac agricolis et minyo generatim populo erat.
Musica Coreana moderna, K-Pop nuncupata, pingitur usu carminum generis popularis mixtorum cum elementis musicae laographicae Austrocoreanae. Alia genera cum magna cavea in natione rhythmus et caerulei, hiphop et musica electronica sunt. Varii interpretes et greges musicorum autochthones limites transire et ab auditoribus aliarum Asianarum nationum, velut Sinarum, Iaponiae, Taivaniae et Hongcongi accipi quaesivere.
Cinematographia
| Austrocoreana pellicula cinematographica[14] | |||||||
| Anno | Numerus pellicularum | ||||||
|---|---|---|---|---|---|---|---|
| 1975 | 91 | ||||||
| 1985 | 80 | ||||||
| 1995 | 63 | ||||||
| 2005 | 82 | ||||||
Coreana cinematographia varios successos internationali gradu obtinuit, quamvis non gaudeat tantae populi aurae quam, exempli gratia, India et Iaponia. Prima pellicula tota natione producta The Righteous Revenge, a Kim Do-san anno 1919 directa, fuit. Post quam cinematographatae sunt aliae pelliculae quae aliquod successus in natione habuere, quamvis industria cinematographica solum post Bellum Coreanum (inter 1950 et 1953) evenerit.
Ex illo tempore et usque ad 1972, Coreana cinematographia suam nuncupatam "aeram auream" vixit, ubi pelliculae liberrime politicas socialesque populi opiniones exprimebant. Per decennium 199 libertatis loquendi repressio per praesidis Pak Zionghi gubernationem effecta pellicularum productionem in natione decrescere provocavit, et industria cinematographica pondus perdidit. Ultimis annis, varii Austrocoreani pelliculae, moderatores et actores gloriam internationalem obtinere adepti sunt, praemia in festis, velut Canuae, consecuti.
Gastronomia
Coreana coquina per socialium politicarumque mutationum saecula evolvit. Ingredientia ferculaque variant secundum cuiusque provinciae culturam. Sunt multa ferculs regionalia quae dissimilibus cum variationibus totam per civitatem propagata sunt. Coreanae aulae regiae coquina omnes regionales cibos peculiares regiae familiae colligere assecuta est. Iam diu alimentorum consumptio modorum morumque serie et regiae familiae membris et Coreanis agricolis temperata est.
Coreana coquina praesertim in oryza, collyris, tōfu, holeribus, piscibus et carnibus fundatur. Coreanus traditionalis cibus numero marginum cenae pingitur, quae iuxta cum elixa brevis grani oryza apponuntur. Omnia fercula numerosis marginibus cenae apponuntur. Inter traditionalia fercula consumptissima sunt caro ignea (불고기), oryza mixta (비빔밥) et galbi (갈비).
Thea ponderis pars nationali in gastronomia est, et caerimonia theae una traditionum radicatissimarum inter incolas est. Nationis theae frumentis, herbis medicis, seminibus et fructibus parantur. Potiones alcoholicae e frumentis e tempore priori saeculo quarto factae sunt. Inter praecipuos Austrocoreanos liquores alcoholicos inveniuntur macgeolli (막걸리), haud expoliti; vinum clarum (청주), medicum; et liquor ursus (소주), liquor distillatus. Macgeolli basis ad fabricandas alias regionales potiones sunt, augendo aut deminuendo fermentationis tempore.
Disportus
Ars martialis taequondo e Corea orta est. Inter alias Austrocoreanas artes martiales sunt hapcido (합기도 / 合氣道), taeccyeon (택견), tangsudo et cuxulvon (국술원 / 國術院).
Basīpĭla introducta est in Coream anno 1905 et ex illo tempore facta est una ex artibus athleticis populo gratissimis. Organizatio Coreana Basipilae, anno 1982 instituta, fuit prima Coreae Meridianae professionalis liga athletica. Austrocoreana turma Classicum Mundanum Basipilae anni 2006 tertio loco, secundo loco editione anni 2009 finivit et anno 2008 clipeum aureum in Olympiis anni 2008 Pechini consecuta est.
Olympia Aestiva anni 1988 Seuli celebrata sunt, ubi Corea Meridiana quartum locum secundum clipeorum numerum cum duodecim aureis, decem argenteis et undecim aëreis attigit. Natio assidue bonae resultationes in arte sagittandi, teniludio mensali, pennaludio, patinatico velocitatis brevis callis, manufollio, alsulegia glaciali, basipila, ziudone, patinatico, taequondone et sublatione ponderum obtinet. Corea Meridiana plurimos clipeos in Olympiis Hiemalibus assecuta est, collata aliis Asianis civitatibus. Anni 2010 Olympia Hiemalia Vancuverii, civitas quattuordecim clipeos (sex aureos, sex argenteos, et duos aëreos) consecuta est, quod usque ad 45 totum victorum clipeorum numerum (23 aureos, 14 argenteos et octo aeneos) elevavit.
Corea hospitio bis Ludos Asianos accepit, anno 1986 Seuli et anno 2002 Pusani, et anni 2014 editio Icheoni eveniet. Iuxta cum Iaponia, hospitio anni 2002 Certamen Mundanum Pedilusorium accepit, ubi sua turma nationalis prima Confoederationis Asianae Pedilusoriae (Anglice Asian Football Confederation) turma quae paenultima exclusoria certamina attigit facta est. Inter alios magnos internationales athleticas eventus qui in Corea Meridionali accidere excellunt Ludi Asiani Hiemales anni 1999 in provincia Ganguonensi, Ludi Universitarii Mundani Hiemales anni 1997 in Muiu ac Ieoniu et Ludi Universitarii Mundani Aestivi anni 2003 in Daegu. Anno 2010 celebratum est Magnum Praemium Coreae Meridionalis Formulae Unius in Circuitu Interbationali Coreae in Yeongamo (영암 / 靈巖). Anno 2011 celebratus est in Corea Meridionali Campionatus Mundanus Ludi Gymnici Campestris in Daegu. Anno 2011 decretum est comitatum Pyeongchangensem (평창군 / 平昌郡) hospitio Olympia Hiemalia anni 2018 accepturum esse.
Codices
Coreae Meridionali sunt hic codices:
- HL, secundum Catalogum praefixorum codicum notaculi aëronavium quibus ICAO utitur,
- KOR, secundum normam ISO 3166-1 alpha-3 (catalogi codicum nationum),
- KR, secundum normam ISO 3166-1 (catalogi codicum rerum publicarum), codex alpha-2 (catalogus codicum nationis),
- .kr, secundum dominium interretiale,
- ROK, secundum catalogum codicum internationalium notaculi autocineti,
- KOR, secundum catalogum codicum nationum Consilii Olympici Internationalis,
- KOR, secundum Catalogum codicum nationum quibus OTAN utitur codex alpha-3,
- KS, secundum Catalogum codicum nationum quibus OTAN utitur.
Vide etiam
Notae
- ↑ Vide encyclopediam Hofmann
- ↑ Factiones de Sejongopolis additione ad comitialem tabulam disceptant
- ↑ Hierarchia Catholica
- ↑ Hierarchia Catholica
- ↑ Hierarchia Catholica
- ↑ Hierarchia Catholica
- ↑ Hierarchia Catholica
- ↑ Hierarchia Catholica
- ↑ Hierarchia Catholica
- ↑ Hierarchia Catholica
- ↑ Hierarchia Catholica
- ↑ Hierarchia Catholica
- ↑ Hierarchia Catholica
- ↑ Weltfilmproduktionsbericht (Auszug), Screen Digest, Juni 2006, S. 205–207 (eingesehen am 15. Juni 2007)
Bibliographia
- Breen, Michael 2004. The Koreans: Who They Are, What They Want, Where Their Future Lies. St. Martin's Griffin. ISBN 0-312-32609-2.
- Cumings, Bruce 1997. Korea's Place in the Sun. Novi Eboraci: W.W. Norton. ISBN 0-393-31681-5.
- Hart, Dennis 2003. From Tradition to Consumption: Constructing a Capitalist Culture in South Korea. Seoul: Author. ISBN 89-88095-44-8.
- Kern, Thomas, et Patrick Köllner, edd. 2005. Südkorea und Nordkorea. Einführung in Geschichte, Politik, Wirtschaft und Gesellschaft. Frankfurt/New York: Campus. ISBN 3-593-37739-X.
- KOIS (Korea Overseas Information Service) 2003. Handbook of Korea, ed. 11a. Seoul: Hollym. ISBN 1-56591-212-8.
- Nahm, Andrew C. 1996. Korea: A History of the Korean People, editio altera. Seoul: Hollym. ISBN 1-56591-070-2.
- Neidhart, Christoph. 2008. Die Kinder des Konfuzius. Was Ostasien so erfolgreich macht. Freiburg im Breisgau: Verlag Herder. ISBN 978-3-451-03006-2. (= Herder-Spektrum; 3006)
- Nilsen, Robert. 2003. Moon Handbooks: South Korea, editio tertia. Avalon Travel Publishing. ISBN 1-56691-418-3.
- Ó Murchú, Pádraig 1989. Idir Dhá Shaol. Coiscéim.
- Song Du-yul et Rainer Werning. 2012. Korea. Von der Kolonie zum geteilten Land. Vindobondae: Promedia Verlag. ISBN 978-3-85371-340-2.
- Südkorea. 1998 HB-Bildatlas Special 49. Norderstedt: Harksheider Verlagsgesellschaft. ISBN 3-616-06449-X.
- Yang, Sung Chul 1999. The North and South Korean Political Systems: A Comparative Analysis, editio altera. Seoul: Hollym. ISBN 1-56591-105-9.
- Yonhap News Agency 2004. Korea Annual 2004. Seoul: Author. ISBN 89-7433-070-9.
Nexus externi
- Publicus civitatis situs, apud www.korea.net
- Statisticae Coreanae, apud kostat.go.kr
- De Corea apud Bibliothecam Congressus CFA, apud lcweb2.loc.gov
- De Corea apud www.eu-asien.de
|
Vicimedia Communia plura habent quae ad Rem Publicam Coreanam spectant (1, 2). |
| Civitates |
Atropatene · Afgania · Arabia Saudiana · Armenia · Baharina · Bangladesa · Birmania · Bruneium · Butania · Cambosia · Chirgisia · Corea meridiana · Corea septentrionalis · Cuvaitum · Cyprus · Emiratus Arabici Coniuncti · Georgia · Iaponia · Iemenia · India · Indonesia · Iordania · Iracum · Irania · Israël · Kazachstania · Laotia · Libanus · Malaesia · insulae Maldivae · Mongolia · Nepalia · Omania · Pakistania · Philippinae · Quataria · Russia · Sinae · Singapura · Syria · Tadzikistania · Taprobane · Thailandia · Timora Orientalis · Turcia · Turcomannia · Uzbecia · Vietnamia |
|---|---|
| Civitates statu dubio |
Abascia · Carabachia Superior · Cyprus septentrionalis · Ossetia Meridionalis · Taivania |
| Territoria obnoxia et statu dubio |
Acroterium et Decelea · Casmiria · Territoria Palaestinensia |
Formula:Link FA
Formula:Link FA
Formula:Link FA
Formula:Link FA
Formula:Link GA
Formula:Link GA