Psalmus 4

E Vicipaedia
Jump to navigation Jump to search
Versus 9 et 10 psalmi (aliter conversi) in domu Zetterlöf (Zetterlöfska huset) oppidi Suecici Kungälv: "In pace cubo et dormio, nam tu Iehovah solus securum me habitare facis"
Psalmus 4 Hebraice cantus

Psalmus qui Latine incipit "Cum invocarem, exaudivit me Deus iustitiae meae"[1] est ordine Bibliorum Hebraicorum libri psalmorum quartus. Superscriptio eius est "In finem, in carminibus. Psalmus David" vel "Magistro chori. Fidibus. Psalmus. David."

Iohannes Calvinus sic argumentum psalmi descripsit: "Postquam Deum initio precatus est David ut sibi opem ferat, statim sermonem ad hostes convertens, Dei promissione fretus tanquam victor triumphat. Itaque suo exemplo nos docet, quoties res adversae urgent, vel extremae angustiae premunt, meditandas esse promissiones Dei, quibus spes salutis ostenditur: ut hoc clypeo obiecto, omnes tentationum motus perrumpere liceat."[2]

Verba psalmi[recensere | fontem recensere]

Haec sunt verba psalmi quarti, ex versione vulgata Clementina:

1 In finem, in carminibus. Psalmus David.
2 Cum invocarem exaudivit me Deus iustitiae meae,
in tribulatione dilatasti mihi.
Miserere mei, et exaudi orationem meam.
3 Filii hominum, usquequo gravi corde?
ut quid diligitis vanitatem, et quaeritis mendacium?
4 Et scitote quoniam mirificavit Dominus sanctum suum;
Dominus exaudiet me cum clamavero ad eum.
5 Irascimini, et nolite peccare;
quae dicitis in cordibus vestris, in cubilibus vestris compungimini.
6 Sacrificate sacrificium iustitiae, et sperate in Domino.
Multi dicunt: Quis ostendit nobis bona?
7 Signatum est super nos lumen vultus tui, Domine:
dedisti laetitiam in corde meo.
8 A fructu frumenti, vini, et olei sui, multiplicati sunt.
9 In pace in idipsum dormiam, et requiescam;
10 quoniam tu, Domine, singulariter in spe constituisti me.

Notae[recensere | fontem recensere]

  1. Sic in Nova Vulgata. In versione iuxta Hebraicum "Invocante me exaudi me Deus iustitiae meae."
  2. In librum Psalmorum, Iohannis Calvini commentarius (Oliva Roberti Stephani, 1557), argumentum Psalmi IIII.

Nexus externi[recensere | fontem recensere]

Wikisource-logo.svg Vide Psalmum 4 apud Vicifontem.
Commons-logo.svg Vicimedia Communia plura habent quae ad Psalmum 4 spectant.
Liber Psalmorum — תהילים
Psalmi Bibliorum Hebraicorum123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150
Apocrypha vel Deuterocanonica151152–155Psalmi Salomonis
VocabulaPsalteriumHallelAlleluiaPsalmi paenitentialesSelahCanticum ascensionum
Versiones in VicifonteTehilim (Hebraice)Septuaginta (Graece)Vulgata (Latine)
Sancti Haec stipula ad religionem spectat. Amplifica, si potes!