Nicolaus de Dohnanyi

E Vicipaedia
Salire ad: navigationem, quaerere
Nicolaus de Dohnanyi anno 1978

Nicolaus de (vulgo: Klaus von) Dohnanyi (natus 23 Iunii 1928 Hamburgi) vir publicus Germanicus et sodalis Socialis Democraticae Factionis Germaniae (SPD) est.

Familia[recensere | fontem recensere]

Dohnanyi nepos est Theodorici Bonhoeffer, sacerdotis et theologi Lutherani et partium Hitlerianarum inlustris adversarii. Pater Ioannes de Dohnanyi fuit, alterius resistentis dictaturae. Frater Christoph de Dohnányi musicus est.

Iuventus et Munus[recensere | fontem recensere]

Dohnanyi anno 1944 Potestampii testimonium maturitatis accepit et tum miles in Bello Orbis Terrarum II meruit. Bello deposito, iurisprudentiae Monachii et in universitatibus Yalensis et Columbiae studebat, atque anno 1949 primam, 1957 secundam probationem adeptus est. Ab anno 1951 iurisconsultus, ab anno 1957 in officina Ford Colonia Agrippinensis operam dedit. Ab anno 1960 praeses instituti perscrutationis opinionum fuit.

Cursus honorum[recensere | fontem recensere]

Dohnanyi ab anno 1957 sodalis SPD est. In Rhenania-Palatinato ab anno 1979 praeses huius factionis erat. Die 1 Martii 1968 secretarius civitatis in administerii foederali oeconomiae erat, cui tum Carolus Schiller praefuit. Annis 19691981 legatus Dietae Foederalis Germaniae fuit. Ab 22 Octobris 1969 secretarius civitatis in administerio Foederalis Eruditionis et Scientiae erat. Die 15 Martii 1972 ipse Administer Foederalis Eruditionis et Scientiae factus est, quod officium ad 7 Maii 1974 tenuit. Anno 1976 administer publicus in Administerio Rerum Externarum nominatus est. Die 24 Iunii 1981, successor Ioannis Ulrici Klose (SPD) magister civium Hamburgi creatus est, quem magistratum ad diem 8 Iunii 1988 gessit. Successor eius Henning Voscherau (SPD) creatus est.

Nexus externi[recensere | fontem recensere]

Commons-logo.svg Vicimedia Communia plura habent quae ad Nicolaum de Dognanyi spectant.