Elizabeth II (regina Britanniarum)
E Vicipaedia
Elizabeth II Regina (Elizabeth Alexandra Maria Windsor, nata 21 Aprilis 1926) est regina Britanniarum hodierna et terrarum quoque nonnullarum in orbe dispersarum.
Patre Georgio VI demortuo (6 Februarii 1952), proclamata est regina Londinii, dum Keniae visitationem iam faciebat. Coronata modo est unum post annum die 2 Iunii 1953.
Multis in linguis titula eius auctoritate proclamata sunt; Latina ita dicuntur— Elizabeth II, Dei Gratia Britanniarum Omnium Regnorumque Suorum Ceterorum Regina, Consortionis Populorum Princeps, Fidei Defensor. Praeterea est praeses Ecclesiae Angliae.
[recensere] Curriculum vitae
Elizabetha die 20 Novembris 1947 Philippo Mountbatten nupsit (natum 10 Iunii 1921), Principem Graeciae, et ad matrimonium honorandum Edimburgi ducem creatum. Quattuor liberos generaverunt:
- Carolum Philippum Arturum Georgium, Walliae Principem (natum 14 Novembris 1948), qui nuptias fecit (29 Iulii 1981) et divortium (28 Augusti) 1996 a Domina Diana Francisca Spencer (1961–1997); postea, 9 Aprilis 2005, in matrimonium duxit Camillam Parker-Bowles, natam Camillam Shand
- Annam Elizabeth Aliciam Ludovicam, Principem Regalem (natam 15 Augusti 1950), quae nupsit (14 Novembris 1973 et fecit divortium (28 Aprilis 1992) a Marco Antonio Petro Phillips; postea, 12 Decembris 1992, nupsit Timotheo Laurence
- Andream Albertum Christianum Eduardum, Eboraci Ducem (natum 19 Februarii 1960), qui nuptias fecit (23 Iulii 1986) et divortium (30 Maii 1996) a Sara Margareta Ferguson
- Eduardum Antonium Ricardum Ludovicum, Geuissarum Comitem (natum 10 Martii 1964), qui Sophiam Helenam Rhys-Jones in matrimonium duxit 19 Iunii 1999
Horum ex parte liberorum, octo nepotes Elisabethae Philippoque sunt:
- Petrus Marcus Andreas Phillips, natus 15 Novembris 1977, Annae principis filius
- Sara Anna Elizabeth Phillips, nata 15 Maii 1981, Annae principis filia
- Gulielmus Arthurus Philippus Ludovicus, natus 21 Iunii 1982, Caroli principis filius (secundus ordinis heredum regni)
- Henricus Carolus Albertus David, appellatus "Harry", natus 15 Septembris 1984, Caroli principis filius (tertius ordinis heredum regni)
- Beatrix Elizabeth Maria, nata 8 Augusti 1988, Andreae principis filia
- Eugenia Victoria Helena, nata 23 Martii 1990, Andreae principis filia
- Ludovica Alicia Elizabeth Maria, nata 8 Novembris 2003, Eduardi principis filia
- Iacobus Alexander Philippus Theo, natus 17 Decembris 2007, Eduardi principis filius, qui Vicecomes Severn appellatur
[recensere] Nexus externi
| Antecessor: Georgius VI |
Regina Britanniarum 1952– praesentem |
Successor: — |
 |
Haec stipula ad biographiam spectat. Amplifica, si potes! |
