Rudolphus Dahlgrün

E Vicipaedia
Rudolphus Dahlgrün die 13 Decembris 1962 ad laevam Conradi Adenauer cancellarii et ad dextram Hinrici Luebke praesidis, cum novum consilium ministrorum nominaretur

Rudolphus (Theod.: Rolf) Dahlgrün (natus 19 Maii 1908 Hannoverae, mortuus 19 Decembris 1969 Hamburgi vir publicus Germaniae et sodalis FDP erat.

Iuventus et munus[recensere | fontem recensere]

Pater eius physicus naturalis atque medicus animalium fuit et in vivario Hannoverae quadraginta annos laboravit. Inter amicos patris et Hermannus Löns poeta fuit. Anno 1928 Dahlgrün Hannoverae maturitatem adeptus est, tum Goettingae iurisprudentiae studebat atque anno 1931 primam, anno 1935 secundam probationem accepit. Unum annum in magistratu venationis Hannoverae, ab anno 1936 syndicus societatis canthorum pneumaticorum Phoenix Hamburgi laboravit. Anno 1937 doctor promotus est.

Cursus honorum[recensere | fontem recensere]

Dahlgrün, qui ad annum 1945 sodalis NSDAP fuerat, anno 1949 FDP factionem accessit. Annis 1953 - 1957 legatus Civitatis Hamburgi erat et anno 1957 primo legatus Dietae Foederalis Germaniae electus est. 13 Decembris 1962 Administer Foederalis Aerarii Publici in ultimo consilio ministrorum Conradi Adenauer (CDU) nominatus est. Hoc officio et Ludovico Erhard (CDU) cancellario tenebat. 28 Octobris 1966 cum aliis administris suae factionis a magistratu se recessit atque foedus regendi cum factionibus CDU et CSU finivit. Mansit legatus Dietae Foederalis ad electionem anni 1969, cum noniam candidatus esset. Paucis diebus post mortuus est.

Nexus externi[recensere | fontem recensere]

Fridericus Schäffer 1949 (CSU) | Franciscus Etzel 1957 (CDU) | Henricus Starke 1961 (FDP) | Rudolphus Dahlgrün 1962 (FDP) | Curtius Schmücker 1966 (CDU) | Franciscus Iosephus Strauß 1966 (CSU) | Alexander Möller 1969 (SPD) | Carolus Schiller 1971 (SPD) | Helimutus Schmidt 1972 (SPD) | Ioannes Apel 1974 (SPD) | Ioannes Matthöfer 1978 (SPD) | Manfredus Lahnstein 1982 (SPD) | Gerhardus Stoltenberg 1982 (CDU) | Theodorus Waigel 1989 (CSU) | Anscharius Lafontaine 1998 (SPD) | Ioannes Eichel 1999 (SPD) | Petrus Steinbrück 2005 (SPD) | Volfgangus Schäuble 2009 (CDU) | Petrus Altmaier 2017 (CDU, pro tempore) |Olaus Scholz 2018 (SPD)

Consilium ministrorum Adenauer V (13 Decembris 1962 - 11 Octobris 1963)
Consilium ministrorum Erhard I (17 Octobris 1963 - 26 Octobris 1965)
Consilium ministrorum Erhard II (26 Octobris 1965 - 30 Novembris 1966)