Psalmus 24

E Vicipaedia
Jump to navigation Jump to search
Psalmus 24 Hebraice recitatus
"Hoch tut euch auf", psalmus 24 Germanice redditus et a Friderico Nietzsche ad musicam accommodatam

Psalmus 24 (enumeratione Graeca psalmus 23 dictus) libri Psalmorum incipit superscriptione "David. PSALMUS." et verbis "Domini est terra" (sic in Nova Vulgata). Hic psalmus introitum in Templum Hierosolymitanum tractat.

Iohannes Calvinus, theologiae Reformationis fautor, sic argumentum psalmi descripsit:

Quum Deus totum humanum genus condiderit, et imperio suo contineat, gratiam qua electum populum dignatus est, hac comparatione amplificat David: nempe quod Sanctuarium instar domicilii erexit, ut habitaret inter filios Abrahae: simulque ostendit, quanvis Iudaeis omnibus expositum esset Sanctuarium, non tamen quibuslibet Deum propinquum esse, sed veris tantum pietatis cultoribus qui se a mundi sordibus purgarunt, ut sanctitati et iustitiae se addicerent. Porro quia extructo templo, luculentus apparuit Dei gratia, eam splendido elogio commendat, quo alacrius fideles in eius colendi studio proficiant.[1]

Verba psalmi[recensere | fontem recensere]

Haec sunt verba psalmi 24 (23) ex versione vulgata Clementina:

1 Prima sabbati. Psalmus David.
Domini est terra, et plenitudo eius;
orbis terrarum, et universi qui habitant in eo.
2 Quia ipse super maria fundavit eum,
et super flumina praeparavit eum.
3 Quis ascendet in montem Domini?
aut quis stabit in loco sancto eius?
4 Innocens manibus et mundo corde,
qui non accepit in vano animam suam,
nec iuravit in dolo proximo suo:
5 hic accipiet benedictionem a Domino,
et misericordiam a Deo salutari suo.
6 Haec est generatio quaerentium eum,
quaerentium faciem Dei Iacob.
7 Attollite portas, principes, vestras,
et elevamini, portae aeternales,
et introibit rex gloriae.
8 Quis est iste rex gloriae?
Dominus fortis et potens,
Dominus potens in praelio.
9 Attollite portas, principes, vestras,
et elevamini, portae aeternales,
et introibit rex gloriae.
10 Quis est iste rex gloriae?
Dominus virtutum ipse est rex gloriae.

Notae[recensere | fontem recensere]

  1. In librum Psalmorum, Iohannis Calvini commentarius (Oliva Roberti Stephani, 1557), argumentum Psalmi XXIIII, p. 106.

Nexus externi[recensere | fontem recensere]

Wikisource-logo.svg Vide Psalmum 23 apud Vicifontem.
Commons-logo.svg Vicimedia Communia plura habent quae ad Psalmum 24 spectant.
Liber Psalmorum — תהילים
Psalmi Bibliorum Hebraicorum123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150
Apocrypha vel Deuterocanonica151152–155Psalmi Salomonis
VocabulaPsalteriumHallelAlleluiaPsalmi paenitentialesSelahCanticum ascensionum
Versiones in VicifonteTehilim (Hebraice)Septuaginta (Graece)Vulgata (Latine)
Sancti Haec stipula ad religionem spectat. Amplifica, si potes!