Vandali
 |
Usores ignoti vel ignotae hanc paginam protectam hoc tempore recensere non possunt. Quaesumus ut emendationes in disputatione huius paginae proponas vel rationem propriam crees. |
Vandali (-orum, masc.) fuerunt gens antiqua Germanica, quae ex Bohemia ad regiones Romanas saeculo V migravit. Kalendis Ianuariis anni 407, ei cum Suevis et Alanis Rhenum transiverunt, quod fluvium glaciatum est. Gens Vandalorum est in dimidia divisa: Vandali Hasdingi et Vandali Silingi.
Index |
Vandali in Hispania
Gallia vastata, Vandali anno 409 ingressi sunt Hispaniam et praecipue Baeticam, quae deinde Vandalitia appellata est. Ibi, Hispaniam divisuerunt cum Suevis et Alanis anno 411. Hasdingi cum Suevis Gallaeciam acceperunt et Silingi, Baeticam. Silingi, Baeticam populaverunt per annos multos ad anno 426, cum Hispalem ceperunt.
Visigothi cum Romanis foederati Hispaniam ingressi sunt et contra Vandalos, Alanos et Suevos pugnaverunt inter annos 418 et 429.
Vandali in Africa
Si plus cognoscere vis, vide Regnum VandalorumAnno 429 ex Hispania migraverunt ad Africam, Visigothos fugentes, ubi regnum sibi fundaverunt. Africa expugnata et Romanis perdita in Italia inopia frumenti incepit. Antea Africa frumentum pro vectigali dare debebat. Nunc autem Vandali pretium pro frumento poscebant. Miseria oeconomica Italiae incepit et excidium Romae accelerabatur.[1]
Ab Carthagine, naves Vandalorum Mediterraneum et Italiam vastaverunt. Navibus Vandali ceperunt Siciliam, Sardiniam, Melittam et insulas Baleares. Tandem Vandali Romam ceperunt. Saeculo V, Vandali erant reges terrarum Mediterranearum.
Vandali gens Ariana erat, et Catholicos persecuti sunt. Ita, cum Theodorico Ostrogothorum Gesaleicum regem Visigothorum superavit, Visigothus ad Africam effugit, ubi cum auxilio Arianorum Hispaniam cepere conatus est.
Imperator Iustinianus I causa terrarum eorum capiendarum ducem Flavium Belisarium ad Africam anno 533 misit et Vandalos in bello Vandalico devicit.
Reges Vandalorum
| Nomen | Annus natalis | Initium Regni | Finem Regni | Mors |
|---|---|---|---|---|
| Godigisel | 359 | ?? | 406 | 406 |
| Gundericus | 379 | 406 | 428 | 428 |
| Geisericus | 389 ca | 428 | 477 | 25 Ianuarii 477 |
| Huniricus | 425 ca | 477 | 484 | 23 Decembris 484 |
| Gunthamundus | 450 ca | 484 | 496 | 496 |
| Trasamundus | 450 | 496 | 523 | 523 |
| Ildericus | 460 | 523 | 530 | 533 |
| Gelimerus | 480 | 530 | 534 | 553 |
Vide etiam
Notae
- ↑ Christopherus Wickham: The inheritance of Rome. A History of Europe form 400 to 1000. Penguin Books, London 2009, p78, ISBN=978-0-713-99429-2
