Ravenna

Ravenna
Ravenna
Forum Populi.
Nomen lingua loci:	Ravêna
Administratio
Terra:	Italia
Regio:	Aemilia-Romania
Provincia:	Ravennas
Indicia fundamentalia
Coordinata:	44° 25′ 4″ Sept., 12° 11′ 58″ Ort.
Altitudo:	4 m supra mare
Area:	652,83 km²
Incolae:	159 754 (2011)
Spissitudo:	228,36 per km²
Res aliae
N. cursualis:	48100
Praefixum:	0544
Zona temporalis:	UTC+1
ISTAT-Regio:	039014
N. tributarius:	H199
Nota autocineti:	RA
Nomen incolarum:	Ravennates, Ravennatenses
Patronus:	Sanctus Apollinaris
Dies sollemnis:	23 Iulii
Charta
Pagina interretialis

Ravenna (Italiane: Ravenna) est urbs Italiae et municipium, circiter 160 000 incolarum, in Aemilia-Romania (Romania) regione sita et caput Provinciae Ravennatis. Incolae Ravennates vel Ravennatenses appellantur.

Insignia

• 

  Urbs Italiae,

• 

  ,

• 

  UNESCO.

Historia

De urbe Ravenna non multas memorias habemus usque ad annos in quibus Secundum Punicum bellum gerebatur, cum urbs civitas foederata cum Roma fuit. Romanis Ravenna magni momenti ad haec quae ad belli rationem pertinent semper fuit: undique enim seiuncta a continenti propter paludes erat, quae naturalem maximamque defensionem urbi eiusque agro praebebant, sed per paludes viatores et navigantes ad mare accedebant, unde ad inhabitantes commeatus auxiliaque afferri poterant. Ignotum est quando Romani Ravennam sub dicionem suam redegerint, sed satis constat primam Romanam classem quae Ravennae adfuit, Metelli, Sullae legati, classem fuisse, cum sescentesimo septuagesimo primo anno ab Urbe condita (anno 82 a.Chr.n.) Sullana classis Metello duce Ravennam appulerit; iisdem annis civitate Romana urbs etiam donabatur. A C. Iulio Caesare Ravenna, ubi antea Gallico bello hiberna fuerant, praetorii sedes delecta est, cum de republica administranda cum senatu ageretur; iisdem temporibus opera in portu militari perfecta sunt. Classis portus a Caesare Octaviano Augusto exstructus et munitus est, qui, cum maritimi praedones Superum mare et Orientis maria per multos annos obtinuissent, Classem Ravennatem instituit; ducentis quinquaginta navibus praedita, ea classis, quae postea Praetoria appellata est, medii Mari Nostri navium princeps statio fuit. Cum omnia commercia et omnis industria circum portum classemque cogerentur, cuius praefectus nobilissimus inter cives erat, prospera mercatorum lucra fuerunt, variis mercaturis factis sed maxime asparagis, piscibus et lignis e tota Cispadana et Transpadana Gallia advectis. Portus, qui tria milia passum circiter ab urbe distabat, ab Octaviano Augusto cum Pado flumine per Fossam Augustam coniunctus est, quae prope Ravennam in duos ramos dividebatur: alter moenia ad Ravennae defensionem firmandam circumibat; alter inter domos ad mercaturas faciliores reddendas perfluebat. Iis temporibus urbis Ravennae situs mirabilis fuit, variis insulis inter se per multos pontes coniunctis. Prosperitate felicitateque in mercaturis impetratis cives augebantur et urbs maior fiebat. Antiquorum more urbis circuitus quadrangulus fuit. Tiberio Claudio Caesare Augusto Germanico regnante, anno quadragesimo tertio p.Chr.n., primo eius regni, duas portas Ravenna habuit: altera postea Salustra appellabitur, altera Posterula Latronum. Satis constat Portam Auream Claudio regnante aedificatam esse, quoniam titulus Claudii principis reminiscens in eius frontem appositus erat: Porta Aurea duas foramina et duas cylindratas turres habuit. Cum Ravenna aquae potulentae inops esset, Marco Ulpio Nerva Traiano regnante aquae ductus aedificatus est, quo aqua de monte Appennino ad agrum Ravennatem afferebatur. Ravenna tandem domos suas extra oppidum antiquum in illam regionem quae postea Regio Caesarum appellabitur diffundere coepit. Anno 105 p.Chr.n. Traianus a Ravennae portu ad Dacicas regiones profectus est: classis itum in Columna Traiana, quae Romae in Foro posita est, videre exsculptum possumus, dum princeps cum militibus suis navem conscendit.

Anno 402, Alaricus rex Visigothorum Italicam urbem Mediolanum obsidione clausit, quae caput Imperii Romani Occidentalis fuit. Ergo imperator Honorius caput imperii Ravennam transtulit, quae a paludibus et fossis protecta est.

Ravenna caput Imperii Romani Occidentalis usque ad finem imperii anno 476 mansit. Postea caput regni Odoacris et Ostrogothorum fuit. Deinde Ravenna a Byzantio capta est et urbs maxima Italiae Byzantinae usque ad annum 751 mansit, cum Langobardi Ravennam ceperunt.

Post cladem Langobardum contra Francos anno 774, Ravenna papae data est, et per multa saecula ad Civitatem Ecclesiae pertinuit.

Anno 1321, Dantes Alagherius Ravennae obiit et ibi sepultus est.

Post cladem Napoleonis anno 1815, Civitas Ecclesiae restituta est, sed anno 1860 Ravenna Regno Sardiniae (ab anno 1861 Regno Italiae) coniuncta est.

Ecclesia Catholica Romana

Ravenna, cum Cervia, sedes episcopalis metropolitana est, cum nomine Archidioecesis Ravennatensis et Cerviensis. Praesens archiepiscopus est Laurentius Ghizzoni.

Homines illustres

• Petrus Chrysologus, episcopus urbis sanctus et doctor Ecclesiae
• Romualdus, sanctus
• Petrus Damianus, sanctus et doctor Ecclesiae
• Hieronymus Savonarola, vir publicus ac magnus morum corrector ecclesiae et urbis Florentiae
• Ioannes Minzoni, presbyter et victima Fascismi
• Rava Gulielmus, Docta artis medicae

Visu digna

• Templum Sancti Vitalis
• Basilica Sancti Apollinaris in Classe
• Basilica Sancti Apollinaris Novi
• Baptisterium Neonianum
• Baptisterium Arianorum
• Mausoleum Gallae Placidiae
• Mausoleum regis Theodorici
• Sacellum Archiepiscopale
• Cathedra Maximiani
• Bibliotheca Classensis

Municipia finitima

• Alphonsinae (Italiane: Alfonsine),
• Argentea (Italiane: Argenta) (FE),
• Bagnacaballum (Italiane: Bagnacavallo),
• Brittonorium (Italiane: Bertinoro) (FC),
• Caervia (Cervia olim Phyclocle Ficocle) (Italiane: Cervia),
• Castrum Russi (Italiane: Russi),
• Cumaculum olim Cymaclum (Italiane: Comacchio) (FE),
• Curva Caesena (Italiane: Cesena) (FC),
• Forum Livii (Italiane: Forlì) (FC).

Pinacotheca

• 

  Collocatio finium Municipii Ravennatis in Provincia Ravennati.

• 

  Forum Populi. (Italiane Piazza del Popolo).

• 

  Mausoleum Theodorici, regis Ostrogothorum.

Vide etiam

• Aemilia-Romania,
• Provincia Ravennas,
• Romaniola,
• Urbes Italiae.

Nexus externi

• Situs publicus (Italiane)

Vicimedia Communia plura habent quae ad Ravennam spectant.

Urbes quae sunt capita provinciarum Italiae