Dantes Alagherius

E Vicipaedia

Dantes cum carmine suo, pictore Dominico Michaelini:
QVI COELVM CECINIT MEDIVMQVE TRIBVNAL / LVSTRAVITQVE ANIMO CVNCTA POETA SVO / DOCTVS ADEST DANTES SVA QVEM FLORENTIA SAEPE / SENSIT CONSILIS AC PIETATE PATREM / NIL POTVIT TANTO MORS SAEVA NOCERE POETAE / QVEM VIVVM VIRTVS CARMEN IMAGO FACIT

Cenotaphium Dantis:
DANTI ALIGHERIO TVSCI HONORARIVM TVMVLVM A MAIORIBVS TER FRVSTRA DECRETVM ANNO M·DCCC·XXIX FELICITER EXCITARVNT

Dantes Alagherius (-tis, Italice: Dante Alighieri) Florentiae 30 Maii 1265 natus est, die 14 Septembris 1321 exsul Ravennae vitae defunctus. Scriptor, poeta, philosophus fuit.

Poeta Maximus appellatus, Dantes pater Italiae ac Linguae Italicae putatur, maxime quia Divinam Comoediam scripsit. Is etiam poeta Dulcis Novi Stili (Italice: Dolce Stil Novo) fuit.

[recensere] Biographia

Natus est Florentiae anno 1265. Dies non certe cognoscitur, sed in Divina Comoedia Dantes dicit se natum esse sub signo Geminorum. Videtur puellam quaendam adolescens amavisse, Beatricem nomine (fontes incertae sunt): in carminibus suis, Beatrix mulier describitur, a poeta valde amata vel admirata. Discipulus fuit ille Brunetti Latini, valentissimi magistri, scriptoris libri provenzali lingua Tresor nomati. Dantes non modo peritissimus factus est litteris latinis vulgaribusque sed etiam scientia et philosophia. Anno 1300 in exilium a Florentia depulsus est, quia in bello inter partes (quae nomabantur "Blanca" et "Nigra") cum familia Cerca contra Donatos non praevaluit. Exsul multas urbes visitavit, sed praecipue Veronae atque Ravennae habitavit. Ibi amicus factus est Canis Grandis Scalensis, ducis Veronae, cui Paradisum, tertiam partem Divinae Comoediae, dedicavit. Vita defunctus est anno 1321, die 14 Septembris, Ravennae.

[recensere] Opera

Divina Comoedia Italice scripta;
De Monarchia Latine scriptum;
De vulgari eloquentia Latine scriptum;
Vita Nova Italice scripta;
Convivium Italice scriptum;
Rimae Italice scriptae;
tredecim epistolae ac alii tractati, e.g Quaestio de aqua et terra.
Eclogae Latine scriptae, circa annum 1319

[recensere] Minutiae

Nomen vulgare Dante est hypocoristicum nominis Durante, id est Durantis, ut asseveravit Iacobus Alagherius,^[1] tamen fontibus Latinis, contra etymologiam, "Dantes" est solitum.