Hierosolyma
Hierosolyma[1] (-orum n.[2]) (Graece: Ἱεροσόλυμα n. pl.), vel Ierusalem vel Hierusalem, olim Aelia Capitolina, est Iudaeae urbs, Iudaeis,[3] Christianis, et Islamicis sancta. Israel et Palaestina inter se de urbe rixantur, sed urbs secundum Consociationem Nationum est neque Iudaica, neque Christiana, neque Arabica. Hebraice appellatur "Ierūšalayim" (ירושלים), Arabice "al-Quds" (Sancta).
Index |
[recensere] Historia
Hierosolyma urbs antiqua est, quae iam circiter 1800 a.C.n. a Canaanitis habitata est.
Secundum Biblia Sacra, Hierosolymis Abraham filium Isaac sacrificaturus erat. Ibidem David Sanctam Foederis Arcam statuit, ubi filius Salomon templum extruxit. Hierosolymis etiam Iesus Christus praesentatus est in templo, doctores puer docuit, evangelium praedicavit, miracula fecit; ibidem sub Pontio Pilato passus est, et a Christianis habetur tertia die resurrexisse, inde in caelos ascendisse, et Hierosolyma die iudicio venturus esse.
Anno 70, die 5 aut 10 mensis Augusti, milites Romani excidium templi Hierosolymorum effecerunt. Post secundum excidium, anno 135, Romani urbem novo nomine restituerunt: Aelia Capitolina.
Inter primam cruciatam, Christiani die 15 Iulii 1099 Hierosolymam ceperunt, sed die 4 Iulii 1187, exercitus Christianus in Hittin a Saladino profligatus est, qui die 2 Octobris Hierosolyma cepit.
[recensere] Universitas
Universitas Hebraica Hierosolimitana anno 1918 constituta est.
[recensere] Vide etiam
[recensere] Notae
- ↑ Nomen. Il nuovissimo Campanini-Carboni latino-italiano italiano-latino (Taurini: Paravia, Mondadori, 2003).
- ↑ Hierosolymorum apud Suetonium, Vita Titi 5, et Vita Neronis 40. Hierosolymis apud Plinium Maiorem, Naturalis Historia 5.72 & 73. Apud scriptores posterioris aetatis praeter has formas Hierosolymam et Hierosolymae quoque legitur.
- ↑ "Laetatus sum in his quae dicta sunt mihi: in domum Domini ibimus. Stantes erant pedes nostri in atriis tuis, Jerusalem" (Psalmus 122:1–2 [121:1–2]).
