Reinholdus Maier

Reinholdus Maier in pittacio epistulari, quod anno 1989 centesimum diem natalem eius celebravit

Reinholdus (vulgo: Reinhold) Maier (natus 16 Octobris 1889 Schorndorf, mortuus 19 Augusti 1971 Stuttgardiae) vir publicus Germaniae et sodalis primo factionis DDP, postea FDP fuit.

Iuventus et munus [recensere]

Scholam Stuttgardiae anno 1907 finitam Maier Gratianopolis et Tubingae iurisprudentiae studebat. Annis 1914 - 1918 miles Bello Orbis Terrarum I certavit. Tum ab anno 1920 iurisconsultus laboravit.

Maier anno 1924 sodalis DDP factus est. Anno 1930 administer Virtembergiae oeconomiae electus est, anno 1932 legatus Dietae Imperii electus est. Sed postquam Nazistae rerum potiti sunt, Maier hunc honorem amisit. Anno 1945 Factionem Democraticam Popularem (DVP) condidit. 14 Septembris 1945 Americani, qui hanc partem Germaniae occupaverant, eum praesidem ministrorum Virtembergiae Badeniae fecerunt. Quem magistratum ad 25 Aprilis 1952 tenuit, cum Virtembergia-Badenia cum Virtembergia-Zolnero et Badenia Australi coniuncta novam terram foederalem Badeniam-Virtembergiam constituerunt. Huius terrae primus praeses ministrorum electus est. Sed 7 Octobris 1953 Maier a magistratu recessit, cum CDU electione Dietae Foederalis Germaniae in Badenia-Virtembergia maiorem partem suffragiorum adepta est. Successor eius Gebhardus Müller (CDU) electus est. Annis 1953 - 1956 et 1957 - 1959 Maier legatus dietae foederalis fuit. Praeterea annis 1957 - 1960 praeses erat factionis FDP.