Adoro te devote

Ultima cena, pictura a Duccio e Buoninsegna facta

"Adoro te devote" est hymnus a Thoma Aquinate conscriptus.

Hymnus

Adoro te devote, latens Deitas,

Quae sub his figuris vere latitas:

Tibi se cor meum totum subiicit,

Quia te contemplans totum deficit.

Visus, tactus, gustus in te fallitur,

Sed auditu solo tuto creditur.

Credo quidquid dixit Dei Filius:

Nil hoc verbo Veritatis verius.

In cruce latebat sola Deitas,

At hic latet simul et humanitas;

Ambo tamen credens atque confitens,

Peto quod petivit latro paenitens.

Plagas, sicut Thomas, non intueor;

Deum tamen meum te confiteor.

Fac me tibi semper magis credere,

In te spem habere, te diligere.

O memoriale mortis Domini!

Panis vivus, vitam praestans homini!

Praesta meae menti de te vivere

Et te illi semper dulce sapere.

Pie pellicane, Iesu Domine,

Me immundum munda tuo sanguine.

Cuius una stilla salvum facere

Totum mundum quit ab omni scelere.

Iesu, quem velatum nunc aspicio,

Oro fiat illud quod tam sitio;

Ut te revelata cernens facie,

Visu sim beatus tuae gloriae.

Amen

Haec stipula ad musicam spectat. Amplifica, si potes!

Hymni et preces Christianae

Adeste Fideles | Adoro te devote | Ad regias Agni dapes | Aeterne Rex Altissime | Agnus Dei | Alma nox | Alma Redemptoris Mater | Alto ex Olympi vertice | Angele Dei | Angelus Domini | Anima christi | A solis ortis cardine | Audi benigne Conditor | Aurora, solis nuntia | Ave Maria | Ave maris stella | Ave Regina Coelorum | Ave verum corpus | Beata nobis gaudia | Beate Pastor Petre | Benedictus | Benedictus es Domine Deus | Caelestis agni | Caelestis aulae nuntius | Caelestis urbs Jerusalem | Caelitum Joseph decus | Christe sanctorum | Confiteor | Cor arca | Creator alme siderum | Credo | Crudeles Herodes Deum | Custodes | Decora lux aeternitatis | Deus tuorum militum | Domare cordis impetus | Genuit puerpera regem | Gloria in excelsis | Gloria Patri | Kyrie | Lauda Sion | Litaniae Lauretanae | Litaniae Sanctorum | Magnificat | Memorare | Nunc dimittis | Nunc Sancte nobis Spiritus | Oremus et pro Iudaeis| O Sanctissima | Pange Lingua | Pater noster | Quem pastores laudavere | Regina Caeli | Requiem | Salve Regina | Sanctus | Signum Crucis | Stabat Mater | Sub tuum praesidium | Symbolum Apostolorum | Symbolum Nicaenum Constantinopolitanum | Symbolum Quicumque | Tantum ergo | Te Deum | Tota Pulchra Es | Veni Creator Spiritus | Veni Redemptor Gentium | Veni Sancte Spiritus | Vexilla Regis
Ordines orationum
Rosarium