Roman numeral 10000 CC DD.svg

Albus

E Vicipaedia
Jump to navigation Jump to search

albus

Albus (-a, -um.) est color qui aut absentia ullius coloris vel omnibus lucis coloribus commixtis definiri potest. Albus color est nivis et agnorum. Romae antiquae mulieres vestibus albis indutae funera sequebantur; sed et in aliis ritibus sacrificiisque albae vestes induebantur, nam

Alba decent Cererem; vestes Cerealibus albas
Sumite,

ut Ovidius monet[1]; et simulacra deorum ipsorum vestibus albis decorabantur, nam, ut Cicero affirmat,

Color albus praecipue decorus deo est, cum in ceteris, tum maxime in textili[2].

In Latinitate classica[recensere | fontem recensere]

Servius alba et candida sic distinguit:

Aliud est candidum, id est, quadam nitenti luce perfusum esse, aliud album, quod pallori constat esse vicinum[3]

Interdum simpliciter lucidum quoddam significat et atro colori opponitur, e.g. apud Plautum:

Album an atrum vinum potas?[4]

vel Ciceronem:

Democritus luminibus amissis alba discernere et atra non poterat[5].

Albus an ater sis, nescio proverbium est de eo, quem omnino nescimus nec scire volumus, quod Catullus (93), Cicero[6], Quintilianus[7] aliique utuntur.

Interdum albus et nigro opponitur[8].

Varia[recensere | fontem recensere]

Symbolice? albo colore puritatem significamus, quamobrem, quae mulieres in matrimonium ducuntur, vestibus albis ornari solent.

Albicolores etiam homines ex Europa orti vocantur.

In bello, vexillum album est signum deditionis.

Pinacotheca[recensere | fontem recensere]

Notae[recensere | fontem recensere]

  1. Fasti IV 619.
  2. De legibus II 18.
  3. Ad Georgica, III 82.
  4. Menaechmi, V 5. 17.
  5. Tusculanae disputationes, V 39.
  6. Philippicarum II 16.
  7. I 11, 38.
  8. Lucretius II 811-812; Ciceronis de divinatione III 9.

Nexus interni[recensere | fontem recensere]

Aliud inceptum vicipaediae[recensere | fontem recensere]

Wiktionary-ico-de.png Vide albus in Victionario.

Nexus externi[recensere | fontem recensere]

P literature.svg Haec pagina verba incorporat ex Aegidii Forcellini Lexico Totius Latinitatis, 1775. Versio interretialis

  • glossa-dictionary (Latine, Anglice)
  • De albo colore in Libello de coloribus Antonii Thylesii