Bernhardus Dernburg

E Vicipaedia
Salire ad: navigationem, quaerere
Bernhardus Dernburg anno 1931

Bernhardus (Ernst) Dernburg (natus 17 Iulii 1865 Darmstadii, mortuus 14 Octobris 1937 Berolini argentarius Theodiscus et vir publicus factionis DDP fuit.

Iuventus et munus[recensere | fontem recensere]

Pater eius diurnarius et vir publicus origine Iudaica Fridericus Dernburg fuit. Ipse gymnasium frequentabat, sed maturitatem non adeptus est. Militia finita Novi Eboraci annis 1888/1889 tirocinium mercatoris fecit. Deinde director societatis fiduciae Berolini, ab anno 1901 argentariae commercii et industriae fuit.

Cursus honorum[recensere | fontem recensere]

Anno 1906 rector sectionis coloniarum in magistratu rerum exterarum, ab anno 1907 ad 1910 secretarius imperii coloniarum fuit. Ante primum bellum mundanum saepe in civitates diversas itinera fecit, ut e.g. CFA, Sinas atque Iaponiam. Et colonias Germaniae in Africa saepe visitatbat. Praeterea ab anno 1906 ad 1910 legatus Borussiae ad consilium foederale fuit et ab anno 1913 legatus domus dominorum Borussiae. 19 Ianuarii 1919 Dernburg, qui interim sodalis DDP factus est, legatus Consilii Formae Civitatis Constituendae electus et 17 Aprilis 1919 Administer Imperii Aerarii Publici in consilio ministrorum Scheidemann nominatus est. 20 Iunii cum aliis administris ab officio se recessit. Anno 1920 legatus Dietae Imperii Germanici electus est et ad annum 1930 mansit.

Nexus externi[recensere | fontem recensere]