Eduardus David

E Vicipaedia
Salire ad: navigationem, quaerere
Eduardus Davis anno 1907

Eduardus Henricus Rudolphus (Theod. Eduard Heinrich Rudolph) David (natus 11 Iunii 1863 vico Ediger (ad Mosellam), mortuus 24 Decembris 1930 Berolini) vir publicus Germaniae et sodalis SPD fuit.

Iuventus et munus[recensere | fontem recensere]

Pater eius minister publicus Borussiae erat. Quamquam gymnasia Biliveldae et Giessae frequentavit, maturitatem non iam adeptus est, sed primo Berolini tirocinium mercatoris fecit. Deinde tandem maturitatem accepit et annis 1886 - 1990 Giessae litteris Theodiscis, historiae philosophiae studebat et probationem magistri superiorum scholarum adeptus est. Anno 1891 doctor promotus et deinde magister Giessae laboravit. Anno 1894 scholae ministerium reliquit, quod tum factioni SPD laborare in animo habuit. Anno 1923 habilitatus est.

Familia[recensere | fontem recensere]

Eduardus David bis uxorem duxit, primam anno 1896, e qua filiam habuit. Anno 1911 hoc matrimonium divortio finitum est. Anno 1918 David secundam uxorem duxit, e qua filium habuit.

Cursus honorum[recensere | fontem recensere]

David, qui ab anno 1893 sodalis SPD fuit, eodem tempore Francofurti acta diurna nomine Mitteldeutsche Sonntagszeitung condidit, quibus consilia factiones promulgaret. Inter diurnarios et Philippus Scheidemann fuit. Anno 1896 Moguntiacum in acta diurna mutavit, sed anno 1897 legatus senatus terrae Magni Ducatus Hassiae electus est et ad annum 1908 mansit. Iam 1896 et 1898 frustra candidatus Dietae Imperii Germanici erat, sed anno 1903 electus est. Ab anno 1912 inter rectores legatorum SPD fuit. Mense Octobri 1918 secretarius statalis inferior in magistratu exterarum rerum fectus est et hoc officio at post casum Monarchiae tenuit. 19 Ianuarii 1919 legatus et brevi tempore et praeses Consilii Formae Civitatis Constituendae electus est. Deinde a die 13 Februarii Administer Imperii sine officiis in consilio ministorum Philippi Scheidemann erat, quod ad 20 Iunii Germaniam regebat. Deinde in consilio ministrorum Bauer Administer Imperii Rerum Internarum erat. 3 Octobris administerium suum Erico Koch-Weser factionis DDP, quae in consilium ministrorum intraverat, tradidit et iterum administer sene officiis fuit, quod officium et Hermanno Müller cancellario tenuit. Mense Iunioi 1920 consilium ministrorum omne se recessit et David legatus Dietae Imperii iterum electus est et ad mortem mansit. Praeterea ad annum 1927 legatus Imperii ad Hassiam fuit.

Nexus externi[recensere | fontem recensere]