Roman numeral 10000 CC DD.svg

Carina (constellatio)

E Vicipaedia
Salire ad: navigationem, quaerere
Data Carinae constellationis
Nomen Carina
Genetivus Carinae
Abbreviatio Car
Ascensio recta 6 h 02 min ad 11 h 20 min
Declinatio -50° 45' ad -75° 40'
Area 494 gradus quadrati
ordo: 34
Videri potest inter +14° ac -90°
Numerus stellarum
magnitudinis < 3m
3
Stella lucidissima,
Magnitudo
Canopus (α Carinae),
-0,7 m
Constellationes finitimae
(a septentrionalibus
sensu negativo)
Volans
Chamaeleon 
Musca

Centaurus

Vela 
Puppis
Pictor

Carina ampla constellatio in caelo meridionali sita est. Carina se pertinet sub constellationibus Puppi ac Velis. Huic constellatione Canopus stella vere lucidissima inest.

De historia[recensere | fontem recensere]

Carina pars veteris sideris est, quod Argo Navis appellabatur quodque in numero 48 siderum a Claudio Ptolemaeo descriptorum erat. Cum Argo Navis astronomo Francogallico Lacaille ad usum astronomiae nimis ampla esset, anno 1763 ab eo divisa est in constellationes Carinam (navis), Puppim (navis) Velaque (navis). Nomina stellarum autem non mutata sunt, ut unaquaque littera Graeca illis in constellationibus semel tantum uteretur. Inde est e. g. α Carinae (Canopus), sed α Puppis vel α Velorum non sunt.

De mythologia[recensere | fontem recensere]

Argo Navis secundum mythologiam Graecam navis illa Iasonis eiusque sociorum erat, qui Argonautae vocabantur. Ii vellus aureum arietis quaerebant. Iason, filius Aesonis regis Thessaliae a fratre Peliade regno fraudatus erat. Iasonem imperium recuperatum iri, si Peliadi vellus aureum afferret – quod fieri non posset, cum pellis illa in nemore sacro Colchis a dracone mortifero custodiretur. Medea regis filia adiuvante Iason autem vellus cepit. Et Argo navis et vellus in caelo posita sunt, vellus quidem nomen Arietis accepit.
Aegyptiis illa constellatio etiam navis erat, qua Osiris deus vehi solebat. Canopus eis autem gubernator erat.

Stellae[recensere | fontem recensere]

Searchtool.svg Si plus cognoscere vis, vide Stellae Carinae

Canopus (α Car) stella lucidissima classis spectralis F0 est, quae 313 sla remota est. Eius magnitudo (-0,7m) tantum a Sirio stella superatur.
Miaplacidus (β Car) e classe spectrali A2 circiter 110 spatia lucis annuae a Sole nostro remota est.
Avoir 632 spatia lucis annuae remota e classe spectrali K3 est.
6.000 spatia lucis annuae remota Eta Carinae stella in omni ratione illustrissima est. Tantum 6m oculo nudo hodie quidem cerni non potest. Cum Edmondus Halley saeculo XVII indicem stellarum scriberet, η Carina 4m fuit, sed tum magnitudinem variabat. Annis 1833 usque 1843 luminositas stellae maxime aucta est, ut η Carinae -1m splendens secundum magnitudinis locum in caelo tenebat. Tunc stella 40 centena milliplum luminositatis Solis habuisse conicitur. Deinde magnitudo deminuit. Luminositas autem non decrevisse, sed magnitudo absorptione pulveris gasorumque diminuisse existimatur. η Carinae verisimiliter in termino "vitae" suae est ut mox explodens supernova fiat. Quam quidem explosionem intervalli causa demum 6000 annorum post factum cernere poterimus.

Stella Magnitudo Magnitudo
absoluta
Intervallum
(sla)
Classis spectralis
Canopus (α Carinae) -0,62 -5,53 312,75 F0 Ib
Miaplacidus (β Carinae) 1,67 -0,99 111,18 A2 IV
Avior (ε Carinae) 1,86 -4,58 632,17 K3 III + B2 V
Turais (ι Carinae) 2,21 -4,42 692,57 A8 IB
θ Carinae 2,74 -2,91 439,03 B0 Vp
υ Carinae 2,92 -5,56 1622,89 A9

N. b. : Numeri excerpti sunt e mensionibus satellitis Hipparcos nominatae Hipparchos catalogue: query form apud archive.ast.cam.ac.uk.