Nicolaus IV

E Vicipaedia
Salire ad: navigationem, quaerere
Cardinalis Hieronymi Mascii effigies a pictore quodam saec. fere XVII facta
Nicolaus IV, O.F.M.
Hieronymus Mascius
30 Septembris 12274 Aprilis 1292
Decessor:
Honorius IV
Papa:
1288 - 1292
Successor:
Caelestinus V
Vexillum Nicolai IV
Index paparum

Nicolaus IV, nomine nativo Hieronymus Mascius (natus die 30 Septembris 1227 in Marchiis Italiae; mortuus die 4 Aprilis 1292) fuit papa catholicus et episcopus Romanus a die 15 Februarii 1288.

Hieronymus Mascius fuit frater Franciscanus alumnusque Universitatis Perusinae. Papa Gregorio X regnante Constantinopolim missus est, unde cum legatis Byzantinis Lugdunum rediit ad Concilium anno 1274 actum. Die 20 Maii eiusdem anni Minister generalis Franciscanorum loco Bonaventurae electus est. Anno 1278 Cardinalis presbyter titulo Sanctae Pudentianae a papa Nicolao III creatus est; die 12 Aprilis 1281 episcopu Praenestinus creatus est.

Nicolaus IV die 15 Septembris 1288 poenam capitalem decrevit contra eos Iudaeos qui de Iudaicae caecitatis errore ad lumen fidei Christianae conversi, ad priorem reversi esse perfidiam dignoscuntur. Die 12 Augusti 1289 cum bulla "Supra montem" regulam tertiam Ordinis Regularis Sancti Francisci approbavit. Fratrem Ioannem de Monte Corvino ad Sinas misit, qui ibi ecclesias constituit ipseque archiepiscopus Pechinensis postea creatus est.

Bibliographia[recensere | fontem recensere]

  • Giulia Barone, "Niccolò IV" in Enciclopedia dei Papi (Romae: Treccani, 2000)
  • Raffaello Morghen, "Niccolò IV" in Enciclopedia Italiana (Romae: Treccani, 1934)

Nexus externi[recensere | fontem recensere]

Commons-logo.svg Vicimedia Communia plura habent quae ad Nicolaum IV spectant.