Angelus Domini

E Vicipaedia
Salire ad: navigationem, quaerere

Angelus Domini est prex Christiana, in qua credentes catholici ter in die incarnationem Iesu Christi Salvatoris commemorant. Verba precis breviter annuntiant vocationem Dei per angelum suum Gabrielem, responsionem hominis, et actionem inhabitationemque Dei apud homines. Ad hanc orationem sonantur campanae ter in die, circa horas sextam, duodecimam, et sextam decimam (vel septimam decimam). Nonnullis regionibus etiam tertia oratio secundum tempus anni ad finem diei adaptatur.

Tempore paschali oratio "Angelus domini" prece "Regina coeli" restituitur.

Hae duae orationes Romae a papa in dominicis et festis meridie ab aedificio apostolico super plateam sancti Petri dicuntur. Anno 2006 tredecies centena milia hominum his orationibus cum Papa Benedicto XVI interfuerunt.[1]

Textus[recensere | fontem recensere]

Angelus Domini nuntiavit Mariae et concepit de Spiritu Sancto.
Ave Maria...
Ecce, ancilla Domini. Fiat mihi secundum verbum Tuum.
Ave Maria...
Et verbum caro factum est et habitavit in nobis.
Ave Maria...
Ora pro nobis, Sancta Dei Genetrix,
ut digni efficiamur promissionibus Christi.
Oremus. Gratiam Tuam, quaesumus, Domine, mentibus nostris infunde,
ut, qui angelo nuntiante Christi, Filii Tui, incarnationem cognovimus,
per passionem eius et crucem ad resurrectionis gloriam perducamur.
Per eundem Christum, Dominum nostrum. Amen.

Nota[recensere | fontem recensere]

  1. Radio Vaticana: Vaticanum: Statistica Radio Vaticanae die 28 Decembris 2006.
Commons-logo.svg Vicimedia Communia plura habent quae ad Angelus Domini spectant.