Argentum

E Vicipaedia
Salire ad: navigationem, quaerere
Patella argentea cum Minerva dea, ex Thesauro Hildesiensi, saeculo primo facto et prope Hildesiam anno 1868 invento

Argentum est elementum chemicum cui sunt signum chemicum Ag (ex radice Indo-Europaea *arg- 'canus, fulgens') et numerus atomicus 47. Id est inlustre metallum transitionis, molle et album, quod maximam omnium elementorum conductivitatem electricam et maximam omnium metallorum conductivitatem thermalem habet. Naturá fit in statu puro liberoque (ut argentum nativum), ut ligatio metallica cum auro aliisque metallis, et in mineralibus sicut argentites et chlorargyrites. Plurimum argenti ex purgatione auri, cupri, plumbi, zinci nascitur.

Later argenti 1000 unciarum (~30 kg).

Argentum metallum pretiosum diu aestimatur, et ad efficienda ornamenta, gemmas, utensilia sumptuosa (ergo nomen argentum pro vasis cenandi), et nummos adhibetur. Metallum argenteum hodie in contactibus et conductoribus electricis, speculis, et catalysi reactionum chemicarum adhibetur. Eius composita in pellicula photographica adhibentur, et dilutae nitrati argenti solutiones et alia composita argenti ut disinfectants? et microbiocida adhibentur. Cum autem antibioticae in eius locum pro multis in medicina usibus antimicrobialibus substitutae sunt, investigationes in potentiales clinicas persistunt.

Signum lunatum, quo post tempora antiqua argentum indicatur.

Cum argentum in aere oxygenico exponitur res aeruginis similis in superficie metalli apparet. Densitas est 10.53 g/cm³.

Proprietates[recensere | fontem recensere]

Argentum est ductile et malleabile (auro aliquantulum durius) metallum rei nummariae monovalens, clarissime albo nitore metallico praeditum, quod maiorem poliendi gradum accipere potest. Ei est maxima omnium metallorum conductivitas electrica, altior etiam cupro, sed pro usu generali in loco cupri pro rationibus electricis id est nimius carum. Contra hoc, 13,540 tonnae in electromagnetibus ad locupletandum uranium per secundum bellum mundanum (praecipue ob bellicam cupri egestatem) adhibebantur.[1][2][3] Exceptio huic fit in ingeniaria frequentiarum radiophonicarum, praecipue in frequentiis VHF? et altioribus, ubi argento inductio late adhibetur.

Vide etiam[recensere | fontem recensere]

Argentum nativum

Notae[recensere | fontem recensere]

  1. Nichols, Kenneth D. (1987). The Road to Trinity. Morrow, New York: Morrow. p. 42. ISBN 068806910X .
  2. "Eastman at Oak Ridge – Dr. Howard Young" .
  3. Oman, H. (1992). "Not invented here? Check your history". Aerospace and Electronic Systems Magazine 7 (1): 51–53 .

Nexus externi[recensere | fontem recensere]

Commons-logo.svg Vicimedia Communia plura habent quae ad Argentum spectant.
Wiktionary-ico-de.png Vide Argentum in Victionario.


stipula Haec stipula ad chemiam spectat. Amplifica, si potes!

Mille Paginae.png


Roman numeral 10000 CC DD.svg