Gulielmus Baro de Gayl

E Vicipaedia
Salire ad: navigationem, quaerere
Gulielmus Baro de Gayl

Gulielmus Baro de (Wilhelm Freiherr von) Gayl (natus Regiomontii die 4 Februarii 1879, mortuus Potestampii die 7 Novembris 1945) fuit vir publicus Germaniae et sodalis DNVP.

Iuventus et munus[recensere | fontem recensere]

Pater legatus militum Borussiae fuit. Ipse, postquam maturitatem adeptus est, Berolini, Goettingae atque Bonnae iurisprudentiae studebat. Anno 1908 assessor factus anno 1909 praeses societatis agrorum Borussiae Orientalis factus est, quae societas agricolas novos ruri collocavit. Ab anno 1916 ad 1920, inter primum bellum mundanum, in praetorio Germaniae in Russia versatus est. Anno 1918, praeses Theodiscus Lithuaniae septentrionalis erat.

Cursus honorum[recensere | fontem recensere]

Bello finito, pro provincia Borussiae Orientalis de Foedere Versaliis sancito agebat, commissariusque Theodiscus fuit, qui suffragii lationem, an ad Borussiam vel Poloniam pertineret, in ea provincia dedit. Ab anno 1921 ad 1933, legatus Consilii Rei Publicae Borussiae, et ab anno 1921 ad 1932 legatus Provinciae Borussiae Orientalis in Consilio Imperii fuit. Kalendis Iunii 1932 Franciscus de Papen eum Administrum Imperii Rerum Internarum crevit; cum autem Papen die 3 Decembris 1932 consilium ministrorum reliquit, atque se in vitam privatam recessit.

Nexus externi[recensere | fontem recensere]