Homophylophilia

E Vicipaedia
Salire ad: navigationem, quaerere
Padlock-black.svg
Haec pagina ad tempus protecta est ob maleficia perpetua. Quaesemus, emendationes suggere in pagina disputationis vel magistratum ad hanc deprotegendam pete.
Hyacinthus complexus ab amante suo Apolline, in pictura Mors Hyacinthi quam Jean Broc pinxit.

Homophylophilia est sui sexus vel generis amor vel mores romantici vel sexuales, res venerea masculina in masculos, aut mulier in mulieres appetentes. Hoc ingenium sexuale est "exemplar permanens vel inclinatio ad experiendam sexualem, adfectionalem, vel romanticam vim attrahendi," praecipue vel solum ex hominibus eiusdem sexús; notio "etiam ad hominis iudicium identitatis privatae socialisque in illis attractionibus conditum refert, in moribus quoque qui illos exprimant, et in societate communitatis aliorum qui illos communicent."[1][2]

Per aevos alii aliter rem definiverunt, sed Occidentali nostrae aetatis cultu civili non tantum ad ipsa acta erotica spectat, sed etiam igitur ad amantium sibi caritatem.

Alia vocabula[recensere | fontem recensere]

  • Homosexualis est vox quam Carolus-Maria Kertbeny anno 1869 pepigit, in libello qui leges contra acta venerea in suum sexum abrogandos esse consulebat, qui libellus non tantum verbum illud nobis dedit, sed etiam docuit homophylophiliam esse rem innatam, quae non tantum ad actus sed etiam ad indolem pertinet, quae notio illo tempore nova erat, hodie autem praevalet. Verbum autem homosexualis a nonnullis Latinistis evitandum esse habetur, cum quod radicem Graecam cum Latinis mixobarbare commiscit, tum quod secundum usum solitum linguarum classicarum significare debeat 'eiusdem sexus', sine ullo sensu venereo. Verbum autem nihilominus est frequentissimum, praesertim in conloquiis Latinis, eo quod paene intergentium linguis vernaculis sit.[3]
  • Lesbiana causa Sapphus saepe mulierum gynaecophilam significat. Frequens est lingua colloquiali, etiam Latina, cum antiquitus hunc sensum numquam praebuerit (alioquin, procul dubio, Catullus amasiam suam Lesbiam numquam dixisset!). Linguis vernaculis hoc verbum littera l minuscula scribitur, ne cum ipsis Lesbiis veris confusio sit. Olim, ex eodem pacto ac "lesbiana", viri androphili "spartiatae" dicebantur, sed hic usus obsoletus est.
  • Sodomita ex narratione biblica urbis Sodom saepe "pediconem" et inde "androphilum" significat. Ex hoc igitur, sodomia pro "coitu inter duo viros" adhibetur.
  • Pygista, vox Kertbeniana pro pedicone.
  • Androphilus (-a -um) et Gynaecophilus (-a -um) significant praedilictionem aut in mares aut in feminas, unde vir homosexualis "androphilus," mulier "gynaecophila" dici possunt. Haec autem verba in se non significant homosexualitatem: alterius sexus amatores sunt gynaecophili et androphilae.
  • Masculorum concubitor, in Bibliis Vulgatis,[4] locutionem Hebraicam vertens, homosexualem marem significat. Versione Graeca androcoetes.
  • Paederastes sensu stricto est qui rem veneream cum pueris habet, sed morum Graecorum causá, nonnumquam pro "viro androphilo" ponitur. A plurimis autem, nisi cultui civili Graeco consulto alluditur, iniuriosum habetur. Lingua tamen Francogallica "pédé" homosexualem sine iniuria significare solet.
  • Pathicus, cinaedus sunt verba classicissima, sed tantum masculum "passivum" (h.e., penetratum) significant. Cinaedus praesertim iniuriosum esse potest. Qui pedicet pedico dici potest,sed nonnumquam haec verba a Latinistis (cum fortasse perperam) pro "homosexuali mare" adhibentur.
  • Tribas (-dis) e contrario est mulier "activa" (h.e., penetrans), sed nonnumquam a Latinistis (cum fortasse perperam) pro "homosexuali femina" adhibetur.
  • Molles, in Bibliis Vulgatis,[4] est nomen masculorum qui passivi sint, sed designat etiam, per converionem simile termo ex linguá Anglicá, mares qui contra versum 22:5 Deuteronomii[5] in vestibus feminearum induantur.

Sociologia[recensere | fontem recensere]

Docti qui de homophylophilia disserent tria genera seu categorias esse dicunt:

  • Aequalis: duo amantes, aetate non referente. Praetera, amantes ambo solent mores sexus sui sequi. Ita plerique in cultu civili Occidentali nostrae aetatis.
  • Sexualis:[6] alter amans mares alter feminas partes agit. Ita fere apud Romanos, qui pathicos et tribades contemnere solebant, sed plerimque non eorum amantes. Similiter usque ad aetatem nostram fere circa Mare Mediterraneum et in Oriente Media, et India.
  • Aevalis: amantes non eiusdem aetatis sunt, saepissime alter adultus, alter adulescentulus. Ita apud Graecos antiquos, apud quos paederastia paene idem ac edicationem significabat. Similiter apud Sinas et Iapones (praesertim equites samurai).

In homophylophilia et sexuali et aevali, alter est "activus," alter "passivus." Inter mares, passivus saepe semen activi accipere debet, vel irrumatus vel pedicatus. Voluptas activi voluptati passivi praevalere saepe habetur, sed non semper est verum.

Nonnulli sociologi credunt quartum genus exstare, secundum ordinem civilem nempe, sed multi credunt hoc non ab aliis tribus distingui non posse.

Quocumque cultu civili homophylophiliae genus unum invalere solet, sed alia saepissime etiam simul exstant. Exempli gratia, complures Romani in se mores Graecos immitabantur, et ab alia parte, Alexander ipse Magnus qui Hellenismum per orbem disseminavit, amantem coaevalem praeferebat.

Antiquitas[recensere | fontem recensere]

Homophylophilia et Bisexualitas fuerunt communis et usitatus apud Graecos, Romanos, Amerindicos (praesertim in Mexicum, Brasilia et Civitatibus Foederatis Americae hodiernis), Melanesiensis, Polynesiensis, Iaponensis ac Asiaticarum ceteris populis. Ambo causa generatur ab biologicae in hominibus et in aliis animalibus, sic probabile est quandoquidem antiquitus in hominum culturam.

Cultus hodiernus[recensere | fontem recensere]

Searchtool.svg Si plus cognoscere vis, vide Homophylophilia et cultus

Inter cultus hodiernos, permultae opiniones sunt de homophylophilia. Cultus Abrahamici saepe eam peccatum vocant.

Leges de homophylophiliá[recensere | fontem recensere]

Persecutiones et poenae[recensere | fontem recensere]

Tempore medii aevi, extrema poena erat poena capitis, nempe sodomitici actus, absoluta est in Europa circa annum 1800, primo in Austria et Francia. In Bavaria anno 1813, omnes tales poenae absolutae sunt. Multis gubernationibus hoc tempore placuit poena incarcerationis.

Maxima persecutio fiebat in Germania annis 19331945 tempore regiminis factionis NSDAP. In Germania, haec leges reformabantur circa annum 1970, et poenae finiebantur anno 1994, sicut in aliis terris Europaeanis.

In Europa hodierno tempore, poenae fiunt in casibus actuum sexualium cum pueris, alioquin non.

Matrimonium[recensere | fontem recensere]

'Uniones civiles'[recensere | fontem recensere]

Carta civitatum per leges de homophylophiliá

Gubernationes multarum civitatum leges, quae sunt in opinione multorum hominum contra sanctitatem nuptiarum et contra familiam a maioribus posteris traditam, approbaverunt, quae dant populis homophylophilibus qui (falso in opinione contradictorum, sed non in opinione defensorum) declaraverunt se nupserint civiles conservatas in nuptiis.

Disputatio: contra sanctitatem nuptiarum[recensere | fontem recensere]

In exclusione violationis sanctitatis nuptiarum hae relationes societatem possunt per perversionem filiorum societatis per adoptionem, et per indictionem argenti super eam damnare. Etiam multi credunt has relationes aperire societatem ad nuptias inter homines et pecora.

Defensiones[recensere | fontem recensere]

Defensores unionum civilium declarant istas leges esse necessarias, et facere securitatem communis vitae duorum masculorum vel duarum feminarum.

Ubi eiusmodi nuptiae legibus approbantur?[recensere | fontem recensere]

Index nationum ubi vir viro, mulier mulieri nubere potest: Andorra, Argentina, Brasilia, Britanniarum Regnum, Civitates Foederatae Americae (solum in certis civitatibus), Croatia, Dania, Finnia, Francia, Germania, Helvetia, Hispania (ubi matrimonium est), Islandia, Israel, Lusitania, Luxemburgum, Norvegia, Nova Zelandia, Slovenia, Suecia, et Tzekia.

Contra discriminationem[recensere | fontem recensere]

Conventus Parlamenti Consilii Europae die 23 Martii 2010 in scripto "Discriminatio pro propensione sexuali atque identitate generis"[7] affirmavit contra praeiudicium quae homophylophiliam non moralem cogitat ut "dogma religiosa subiectiva quae in societatis democraticae causa ad circumscriptionem iurum altrorum facere non potest, atque ut legitima nuptiae admittendae eosdem sexus malam non facit coniugiis inter altos sexus nec pueribus. Etiam Thomas Hammarberg scriptum "Discriminatio propensionis sexualis et identitatis generis causa in Europa" anno 2011 fecit.[8]

Matrimonia Romana[recensere | fontem recensere]

Searchtool.svg Si plus cognoscere vis, vide Nuptiae Romanae inter duos viros celebratae

Eiusmodi matrimonia Romae inlicita - sed matrominium per se fuit iuris privati, non publici - imperatorum quidam pessimus vel pessimi viris nupsit vel nupserunt. Cornelius Tacitus sic nuptias Neronis descripsit:

Ipse per licita atque inlicita foedatus, nihil flagitii reliquerat quo corruptior ageret, nisi paucos post dies uni ex illo contaminatorum grege (nomen Pythagorae fuit) in modum sollemnium coniugiorum denupsisset. Inditum imperatori flammeum, visi auspices, dos et genialis torus et faces nuptiales, cuncta denique spectata quae etiam in femina nox operit."
(Annales, XV, 37)

Festive et eleganter Martialis:

Barbatus rigido nupsit Callistratus Afro
hac qua lege viro nubere virgo solet.
Praeluxere faces, velarunt flammea vultus,
nec tua defuerunt verba, Talasse, tibi.
Dos etiam dicta est. Nondum tibi, Roma, videtur
hoc satis? Exspectas numquid ut et pariat?
Martialis, XII, 42)

Notae[recensere | fontem recensere]

  1. "Sexual Orientation, Homosexuality,and Bisexuality", APAHelpCenter.org .
  2. "Case No. S147999 in the Supreme Court of the State of California, In re Marriage Cases Judicial Council Coordination Proceeding No. 4365(. . .) - APA California Amicus Brief - As Filed" (PDF) 
  3. Exempli gratia, in catechismo Catholico adhibetur: "Homosexualitas relationes designat inter viros vel mulieres qui sexualem experiuntur allectationem exclusive vel praevalenter erga eiusdem sexus personas."—Catechismus Catholicae Ecclesiae, 6.2, §2358.[1]
  4. 4.0 4.1 1 Cor 6:10 et 1 Tim 1:10.
  5. "Non induetur mulier veste virili, nec vir utetur veste feminea : abominabilis enim apud Deum est qui facit haec" (Deuteronomii 22:5).
  6. Nota bene sexualem non idem esse ac venereum: spectat ad sexus marem et feminum
  7. Discriminatio pro propensione sexuali atque identitate generis.
  8. Discriminatio propensionis sexualis et identitatis generis causa in Europa (Consilium Europae)

Vide etiam[recensere | fontem recensere]

Nexus externi[recensere | fontem recensere]

Bibliographia[recensere | fontem recensere]

  • Aldrich, Robert, et Garry Wotherspoon. 2002. Who’s Who in Contemporary Gay and Lesbian History: From World War II to the Present Day. 2a editio. Londinii: Routledge.
  • Bergonzi, Bernardus. 1977. Gerard Manley Hopkins. Novum Eboracum: Collier.
  • Boswell, John. 1980. Christianity, Social Tolerance, and Homosexuality: Gay People in Western Europe from the Beginning of the Christian Era to the Fourteenth Century. Sicagi: University of Chicago Press. ISBN 0-226-06710-6. Editio chartā ligata: mense Novembre 2005, ISBN 0-226-06711-4.
  • Cawthorne, Nigel. 2004. Sex Lives of the Popes. 2a editio. Londinii: Prion.
  • Dall’Orto, Giovanni. 1990. “Della Casa, Giovanni." In Encyclopedia of Homosexuality, a Wayne R. Dynes edita, volumine 1, pagina 306. Novi Eboraci: Garland Publishing.
  • Davidson, James. 2007. Also Seen: The Greeks and Greek Love: A Radical Reappraisal of Homosexuality in Ancient Greece. Londini: Weidenfeld and Nicolson. ISBN 0-297-81997-6.
  • Dynes, Wayne R. 1990. "Papacy." In Encyclopedia of Homosexuality, a Wayne R. Dynes edita, volumine 2, paginis 943–944. Novi Eboraci: Garland Publishing.
  • Kelly, J. N. D., ed. 1988. The Oxford Dictionary of Popes. Novi Eboraci: Oxford University Press.

Knobel, Paul. Encyclopedia of Male Homosexual Poetry and its Recaption History (2005) Surveys gay Latin poetry to 1927.

  • Wallace, William E. 2000. Michelangelo: The Complete Painting, Sculpture, Architecture.

Nexus externi[recensere | fontem recensere]