Mare Mediterraneum

Tabula Maris Mediterranei (Anglice signata).

Tabula Maris Mediterranei aevo Romano.

Mare Mediterraneum vel Mare Internum (saepe a Romanis Mare Nostrum vocatum) est mare intercontinentale inter Europam (ad septentriones), Africam (ad meridiem), et Asiam (ad orientem) situm. Superficies est circiter 2 500 000 km². Fretum Herculeum id Oceano Atlantico iungit.

Geographia antiqua

Mare Mediterraneum per totam historiam humanam variis nominibus notum est. Graeci id primum thalassa et post inventionem Oceani Atlantici Entos Thalassa appellaverunt.

Romani vicissim id Mare Nostrum vel Internum Mare vocabant. Nota bene, Mare Nostrum stricto sensu solum Mare Mediterraneum circum Italiam significavit. Haec pars etiam Mare infernum, pars orientalis Mare superum vocata sunt. Romani Mare Mediterraneum in quasdam partes diviserunt, exempli gratia:

• Hadriaticum Mare
• Aegaeum Mare
• Balearicum Mare: inter Insulas Baleares et Hispaniam
• Creticum Mare
• Mare Ibericum: inter Insulas Baleares et Fretum Gaditanum
• Ionium Mare
• Myrtoum Mare: inter Peloponnesum et Cyclades
• Mare Tyrrhenicum: inter Italiam et insulas occidentales
• Sinus Gallicus: quod hodie Golfe du Lion Francice vocatur

Saeculo septimo, Isidorus Hispalensis verbis Mare Mediterraneum in opere Ethymologiae sive Origines primum usus est; illo tempore, nondum erat nomen verum.

Geographia nova

Societas Hydrographica Internationalis anno 1953 in libello Limits of oceans and seas oceanum et maria in varias partes digessit. Mare Mediterraneum ita dividitur:

• Divisiones principales: dua labra maritima, quorum finis est linea inter Promontorium Lilibaeum (Sicilia) et Promontorium Bon (Tunesia).
  • Labrum occidentale
  • Labrum orientale
• Subdivisiones:
  • Gaditanum Fretum sive Fretum Herculeum sive ostium Oceani
  • (Anglice Alboran Sea): inter Fretum Herculeum et lineam Promontorium Felis (Cabo de Gata, Hispania) et Promontorium Fegalo (Algeria) iungens.
  • Balearicum Mare
  • Mare Ligusticum
  • Mare Tyrrhenicum
  • Mare Ionium
  • Mare Hadriaticum sive Mare Hadria
  • Mare Aegaeum
  • Mare Levantinum

Quidam Propontem etiam partem Maris Mediterranei esse putant. Fossa navigabilis apud Clysma ab hominibus facta illum Mari Erythraeo iungit.

Inter insulas maiores sunt:

• ad orientem: Cyprus, Creta, Rhodus
• medium: Sardinia, Corsica, Sicilia, Melita
• ad occidentem: Insulae Baliares Capraria, Maiorica, Minorica

Sunt in Mari Aegeo multae insulae minores.

Civitates hodiernae huic mari attingens:

• Europa (ab occidente ad orientem): Hispania, Francia, Monoecus, Italia, Melita, Slovenia, Croatia, Bosnia et Herzegovina , Mons Niger, Albania, Graecia
• Asia (ab septentrionibus ad meridiem): Turcia, Syria, Cyprus, Libanus, Israel, Palaestina
• Africa (ab oriente ad occidentem): Aegyptus, Libya, Tunesia, Algeria, Marocum

Oceanographia et biologia

Salinitas aquae Maris Mediterranei maior salinitate oceani est: 3.8 centesimae. Aqua non salina ex fluviis et Mari Scytico^? in Mare Mediterraneum fluit, sed per summam evaporationis aqua salina per Fretum Herculeum influit. Aestuus parvi sunt quia Fretum Herculeum angustum est. Maxima profunditas 5015 metra est in Sumpa Calypsos apud Graeciam.

Historia

Graeci et Phoenices colonias in totam Maris Mediterranei regionem deduxerunt, quarum colonia maximi momenti erat Carthago, anno 814 a.C.n. condita. Post ruinam regni Alexandri Magni et proelia inter successores, Aegyptus Ptolemaea et Carthaginenses in toto mari dominati sunt. Tribus bellis Punicis Romani Carthaginem et occidentem maris partem vicerunt. Anno 31 a.C.n., Octavianus Augustus Marcum Antonium Cleopatramque vicit. Postea trescentos annos Romani totum Mare Mediterraneum a Romanis imperaverunt, donec saeculis quarto et quinto, Vandali maximum partis occidentalis maris imperium maritimum constiterent; pars autem orientalis ab Imperio Romano Orientali imperata est.

Vide etiam

• Mare Tyrrhenicum

Nexus externi

• Limits of Oceans and Seas, www.iho.shom.fr (Societas Hydrographica Internationalis)
• LacusCurtius, Isidori Hispalensis Origines, de Mediterraneo Mari