Marcus Aurelius

E Vicipaedia

Statua Marci Aurelii, Museum Capitolii, Romae

Marcus Aurelius Antoninus Augustus (26 Aprilis 121 - 17 Martii 180) philosophus erat et imperator Romanus ab anno 161 usque ad mortem suam anno 180.

Index

[recensere] Vita

Nomine Marco Annio Catilio Severo natus est et in matrimonio nomen Marcum Annium Verum accepit. Cum imperator factus est, nomen Marcus Aurelius Antoninus ei datus est.

Avunculus eius Antoninus Pius eum adoptavit et die 25 Februarii 138 successorem cum Lucio Vero eum declaravit. Antonino mortuo, Marcus regnum accessit ea lege, ut et ille et Verus imperatores communes fierent.

Successionis communis necessitas belli causa erat. Imperator enim Marcus Aurelius bellum cum gentibus diversis gessit. Germani et alii barbari limitem transgressi praecipue in Galliam irruperunt. In Asia etiam Parthi impetus suos renovaverunt. Marcus nec ipse in utraque imperii parte copiis imperare potuit, nec alio duce copias praeficere potuit, veritus ne novus dux gratus militibus sese evertere conaretur, sicut antea Caesar aut Vespasianus.

Marcus Aurelius huic difficultati respondit misso Lucio Vero qui legionibus imperaret. Verus igitur, cum satis auctoritatis haberet ad servandam fidem copiarum, sed non ad Marcum evertendum, fidelis usque ad mortem suam anno 169. obitam mansit. Huiusmodi imperium commune antiquae rei publicae, cui duo consules imperabant, nos admonet.

[recensere] Matrimonium

Faustina minor

Anno 145 Aurelius in matrimonium Faustinam minorem duxit, quae tredecim liberos ei peperit, quorum Commodus et Lucilla, uxor Lucii futura, clarissimi erant.

[recensere] Mors

Marcus Aurelius die 17 Martii 180[1] aut Vindobonae aut Sirmii[2] mortuus est in expeditione contra Marcomannos. Cineres Romam redditi sunt et in mausoleo Hadriani positi. Anno 177. successionem filii sui Commodi parare potuerat, sed Commodus imperator pessimus erat; quo regnante, occasus imperii coepisse dicitur. Propter haec Aurelius ultimus quinque imperatorum qui dicuntur "boni" habetur.

[recensere] Opera

Marcus Aurelius (Louvre, Paris)

M. Aurelius, qui a puero tanto veri amore flagravit, ut ab imperatore Hadriano Verissimus appellaretur, nomen philosophi Stoici habet. Septendecim enim annos natus quaestor et duobus annis post consul factus, quamquam propter officia sua litteris, arti dicendi, philosophiae tantam operam dare non potuit, tamen philosophia nihil maius esse iudicavit neque inter sectas eius ullam Stoicis graviorem. Princeps autem, cum populum Romanum gubernaret et procul a Roma saepe bella gereret, ex libris magnorum philosophorum excerpta quaedam collegit, quorum libri duodecim, qui Ad se ipsum vel Meditationes inscribuntur, lingua Graeca conscripti extant (qui quidem Graece Σκέψεις inscripti sunt). Meditationum libro primo de propinquis atque magistris narravit, quorum exempla sequeretur, in ceteris autem, quid sentiret et iudicaret ipse, nisi eis, quae collegit, excerptis non exposuit.

[recensere] Iudicia de eo facta

Posteri autem de imperatore illo (quo quis sapientiam umquam magis amavit?) nullo modo consentiunt. Sunt enim, qui eum principem summis virtutibus praeditum fuisse existiment, ut etiam nobilissimus hominum appellatus sit, alii autem virium parum in eo fuisse admonent, omnes denique reprehendunt, quod Commodum filium suum imperii haeredem fecerit, cuius tamen maxima vitia non ignoraret.

[recensere] Opera

[recensere] Fontes de vita et principatu Marci Aurelii

[recensere] Notae

  1. ↑ "Die sexto decimo kalendarum Aprilium": Tertullianus, Apologeticus 25.5; "τῇ ἑπτακαιδεκάτῃ τοῦ Μαρτίου": Cassius Dio, Historia Romana 72.33.
  2. ↑ "Vendobonae": Aurelius Victor, De Caesaribus 16.14. "Apud Bendobonam": Epitome de Caesaribus 16.12. "Apud Sirmium": Tertullianus, Apologeticus 25.5. "Ἐν Παίοσι" (apud Paeones [sic]): Herodianus, Ab excessu Divi Marci 1.3.1.

[recensere] Bibliographia

Imperatores Romani
Augustus - Tiberius - Caligula - Claudius - Nero - Galba - Otho - Vitellius - Vespasianus - Titus - Domitianus - Nerva - Traianus - Hadrianus - Antoninus Pius - Marcus Aurelius - Lucius Verus - Avidius Cassius (usurpator) - Commodus - Pertinax - Didius Iulianus - Pescennius Niger (usurpator) - Clodius Albinus (usurpator) - Septimius Severus - Caracalla - Geta - Macrinus - Diadumenianus - Elagabalus - Alexander Severus - Maximinus Thrax - Gordianus I - Gordianus II - Pupienus - Balbinus - Gordianus III - Philippus Arabs - Decius - Herennius Etruscus - Hostilianus - Trebonianus Gallus - Volusianus - Aemilianus - Valerianus - Gallienus - Saloninus - Postumus (usurpator) - Victorinus (usurpator) - Tetricus I (usurpator) - Tetricus II (usurpator) - Claudius Gothicus - Quintillus - Aurelianus - Tacitus - Florianus - Probus - Carus - Carinus - Numerianus - Diocletianus - Maximianus - Carausius (usurpator) - Allectus (usurpator) - Constantius Chlorus - Galerius - Constantinus I - Licinius - Flavius Valerius Severus - Maximinus - Maxentius - Domitius Alexander (usurpator) - Constantius II - Constantinus II - Constans - Magnentius (usurpator) - Iulianus - Iovianus - Valentinianus I - Valens - Procopius (usurpator) - Gratianus - Valentinianus II - Magnus Maximus (usurpator) - Theodosius I - Eugenius (usurpator) - Honorius - Arcadius - Constantius III - Priscus Attalus (usurpator) - Constantinus III (usurpator) - Iovinus (usurpator) - Valentinianus III - Ioannes (usurpator) - Petronius Maximus - Marcianus - Avitus - Leo I - Maiorianus - Libius Severus - Anthemius - Olybrius - Leo II - Glycerius - Zeno - Iulius Nepos - Romulus Augustus



Antecessores:
Imp. Caesar Titus Aelius Hadrianus Antoninus Augustus Pius II et Gaius Bruttius Praesens Lucius Fulvius Rusticus II		 Consul
140
cum
Imp. Caesare Tito Aelio Hadriano Antonino Augustuo Pio III		 Successores:
Titus Hoenius Severus et Marcus Peducaeus Stloga Priscinus



Antecessores:
Lucius Hedius Rufus Lollianus Avitus et Titus Statilius Maximus		 Consul
145
cum
Imp. Caesare Tito Aelio Hadriano Antonino Augusto Pio IV		 Successores:
Sextus Erucius Clarus II et Gnaeus Claudius Severus Arabianus



Antecessores:
Appius Annius Atilius Bradua et Titus Clodius Vibius Varus		 Consul
161
cum
Lucio Aelio Aurelio Commodo II		 Successores:
Quintus Iunius Rusticus II et Lucius Titius Plautius Aquilinus


Receptum de "http://la.wikipedia.org/wiki/Marcus_Aurelius"