Fridericus Schäffer

Latinitas bona
E Vicipaedia
Wikidata Fridericus Schäffer
Res apud Vicidata repertae:
Fridericus Schäffer: imago
Fridericus Schäffer: imago
Nativitas: 12 Maii 1888; Monacum
Obitus: 29 Martii 1967; Berchtesgaden
Patria: Germania

Fridericus (vulgo: Fritz) Schäffer (natus 12 Maii 1888 Monaci, mortuus 29 Martii 1967 Berchtesgaden) vir publicus Bavariae et sodalis Christianae Socialis Unionis in Bavaria (CSU) fuit.

Munus[recensere | fontem recensere]

Post scholam 1907 finitam Schäffer Monaci iurisprudentiae studebat et anno 1911 primum, anno 1916 secundum esperimentum absolvit. Annis 1915 - 1917 miles Bello orbis terrarum I interfuit. Anno 1917 assessor in ministerio internarum rerum Bavariae erat. Ab anno 1920 minister publicus superior in administerio culturae et rerum scholarum erat. Anno 1933, postquam Nazistae rerum potiti sunt, Schaeffer ex officio dimissus et in carcerem iactus est. Anno 1934 liberatus tempore dictaturae iuris consultus laboravit. Post Coniurationem 20 Iulii 1944 detectam iterum in carcerem missus est et fine belli liberatus est.

Cursus honorum[recensere | fontem recensere]

28 Maii 1945 Americani, qui tum Bavariam occupaverant, Schäffer, qui ante dictaturam Factionis Popularis Bavariae (BVP) sodalis fuerat et annis 1920 legatus senatus terrae Bavariae eius factionis fuit atque nunc cum aliis CSU condiderat, praesidem provisorium ministrorum Bavariae fecerunt. Sed iam 28 Septembris eiusdem anni ab Americanis depositus et Gulielmus Hoegner (SPD) successor factus est, cum illis non placuit, quomodo Schäffer in Nazistas egit. Annis 1946 - 1948 a re publica prohibitus est. Tum brevi tempore CSU reliquit et ad Factionem Bavariae accessit, sed postea revertit atque anno 1949 legatus CSU in Dietam Foederalem electus est. Quem officium ad annum 1961 tenuit. Annis 1949 - 1957 Administer Foederalis Aerarii Publici erat, tum ad annum 1961 Administer Foederalis Iustitiae fuit. Anno 1961 autem sua sponte se a re publica recessit.

Nexus externi[recensere | fontem recensere]

  • Karl-Ulrich Gelberg, "SCHÄFFER, Fritz" in Biographisch-Bibliographisches Kirchenlexikon  vol. 8 (Herzberg, 1994. ISBN 3-88309-053-0) , columnae 1548–1559 (Theodisce)

Fridericus Schäffer 1949 (CSU) | Franciscus Etzel 1957 (CDU) | Henricus Starke 1961 (FDP) | Rudolphus Dahlgrün 1962 (FDP) | Curtius Schmücker 1966 (CDU) | Franciscus Iosephus Strauß 1966 (CSU) | Alexander Möller 1969 (SPD) | Carolus Schiller 1971 (SPD) | Helimutus Schmidt 1972 (SPD) | Ioannes Apel 1974 (SPD) | Ioannes Matthöfer 1978 (SPD) | Manfredus Lahnstein 1982 (SPD) | Gerhardus Stoltenberg 1982 (CDU) | Theodorus Waigel 1989 (CSU) | Anscharius Lafontaine 1998 (SPD) | Ioannes Eichel 1999 (SPD) | Petrus Steinbrück 2005 (SPD) | Volfgangus Schäuble 2009 (CDU) | Petrus Altmaier 2017 (CDU, pro tempore) |Olaus Scholz 2018 (SPD)

Consilium ministrorum Adenauer I (20 Septembris 1949 - 20 Octobris 1953)
Consilium ministrorum Adenauer II (20 Octobris 1953 - 29 Octobris 1957)
Consilium ministrorum Adenauer III (29 Octobris 1957 - 14 Novembris 1961)