Guido Westerwelle

E Vicipaedia
Salire ad: navigationem, quaerere
Guido Westerwelle anno 2009

Guido Westerwelle (natus 27 Decembris 1961 Hunaphae) vir publicus Germaniae et sodalis Factionis Democraticae Liberalis Germaniae (FDP) est.

Familia et Munus[recensere | fontem recensere]

Parentes Guidonis iurisconsulti fuerunt. Et ipse, postquam maturitatem Bonnae anno 1980 adeptus est, eodem loco iurisprudentiae studebat et anno 1987 primam et 1991 secundam probationem accepit. Anno 1994 ab universitate Hagen doctor iurisprudentiae promotus est. Ab anno 1991 iurisconsultus laborat.

Cursus honorum[recensere | fontem recensere]

Westerwelle iam ab anno 1990 sodalis FDP est, annis 1983 - 1988 praeses iuvenum liberalium fuit. Annis 1994 ad usque 2001 secretarius generalis FDP factionem rexit. Ab anno 1996 etiam legatus Dietae Foederalis factus est, cum alius legatus suae factionis Dietam reliquit. 4 Maii 2001 denique successor Wolfgangi Gerhardt praeses factionis FDP electus est, quem honorem etiam post victoriam in electione Dietae Foederalis 27 Septembris 2009 accepit: 29 Septembris omnibus votis reelectus est. Annis 2006 - 2009 etiam praeses fractionis FDP in parlamento Theodisco erat. Anno 2011 autem factio eius FDP clades acerrimas apud electiones senatuum terrarum accepit: Cum et in Badenia-Virtembergia et in Rhenania-Palatinato FDP plurima suffragia amisit, Westerwelle 3 Aprilis a magistratu praesidis FDP se recepit. Administer rerum exterarum mansit, cum praeses FDP voluntate factionem regentium 13 Maii 2011 Philippus Rösler factus est[1]. Rösler die 18 Maii et vicarius cancellarius nominatus est. Westerwelle cum omnibus sodalibus FDP mandatum ad Dietam Foederalem amisit, quod factio minus quam 5 per centum suffragiorum acceperat.

Consilia[recensere | fontem recensere]

Electione anni 2002 XVIII per centum suffragiorum accipere conabatur, cum neve CDU/CSU neve SPD factioni foedus proposuit. Sed non plus quam 7,2 per centum adeptus est. Electione anni 2005 plus quam VIII per centum adeptus dux factionum adversarum factus est, cum SPD et CDU/CSU foedus ad regendam Germaniam facerent. Anno 2009 autem FDP factio Westerwelle suadente CDU foedus proposuit et XV per centum accepit electione Dietae Foederalis. Die 17 Decembris 2013 Franciscus Gualterus Steinmeier (SPD) successor administer exterarum rerum nominatus est.

Opera[recensere | fontem recensere]

Nexus externi[recensere | fontem recensere]

Commons-logo.svg Vicimedia Communia plura habent quae ad Guido Westerwelle spectant.

Notae[recensere | fontem recensere]