Augustinus

*Sanctus Augustinus*
Sanctus Augustinus
	;
Episcopus et Doctor Ecclesiae Catholicae
Natus	13 Novembris 354, Tagaste (Algeria)
Mortuus	28 Augusti 430, Hippo Regius
Attributa	puer; turtur; graphium; concha: cor inflammatum sagittaque transfixum
Patronus	braciatores, typographi, lippus, theologi
Index Sanctorum

E Vicipaedia

Salire ad: navigationem, quaerere

Augustinus, vel Sanctus Augustinus, Doctor Ecclesiae et episcopus Hipponensis, natus est Aurelius Augustinus anno 354, filius Monicae (deinde Sanctae Monicae). Obiit 28 Augusti 430.

Fuit summus ex Patribus Latinis et inter summos omium saeculorum, cuius auctoritas tum in Christianitatem mediaevalem Occidentis dominata est, ubi unus ex quattuor Doctoribus Ecclesiae habebatur, tum potentissimum, praeter Biblia ipsa, impulsum Reformationi praebuit, quocirca hodiernis et Catholicis et Protestantibus maius subsidium manet.

[recensere] Vita

Augustinus natus est Tagastae (hodie Souk Ahras nuncupatum) in Africa Septentrionali Patricio, eo tempore pagano, et Monicae piae Christianae qui infantem eum catechumenum conscripsit quamvis baptizandum minime curavit. Dum educationem sequerebatur, et Tagastae, deinde apud Universitatem Carthaginensem, comprehensio fidei Christianae sane decrevit, sed in artibus litterarum et rhetoricae excellebat, quamvis linguam Graecam tamen nunquam didicit. Opera Ciceronis lecta succenderunt ei magnum philosophiae amorem per quem de Scripturis ecclesiae desperans ad Manichaeismum attractus est. Dum rhetoricam artem in Africa, dein apud Romam (383) ed Mediolanum (384) docebat, fidei quidem Manichaeae adhaesit, cuius tamen postulationes philosophicae ei minus minusque placebant.

Apud Mediolanum Christianus factus est, conversione eius et baptismate per continuam intercessionem matris Monicae et praedicationem Ambrosii, Mediolanensis episcopi, effecta. Ipse scripsit discrimen evenisse quando auditis verbis cantatiunculae puerorum puellarumque in strata ludentium, videlicet “Tolle, lege”, sustulit quidem legitque Biblia sacra, immo primam eorum paginam quae patuit, e capitulo 13 epistulae Pauli ad Romanos. Verba “ Nox præcessit, dies autem appropinquavit. Abiciamus ergo opera tenebrarum, et induamur arma lucis. Sicut in die honeste ambulemus: non in comessationibus, et ebrietatibus, non in cubilibus, et impudicitiis, non in contentione, et æmulatione: sed induamini Dominum Jesum Christum, et carnis curam ne feceritis in desideriis.” (Rom 13.12-14) ei persuaserunt ut modum vivendi mutaret.