Georgius Möllemann

E Vicipaedia
Salire ad: navigationem, quaerere
Georgius Möllemann anno 2002

Georgius (vulgo: Jürgen) Möllemann (natus 15 Iulii 1945 Augustae Vindelicorum, mortuus 5 Iunii 2003 apud oppidum Marl) vir publicus Germaniae et sodalis Factionis Democraticae Liberalis Germaniae (FDP) erat.

Iuventus et Munus[recensere | fontem recensere]

Möllemann Rheniburgi anno 1965 maturitatem adeptus est et tum miles deciduus militavit. Deinde Monasterii litteris Theodiscis, historiae, exercitationi corporis studebat, ut magister scholae primariae fieret. Anno 1969 primam, 1971 secundam probationem accepit et tum et magister laboravit.

Familia[recensere | fontem recensere]

Möllemann bis maritus erat, ex uxore prima unam, e secunda duas filias habuit.

Cursus honorum[recensere | fontem recensere]

Möllemann annis 1962 - 1969 sodalis CDU fuit. Ab anno 1970 adusque 17 Martii 2003, cum factionem reliquit, sodalis FDP erat. Annis 1972 ad usque 2000 et 2002 ad usque mortem legatus Dietae Foederalis Germaniae erat. Anno 1982 administer statalis in Administerio reum exterarum, quod Ioannes-Theodericus Genscher (FDP) duxit, nominatus est. Anno 1987 Administer Foederalis Eruditionis et Scientiae factus et 18 Ianuarii 1991 Administer Foederalis Oeconomiae nominatus est. Postquam Genscher administer a magistratu se recessit, etiam vicarius Helimuti Kohl (CDU) cancellarii foederalis nominatus est. 21 Ianuarii 1993 Möllemann propter accusationes consilium ministrorum relinquere coactus est: Nam Administer praeconium inventionis consobrini sui edixerat. Annis 1993/1994 et 1996 - 2002 praeses suae factionis Rhenaniae Septentrionalis-Vestfaliae erat. Annis 2000 - 2003 etiam legatus senatus huius terrae erat.

Consilia[recensere | fontem recensere]

Möllemann saepe controversias movebat, cum Arabis valde favebat et Israel reprehendebat. Itaque erant, qui dicerent Möllemann clam esse neonazistam. Itaque sodales factionis FDP eum acriter vituperaverunt atque Möllemann anno 2003 factionem reliquit.

Mors[recensere | fontem recensere]

Möllemann brevi tempore post accusatus est, quod arma contra legem exportavisset. 5 Iunii 2003 Möllemann, qui saepe umbrella descensoria utebatur, apud Marl iterum e Aëroplano saltavit: Sed hoc tempore umbrella descensoria se non aperuit. De morte eius sensus diversi sunt. Cum alii casum fuisse putant, multi de morte voluntaria disputaverunt.

Nexus Externi[recensere | fontem recensere]