Nationalistica Socialisticaque Operariorum Factio Germanica
.png)
Nationalistica Socialisticaque Operariorum Factio Germanica (Theodisce: Nationalsozialistische Deutsche Arbeiterpartei, litteris compendiariis NSDAP), etiam breviter Factio Nazistica, fuit factio politica quae Germaniam per duodecim annos (1933–1945) rexit. Dux factionis fuit Adolfus Hitler, qui, Poloniam oppugnando, Bellum Orbis Terrarum II incepit.
Constat factionis actores horrenda scelera contra iura humana perpetrare, praecipue Holocaustum Iudaeorum. Ideologia Nazistica hodie Nazismus sive Socialismus Nationalis vocatur.
Sodales factionis seipsos Socialistas Nationalistas appellaverunt; sed brevius et contemptim ab aliis Nazi appellati sunt.
Index |
Germanica Operariorum Factio [recensere]
Germanica Operariorum Factio prima condita est ab Antonio Drexler die 5 Ianuarii 1919.
Placita factionis Nazisticae Germanicae [recensere]
Placita factionis in programmate quod viginti quinque postulationes continebat descripta et anno 1920 Monaci proclamata sunt:
- quae ad res sociales attinent: statuere cautionem socialem, cautionem pro inopia operarum, universalia emerita pro senectute, auxilium oeconomicum ad societates commerciales parvas, auxilium ut classis media magnopere augeatur, stipendia pro studentibus sine respectu classium eorum socialium, communicationem lucrorum societatum industrialium cum civitate
- quae ad nationalismum: pan-Germanismus, postulatio novarum terrarum pro expansione populi Germanici (Lebensraum, coloniae), abrogatio foederum sancitorum Versaliis et Saint-Germain-en-Laye, creatio exercitus nationalis
- quae ad phyletismum: anti-semitismus, Christianitas positiva, oppositio ad immigrantes, eugenica
- quae ad dictaturam: censura periodicorum, librorum, et radiophoniae, anti-parlamentarismus, anti-individualismus, supplicium pro fenore iniquo, omnium proprietatum et vitarum publicatio ad utilitatem publicam, anti-liberalismus politicus et oeconomicus [1][2][3]
25 postulationes factionis [recensere]
3. Postulamus terras et agros (colonias) ad populum alendum et ad collocandos illos populares qui in Germania supersunt.
4. Civis esse non potest nisi sodalis popularis. Sodalis popularis esse non potest nisi qui est sanguinis Germanicae nulla ratione habita confessionis religiosae. Nullus Iudaeus ergo potest esse sodalis popularis.
5. Qui non est civis vivere non debet in Germania nisi ut hospes ex lege aliena.
6. Ius regnum et rei publicae leges determinandi nemini liceat nisi civi. Ergo postulamus neminem nisi civem quocumque publico munere sive regni sive regionis sive municipii fungi debere. Pugnamus in venale parlamentum factionesque et adsectatores qui suae partis studiosi munera decernunt obliti vel ingenii vel facultatis petentium.
7. Postulamus ut administratio publica obligetur ut curetur ut in primis cives et lucrum facere et vivere possent. Si populus omnis ali non potest illi qui ad alienas nationes pertinent (qui non sunt cives) ex regno iubendi sunt.
8. Qui non est Germanus ei immigratio vetanda est. Qui non sunt Germani et post 2 Augusti 1914 immigraverunt illico regnum relinquere cogantur.
11. Reditus nonnisi ope laboris vel operae sunt assequendi. Servitus feneratoria aboleatur.
19. Postulamus ut pro iure Romano quod servit materialistico legi mundi Germanicum ius commune substituatur.
De nomine sodalium [recensere]
Nomen Nationalista Socialista annis 1919-1944 re vera fuit sodalibus Nationalisticae Socialisticae Operariorum Factionis, sed detractores eos appellaverunt Nazi, ut nomen ioculare vel potius reprobosum. Nazi olim fuit nomen breve Ignatii et cognomen ioculare Germanorum apud homines Austriacos.
Vide etiam [recensere]
- Iosephus Goebbels
- Adolfus Hitler
- Iuventus Hitleriana
- Martinus Bormann
- Henricus Himmler
- Soa
- Holocaustum
- Antisemitismus
- Symbolismus Fascisticus
Nexus externus [recensere]
Notae [recensere]
- ↑ Hayek, Friedrich (1944). The Road to Serfdom. Routledge. ISBN 0-415-25389-6.
- ↑ Hoover, Calvin B. (March 1935). “The Paths of Economic Change: Contrasting Tendencies in the Modern World”, The American Economic Review, Vol. 25, No. 1, Supplement, Papers and Proceedings of the Forty-seventh Annual Meeting of the American Economic Association, pp.13–20.
- ↑ Morgan, Philip (2003). Fascism in Europe, 1919–1945. Routledge, p.168. ISBN 0-415-16942-9.
