Fridericus Ebert

E Vicipaedia
Salire ad: navigationem, quaerere
Fridericus Ebert
Friedrich Ebert
Fridericus Ebert
Natus 4 Februarii 1871
Heidelbergae
Obiit 28 Februarii 1925 (aetas 54)
Berolini

Fridericus (Theod. Friedrich) Ebert (Heidelbergae natus die 4 Februarii 1871 - Berolini obiit die 28 Februarii 1925) fuit vir publicus factionis socialisticae democraticae, ab anno 1913 praeses huius factionis, breviter cancellarius (olim Praeses Ministrorum Germanice Ministerpräsident appellatus) ac primus Praeses Rei Publicae Wimarii.

Iuventus et munus[recensere | fontem recensere]

Ebert quartus e sex liberis sutoris fuit, maiores matris agricolae fuerunt. Post scholam finitam Fridericus annis 1885 - 1888 tirocinium ephippiarii fecit. Quamquam probationem socii opificii non acceperat, annis 1888 - 1891 per Germaniam migravit, ut hoc munus funditus edisceret. Ab anno 1889 praeses foederis ephippiariorum fuit. Anno 1901 Bremam in urbem venit, ubi ad annum 1905 vixit, excepto anno 1893, cum in patriam Heidelbergam reversus, ut tabernam patris mortui susciperet, tempus breve ibi degeret. Mense Martio diurnarius actorum diurnorum factionis SPD Bremae factus est. Ab anno 1894 caupo tabernae laboravit. Ab anno 1900 secretarius opificum erat.

Familia[recensere | fontem recensere]

Anno 1894 Ebert uxorem duxit, e quo quattuor filios et unam filiam habuit. Quorum unus Fridericus Ebert ut pater vir publicus factus est.

Cursus honorum[recensere | fontem recensere]

Anno 1889 Ebert sodalis Factionis Socialisticae Opificum Germaniae factus est et brevi tempore inter rectores factionis Bremae electus est. Anno 1898 primum et frustra candidatus Dietae Imperii Germanici fuit. Sed ab anno 1900 primo legatus domus legatorum Urbis Hanseaticae Bremae electus est. Anno 1912 tandem legatus Dietae Imperii electus est. Anno 1913 Augusto Bebel mortuo praeses factionis SPD electus est. Ebert duce fractio anno 1914 pecuniam ad Bellum Orbis Terrarum I gerendum probavit. Mense Septembri 1918 Philippus Scheidemann primus sodalis (SPD) in consilium ministrorum Maximiliani de Baden intravit. Cum 9 Novembris 1918 monarchia caderet, de Baden eum ut successorem suum cancellarium imperii fecit. 10 Novembris autem Consilium legatorum populi conditum est, cuius legati factionum SPD et USPD erant. Ebert praeses consilii electus est. 29 Decembris USPD consilium propter controversias reliquit. 19 Ianuarii 1919 Ebert primo legatus ad Consilium Formae Civitatis Constituendae et paulo post 11 Februarii praeses novae rei publicae electus est. Hunc magistratum ad mortem 1925 obtinuit.

Nexus externi (Germanice)[recensere | fontem recensere]

Commons-logo.svg Vicimedia Communia plura habent quae ad Fredricum Ebert spectant.


David's face Haec stipula ad biographiam spectat. Amplifica, si potes!