Thomas de Maizière

E Vicipaedia
Salire ad: navigationem, quaerere
Thomas de Maizière anno 2007

Thomas de Maizière (natus 21 Januarii 1954 Bonnae) est vir publicus Germaniae et sodalis Christianae Democraticae Unionis Germaniae (CDU).

Familia[recensere | fontem recensere]

Familia eius olim e Francia fugiebat, quod Huguenoti fuerunt. Multi propinqui Thomasii ad honores summos lati sunt. Inter hos sunt Ulricus de Maizière, qui in Germania Occidentali inspector generalis exercitus fuit et Lotharius de Maizière, qui ultimus primus minister Rei publicae Democraticae Germanicae erat. Ipse Thomas uxorem duxit atque tres liberos habet.

Munus[recensere | fontem recensere]

Post scholam anno 1972, Bonnae finitam de Maizière militavit et tum Monasterii et Friburgi iurisprudentiae studebat. Anno 1979 primam, 1982 secundam probationem accepit. Annis 19821985 magistros civium regentes Berolini Ricardum de Weizsaecker et Eberhardum Diepgen adiuvit et tum Doctor iurisprudentiae promotus est. Annis 19851989 in cancellaria senatus Berolini laboravit, et anno 1990 officium praesidis ministrorum Rei publica Democraticae Germanicae exstruxit. Tum autem consobrinus eius Lotharius de Maizière fuit praeses ministrorum.

Cursus honorum[recensere | fontem recensere]

De Maizière ab anno 1972 sodalis CDU est. Anno 1990, consobrino suo Angelam Merkel, quae postea cancellaria Germanica facta est, commendavit. Novembre eius anni de Maizière secretarius civitatis in administerio cultus Megapolis et Pomeraniae Citerioris nominatus est, tum cancellariam civitatis sub praeside ministrorum Bernhardo Seite duxit. Anno 1998, cum CDU electionem senatus terrae perdidisset, de Maizière dimissus est, sed iam anno 1999 cancellariae civitatis Saxoniae praefuit et 2001 administer Saxoniae aerarii publici, anno 2002 iustitiae, 2004 rerum internarum factus est. Die 22 Novembris 2005, Angela Merkel eum Administrum Foederalem Officiorum Praecipuorum et praepositum officii cancellarii fecit. Comitiis anni 2009 confectis, nunc Administer Foederalis Rerum Internarum est. Praeterea, legatus Dietae Foederalis electus est. 3 Martii 2011 de Maiziere novus Administer Foederalis Defensionis Publicae successor Caroli Theodori zu Guttenberg nominatus est. Novus administer internarum rerum Ioannes-Petrus Friedrich (CSU) est[1]. Etiam anno 2013 legatus ad parlamentum Germaniae electus est[2]. In novo consilio ministrorum Merkel de Maizière iterum administer rerum internarum factus est[3].

Nexus externi[recensere | fontem recensere]

Commons-logo.svg Vicimedia Communia plura habent quae ad Thomas de Maizière spectant.

Notae[recensere | fontem recensere]