Roman numeral 10000 CC DD.svg
Latinitas bona

Clemens VII (papa)

E Vicipaedia
Salire ad: navigationem, quaerere

Vide etiam paginam discretivam: Clemens VII (discretiva)

Clemens VII
Clemens VII
Iulius Iuliani filius Medices
(26 Maii 147825 Septembris 1534)
Decessor:
Hadrianus VI
Papa:
1523 - 1534
Successor:
Paulus III
Vexillum Clementis VII
Index paparum

Clemens VII (nomine primordiali Giulio di Giuliano de' Medici seu Iulius Iuliani f. Medices; natus Florentiae die 26 Maii 1478; mortuus die 25 Septembris 1534), fuit papa et episcopus Romanus a die 18 Novembris 1523.

Vita[recensere | fontem recensere]

Iuliani Medices eiusque amasiae Florectae Gorini filius nothus fuit; patruum enim habuit dominum urbis Florentiae Laurentium Medices. Patre iam ante nativitatem filii in coniuratione familiae Pazzi occiso, hic a patruo educatus est.

Laurentio anno 1492 mortuo, tumultu contra familiam Medices orto, Iulius anno 1494 e Florentia in Bononiam, postea Pitilianum, mox Tifernum Tiberinum et Romam fugit. Romae apud consobrinum suum habitavit cardinalem Ioannem Medices, qui anno 1513 papa creatus est, nomine Leone X. Iulius anno 1513 ab eodem papa archiepiscopus Florentiae et postea die 29 Septembris Cardinalis Sanctae Romanae Ecclesiae factus est.

Pontificatus[recensere | fontem recensere]

Die 19 Novembris 1523 Iulius Medices papa creatus est et nomen sibi imposuit Clementem. Die 6 Maii 1527 milites imperatoris Caroli V Romam vastaverunt; quem casum historici il sacco di Roma (scilicet direptio expugnatae urbis Romae) nuncupant. Clemens ipse in oppidum Sancti Angeli confugit. Bononiae die 24 Februarii 1530 insigne imperiale imposuit capiti Caroli V, ultimi imperatorum Sacri Romani Imperii a papa coronatorum.

Papa Leo X cum Iulio Medices (ad sinistram partem imaginis) et Ludovico de' Rossi (ad dextram partem)

Nexus externi[recensere | fontem recensere]

Commons-logo.svg Vicimedia Communia plura habent quae ad Clementem VII spectant.

Bibliographia[recensere | fontem recensere]

  • Vicente de Cárdenas y Vicent, El Saco de Roma de 1527 por el ejército de Carlos V. Matriti: Instituto Salazar y Castro, 1527
  • Eric Russell Chamberlin, The bad Popes. Stroud: Sutton, 2003
  • André Chastel, Consuelo Vázquez de Parga, El saco de Roma, 1527. Cantoblanco: Espasa Calpe, 1998
  • Pierre Crabitès, Clement VII and Henry VIII. Londinii: Routledge, 1936
  • Stefan Ehses, "Die politik des Papstes Clemens VII bis zur Schlacht von Pavia" in Historisches Jahrbuch vol. 6 (1885) pp. 557-603
  • Adriano Prosperi, "Clemente VII" in Enciclopedia dei papi (Romae: Istituto della Enciclopedia italiana, 2000) vol. 3 pp. 70-91
  • Sheryl E. Reiss, Cardinal Giulio de' Medici as a patron of art. Dissertatio doctoratus universitatis Princetonianae 1992
  • Emmanuel Rodocanachi, Histoire de Rome. Les pontificats d'Adrien VI et de Clément VII. Lutetiae: Hachette, 1933
  • Herbert M. Vaughan, The Medici Popes (Leo X and Clement VII). Londinii: Methuen, 1908