Elizabeth II (regina Britanniarum)

E Vicipaedia
Salire ad: navigationem, quaerere
Elizabeth II, quae itinera continenter facit ad cives incidendos, hic opifices NASA GSFC die 8 Maii 2007 salutat.

Elizabeth II (Elizabeth Alexandra Maria Windsor, nata in Mayfair iuxta Londinium die 21 Aprilis 1926) est monarcha constitutionalis sedecim civitatum suorum iurum regnorum Consortionis Populorum appellatarum, caput Consortionis Populorum, atque caput civitatis Provinciarum Coronae Britannicae.[1][2] Ad regnum anno 1952 accedens, facta est Consortionis Populorum Princeps et regina regnans septem liberarum Consortionis Populorum civitatum: Britanniarum Regni, Canadae, Australiae, Novae Zelandiae, Unionis Africae Australis, Dominionis Pakistaniae, et Dominionis Taprobanes. Inter 1956 et 1992 numerus suorum regnorum variabatur cum territoria libertatem capesserent et quaedam regna reipublicae facta essent. Hodie, cum civitatibus quattuor supradictis, Elizabeth est Regina Iamaicae, Barbatae, Insularum Bahamensium, Granatae, Papuae Novae Guineae, Insularum Salomonis, Tuvalu, Sanctae Luciae, Sancti Vincentii et Granatinarum, Belizae, Antiquae et Barbudae, et Sancti Christophori et Nevis. Suum regnum, annorum 61 ad praesens, est secundum a regno monarchae Britannici longissime regnanti; solum Regina Victoria diutius regnavit. Sui festi dies adamantini anno 2012 celebrantur.

Elizabeth, Londinii nata, domi secreto educata est. Pater regnum excepit Georgius VI anno 1936, Eduardo VIII fratre se regno abdicante. Ea ad rempublicam per Bellum Orbis Terrarum II accessit, cum in Auxiliary Territorial Service? mereret. Anno 1947, Principi Philippo, Duci Edinburgi, nupsit, cui quattuor liberos peperit: Carolum, Annam, Andream, Eduardum. Suus ritus impositionis diadematis anno 1953 factus est, primus televisione emissus.

Inter suas multas salutationes historicas et congressiones sunt salutatio civitatis ad Rempublicam Hibernicam salutationesque mutuae ad et a tribus papis Catholicis Romanis. Intra Regnum Britanniarum, ea maiores observavit mutationes constitutionales, inter quas Conventus Nationalis Cambriae apertus et Parlamentum Scoticum apertum.[3] Inter tempora sibi magni momenti fuerunt ortus et nuptiae liberorum, ortus nepotum et neptium, inauguratio Principis Walliae, et celebratio festorum dierum argenteorum et festorum dierum aureorum annis 1977 et 2002 habitorum.

Maiores vitae reginae res gestae societatem comprehendunt Regni Britanniarum et Consortionis Populorum in nonnullis bellis, inter quae Tumultus in Hibernia Septentrionali, Bellum Coreanum, Bellum Falklandense, atque bella cum Iraquia et Afgania.[4] Fuerunt tempora magni doloris proprii, inter quae praematurus patris obitus; caedes Domini Mountbatten, patrui Principis Philippi; dissolutio matrimoniorum liberorum 1992 (anno quem ipsa Latine annum horribilem appellavit); mors anno 1997 nurus Dianae, Principissae Cambriae; mortesque matris et sororis anno 2002. Ea iniquum familiae regalis iudicium ex prelo humili aliquando accepit, etiam adeo opiniones respublicanas, ambo in Britanniarum Regno et in aliis civitatibus Consortionis Populorum, sed populi favorem continenter conservat.

Multis in linguis sunt sui tituli auctoritate proclamata; Latine sic dicuntur: Elizabeth II, Dei Gratia Britanniarum Omnium Regnorumque Suorum Ceterorum Regina, Consortionis Populorum Princeps, Fidei Defensor. Ea praeterea est praeses Ecclesiae Angliae.

Index

Vita [recensere]

Elizabeth as a thoughtful-looking toddler with curly, fair hair
Principissa Elizabeth, tres annos nata, 1929.

Elizabeth fuit progenies prima Principis Alberti, Ducis Eboraci (deinde Regis Georgii VI), et uxoris Elizabeth. Pater fuit alter Regis Georgii VI et Reginae Mariae filius, et mater fuit minima Claudii Bowes-Lyon, quarti decimi Comitis Strathmore et Kinghorne, nobilis Scotici, filia. Nata est sectione Caesareana hora 2:40 a.m. (GMT) die 21 Aprilis 1926 domi apud 17 Bruton Street, Mayfair.[5] Cosmo Lang, Archiepiscopus Eboraci Anglicanus, eam baptizavit in domestica Palatii Buckinghamensis cappella die 29 Maii.[6][1] Appellata est Elizabeth ex matre, Alexandra ex matre Georgii V (quae sex menses ante mortua erat), et Maria ex avia paterna.[7] Familiares eam Lilibet appellaverunt.[8] Georgius V neptem tam fovit ut, per aegritudinem periculosam anno 1929, eius salutationes constantes in diariis popularibus et deinde a biographis habebantur suos spiritus confirmavisse et recuperationem adiuvisse.[9]

Una cum Margarita sorore a praeceptoribus privatis educata est.

Anno 1936 cum patruus suus Eduardus VIII abdicaret, Elizabeth throni heres facta est. Inter Bellum Orbis Terrarum II Elizabeth in oppido Windsor vixit et ab anno 1944 Auxiliary Territorial Service auxilium dedit.

Patre Georgio VI die 6 Februarii 1952 mortuo, Elizabeth regina Londinii proclamata est, dum ea Keniam visitabat. Diadema ei impositum est die 2 Iunii 1953.

Iubilaeum adamantinum [recensere]

Adamantinum Elizabethae iubilaeum anno 2012 eam sexaginta annos reginam celebrat. Die olim initi a se imperii regina nuntiavit: "Hoc anno singulari, cum me denuo officio vestro dedico, spero fore, ut nobis omnibus consensus unitatisque potentia et convocans vis familiae, amicitiae, viciniae in memoriam reducatur. . . . Hoc anno iubilaeo etiam, ut spero, pro omnibus ab anno 1952 melioribus factis gratiae agentur, futura autem claro iudicio et corde calente exspectentur." [10]

Elizabetha una cum marito iter maximum per Britanniarum Regnum suscepit, cum liberi ac nepotes reginae nomine regna Consortionis Populorum visitarent. Die 4 Iunii, plurimis orbis terrarum locis, imprimis autem Londinii, dies sollemnes summum fastigium attingunt.

Familia [recensere]

Elizabetha die 20 Novembris 1947 Philippo Mountbatten nupsit (nato 10 Iunii 1921), Principi Graeciae, qui ad matrimonium honorandum Edimburgi dux creatus est. Quattuor liberos generaverunt:

Horum ex parte liberorum, octo nepotes Elizabethae Philippique sunt:

Arma gentilitia [recensere]

Die 21 Aprilis anno 1944, principissae Elizabethae arma gentilitia propria super scutum domicellae atque paris regni parallelogrammum, immo rhombum, indutum ab armis Britanniarum Regni componuntur, cum transversa scuti gentilitii taenia vel potius lambello inter pendentes argenteos tres dispertita inter quos is centralis Tudorum rosa una dum ii dexter siniterque Georgii crucem praebentur.[11] Postquam ad thronum accessit evidenter ipso facto lambellus ille desitus est pro armis Britanniarum Regni plenis.

  • Principissae Elizabethae arma gentilitia (1944–1947)

  • Principissae Elizabethae arma gentilitia, (Ducissa Edimburgi) (1947–1952)

  • Elizabethae II arma gentilitia in Britanniarum Regno (praeter Scotia)

  • Elizabethae II arma gentilitia in Scotia

Pelliculae [recensere]

Notae [recensere]

  1. ↑ Situs publicus administrationis Civitatum Guernsey, apud www.gov.gg.
  2. ↑ Situs publicus monarchiae Britannicae apud www.royal.gov.uk.
  3. ↑ The Queen's reign by decade: 1992-2001
  4. ↑ The Queen's reign by decade
  5. ↑ Bradford, p. 22; Brandreth, p. 103; Marr, p. 76; Pimlott, pp. 2–3; Lacey, pp. 75–76; Roberts, p. 74.
  6. ↑ Hoey, p. 40.
  7. ↑ Brandreth, p. 103
  8. ↑ Pimlott, p. 12.
  9. ↑ Lacey, p. 56; Nicolson, p. 433; Pimlott, pp. 14–16
  10. ↑ "The Queen's Diamond Jubilee message". Royal Household.
  11. ↑ "Heraldry Traditions". Locumtenens Gubernator Columbiae Britannicae. 2007 

Bibliographia [recensere]

Nexus externi [recensere]

Antecessor:
Georgius VI		 Regina Britanniarum
1952– praesentem		 Successor:
—

Receptum de "http://la.wikipedia.org/w/index.php?title=Elizabeth_II_(regina_Britanniarum)&oldid=2490038"