Liber I Regum

E Vicipaedia
Salire ad: navigationem, quaerere
Ioannes Baptista Tiepolo (1696-1770): Iudicium Salomonis


Liber I Regum (Hebraice מְלָכים א, Melajim Álef), est liber Veteris Testamenti. Olim primus et secundus Liber Regum unus volumen erant.

Praeclarissima narratio huius libris est iudicium Salomonis (Reg I 3, 16-27):

Tunc venerunt duae mulieres meretrices ad regem steteruntque coram eo.
Quarum una ait: “ Obsecro, mi domine; ego et mulier haec habitabamus in domo una, et peperi apud eam in domo;
tertia vero die, postquam ego peperi, peperit et haec; et eramus simul, nullusque alius nobiscum in domo, exceptis nobis duabus.
Mortuus est autem filius mulieris huius nocte; dormiens quippe oppressit eum.
Et consurgens intempesta nocte, silentio tulit filium meum de latere meo ancillae tuae dormientis et collocavit in sinu suo; suum autem filium, qui erat mortuus, posuit in sinu meo.
Cumque surrexissem mane, ut darem lac filio meo, apparuit mortuus; quem diligentius intuens clara luce, deprehendi non esse meum, quem genueram ”.
Responditque altera mulier: “ Non est ita, sed filius meus vivit, tuus autem mortuus est ”. E contrario illa dicebat: “ Mentiris. Filius quippe tuus mortuus est, meus autem vivit ”. Atque in hunc modum contendebant coram rege.
Tunc rex ait: “ Haec dicit: “Filius meus vivit, et filius tuus mortuus est”; et ista respondit: “Non, sed filius tuus mortuus est, et filius meus vivit” ”.
Dixit ergo rex: “ Afferte mihi gladium! ”. Cumque attulissent gladium coram rege:
“ Dividite, inquit, infantem vivum in duas partes, et date dimidiam partem uni et dimidiam partem alteri ”.
Dixit autem mulier, cuius filius erat vivus, ad regem — commota sunt quippe viscera eius super filio suo —: “ Obsecro, domine, date illi infantem vivum et nolite interficere eum ”. E contrario illa dicebat: “ Nec mihi nec tibi sit; dividatur ”.
Respondens rex ait: “ Date huic infantem vivum, et non occidatur; haec est mater eius ”.

Auctor libri Regum alios libros historicos suo tempore exstitisse indicat, si verba eius recte interpretantur: Liber gestorum Salomonis (I Regum 11.41); Annales regum Iudae (I Regum 14.29 et alibi); Annales regum Israel (I Regum 15.31 et alibi).

Nexus externus[recensere | fontem recensere]


Sancti Haec stipula ad religionem spectat. Amplifica, si potes!
Vetus Testamentum

Gen Ex Lev Num Deut Ios Iud Rut 1Sam 2Sam 1Reg 2Reg 1Par 2Par Esd Neh Tho [1] Iud Est Iob Psa Pro Ec Can Sap Ecc Isa Ier Lam Bar Eze Dan Os Ioel Amos Abd Iona Mic Nah Hab Soph Ag Zac Mal Macc1 Macc2

  1. Libri Tho, Iud, Sap, Ecc, Bar, Macc1 et Macc2 a Catholica Romana et Orthodoxa ecclesiis, sed neque a Iudaeis neque a communitatibus Christianis a Reformatione natis, ut libri canonici agniti sunt.