Gustavus Stresemann

E Vicipaedia
Salire ad: navigationem, quaerere
Gustavus Stresemann
Gustav Stresemann
Gustavus Stresemann
Gustavus Stresemann anno 1925. Archivum Foederale
Natus 10 Maii 1878
Berolini
Obiit 3 Octobris 1929
Berolini

Gustavus Stresemann ( Berolini natus die 10 Maii 1878 - ibidem repente obiit die 3 Octobris 1929 ) fuit vir publicus Factionis Theodiscae Popularis (DVP), breviter cancellarius Germaniae a die 13 Augusti 1923 usque ad diem 30 Novembris 1923 et postea usque ad repentinam mortem minister negotiorum externorum Rei Publicae Vimarii.

Iuventus et munus[recensere | fontem recensere]

Pater eius mercator cervisiae et caupoo Berolini fuit. Unus e octo liberis suorum parentum gymnasium frequentare potuit. Postquam anno 1897 maturitatem adeptus est, annis 1898 - 1901 Lipsiae primo litteris et historiae, postea Berolini oeconomiae studebat. Anno 1900 doctor oeconomiae promotus est. Annis 1901 - 1904 secretarius foederis industriae socolatae erat.

Familia[recensere | fontem recensere]

Gustavus Stresemann anno 1929 cum uxore et filio

Stresemann anno 1903 uxorem duxit et duos filios ex ea habuit, quorum unus Wolfgangus Stresemann compositor atque annis 1959 - 1978 et 1984 - 1986 praefectus Philharmonicorum Berolinensium erat.

Cursus honorum[recensere | fontem recensere]

Stresemann anno 1903 sodalis Factionis Nationalis Liberalis factus est. Anno 1906 decurio urbis Dresdae, anno 1907 iuvenissimus legatus Dietae Imperii Germanici electus est. Anno 1912 non iam reelectus iter studiorum in CFA et Canadam fecit. Anno 1914 iterum in Dietam suffectus usque ad mortem legatus parlamenti Theodisci mansit. Bello Orbis Terrarum I exorto Stresemann cnsuit, ut regiones magnas hostium ad Germaniam esse adiungendam. Anno 1917 Constitutionem monarchiae reformari dixit, ut populus et parlamentum plus valeret neque imperator cancellarium sua voluntate nominaret. Mense Novembri eius anni praeses legatorum suae factionis in Dieta Imperii electus est. Anno 1918 casum monarchiae et novam rem publicam repudiavit. Cum aliis novam factionem DVP condidit. 19 Ianuarii 1919 legatus Consilii Formae Civitatis Constituendae electus est. Anno 1920 Stresemann praeses legatorum huius factionis Dietae Imperii electus est. 13 Augusti 1923 ipse cancellarius et Administer Imperii Exterarum Rerum nominatus est et pugnam de Regione Rurana contra Franciam finivit. 30 Novembris 1923 a magistratu cancellarii se recessit, sed ad usque mortem Administer rerum exterarum mansit. Anno 1926 post conventum Locarni inter dominus civitates Europae Stresemann Praemium Nobelianum Pacis una cum Francico Aristide Briand abstulit.

Lege etiam[recensere | fontem recensere]

Nexus externi[recensere | fontem recensere]