Regium (Bruttium)

E Vicipaedia
(Redirectum de Rhegium)

Vide etiam paginam discretivam: Regium (discretiva)

Wikidata Regium (Bruttium)
Res apud Vicidata repertae:
Regium (Bruttium): insigne
Regium (Bruttium): insigne
Civitas: Italia
Locus: 38°6′52″N 15°39′0″E
Numerus incolarum: 170 951
Zona horaria: UTC+1, UTC+2
Situs interretialis

Gestio

Procuratio superior: Urbs metropolitana Rhegina

Geographia

Coniunctiones urbium

Urbes gemellae: Gualeguaychú, Athenae, Aegaleo, Patrae, Mons Silvanus, Białystok, Portus Ostium

Tabula aut despectus

Regium (Bruttium): situs
Regium (Bruttium): situs

Regium[1][2][3][4][5] (-i, n.) seu Rhegium[1][2][3][5][4][6] (-i, n.; Italiane: Reggio di Calabria, solute Reggio Calabria, vel simpliciter Reggio) est urbs Italiae et municipium circiter 182 700 incolarum, in regione Bruttio situm et caput Urbis metropolitanae Reginae et sedes Consilii Regionalis Regini.

Despectus in Regium.

Urbs maxima in sua regione est et praefectus praesens est Iosephus Falcomatà. Regium bonum situm habet quo Fretum Siculum vicinum iacet, Bruttium et Sicilia terrae separans. Naves traiectorias ad urbes Siciliae super has aquas proficiscuntur cum Messana ut primum, quod connexum gravem efficit. Regium veterrima urbs regionis suae est, et sub temporibus antiquis colonia gravis florensque Graeciae Magnae.

Insigne[recensere | fontem recensere]

Sententia[recensere | fontem recensere]

Sententia urbis legitur: Urbs Rhegina Mater Provinciae Prima.

Nomina Latina urbis et urbanorum[recensere | fontem recensere]

Nomina Latina urbis sunt:[6][2][4][7][3] Regium, Rhegium, Regium Iulii, Rhegium Iulii, Regium Iulium, Rhegium Iulium, Regium Bruttiorum, Rhegium Bruttiorum, Regium Calabriae, Rhegium Calabriae, Reggium (R(h)egion,[1][2] R(h)egium Iulii,[2][3][4][5] R(h)egium Iulium,[8][2][4][7] R(h)egium Bruttiorum,[4] Recion[5].)

Nomina Latina urbanorum sunt:[6][4][3] Regini, Rhegini, Reginenses, Rheginenses, Regitani, Rhegitani, Regienses, Rhegienses.

Antiquitus duae etymologiae proponebantur[9], altera e verbo Graeco ρήγνυμι (frango), quia fretum Siculum ab elementis inter Italiam et Siciliam olim continentes velut effractum esset; altera Latina erat et Samnitibus tribuebatur qui ob pulchritudinem "regium" oppidum dixissent ː quae omnino reicienda est quoniam Samnites diu post Graecos in hanc regionem pervenerunt.

Geographia[recensere | fontem recensere]

Regium apud Fretum Siculum iacet interea trans ea Terram Siciliam.

Divisiones municipii[recensere | fontem recensere]

Circumscriptiones[recensere | fontem recensere]

Fractiones[recensere | fontem recensere]

Archi, Catona, Gallico, Gallina, Modena, Mosorrofa, Ortì, Pellaro, San Gregorio, Saracinello.

Historia[recensere | fontem recensere]

Octavo saeculo a.C.n. Regium ab illa decima parte Chalcidensium conditum est quae secundum late vulgatam fabulam ob longam inediam Apollini Delphico devota erat. Qui oraculum Pythiae secuti, adiunctis insuper nonnullis fugitivis e Messenia[10], in hunc locum Italiae meridionalis adpulere ad coloniam instituendam[11] a quo simul cum Zanclis (nam Zancle quoque colonia Chalcidensium erat) fretum Siculum regerent, unde magna lucra sperabant. Ut ab archaeologis confirmatum est regio iam tum a quibusdam indigenis populis incolebatur quos auctores antiqui (in primis Antiochus apud Strabonem) Siculos, Morgetes atque postremo Oenotros nominabant.

Plura bella cum vicinis Graecis civitatibus gesserunt ː iam sexto saeculo a.C.n. Locrorum socii proelio ad Sagram rivum commisso Crotoniates vicerunt. Postea Reginorum tyrannus Anaxilaus (494-476 a.C.n.) Zancle potitus est[12] atque nomen illius urbis in Messanam mutavit, maiorum suorum memor qui e Messenia venerant. Tum igitur in utraque ripa freti dominabatur ac dum Syracusanorum potentiam reformidat societatem adversus eos cum Carthaginiensibus iniit. Quibus ad Himeram anno 480 victis Anaxilaus tyranno Syracusano Geloni oboedire coactus est.

Bello Peloponnnesiaco nonnullam opem Atheniensibus initio tulerunt Regini[13] quorum classem portu suo tuebantur et bellum adversus Syracusanos et Locros[14] una gesserunt (427-424 a.C.n.). At anno 415 a.C.n. cum Athenienses iterum venerunt ad bellum cum Syracusanis gerendum Rhegini necessaria quidem eis vendiderunt sed responderunt neutras partes in bello secuturos esse[15]. Paulo post anno 387 a.C.n. Syracusanorum tyrannus Dionysius I urbem cepit et delevit. Iam filius Dionysius II partem urbis sub nomine Phoebia restituerat cum Mamertini mercennarii (erant Samnites), Romanorum socii, intra muros ex foedere circa 280 a.C.n. introducti incolas trucidarunt atque urbem per decem annos occuparunt. Circa 270 Cornelio Blasione duce ipsi Romani oppidum ceperunt atque Mamertinos expulerunt; ab illo tempore 'civitas foederata' Romanorum fuit Regium[16]. Post bellum sociale (89 a.C.n.) municipium e tribu Cornuficia factum est. Postremo ob paucitatem reliquorum incolarum Ocatavianus classicorum coloniam anno 36 a.C.n. eo misit, cui Regium Iulii nomen fuit.

Quarto saeculo magna damna ob terrae motum accepisse videtur[17].

Commeatus[recensere | fontem recensere]

In Rhegio e.g. Stationem Mediam Rheginam et Aeroportum Rheginum exsistunt.

Religio[recensere | fontem recensere]

Ecclesia Catholica Romana[recensere | fontem recensere]

Regium, cum Bova, sedes episcopalis metropolitana est; nomen sedis episcopalis Archidioecesis Rheginensis-Bovensis[6] est.

In hac civitate, vico Catona, nata est venerabilis Brigitta Maria Postorino (1865-1960).

Index aedificiorum egregiorum[recensere | fontem recensere]

  • Ecclesia Cathedralis Rhegii (Ecclesia cathedralis metropolitana Assumptionis B.M.V.)
  • Sanctuarium Sancti Antonii
  • Ecclesia Optimatium
  • Ecclesia Sancti Sebastiani Martyris ad Crucifixum
  • Ecclesia Sancti Georgii ad Corsum
  • Sanctuarium Sancti Pauli
  • Ecclesia Iesus et Mariae
  • Ecclesia Sanctae Luciae
  • Theatrum "Franciscus Cilea"
  • Palatium Sancti Georgii vel Municipale
  • Palatium Argentariae Neapolitanae (Banco di Napoli)
  • Palatium "Giuffrè"
  • Palatium "Zani"
  • Palatium Gubernationis
  • Palatium Provinciae
  • Palatium Aeráriorum
  • Palatium Argentariae italia

Municipia finitima[recensere | fontem recensere]

Cives praeclari[recensere | fontem recensere]

Regii olim vixerunt aut nati sunt et hodie vivunt multi illustres viri atque feminae:

Nati[recensere | fontem recensere]

Bibliographia[recensere | fontem recensere]

  • 2000, Nel cuore del Mediterraneo antico : Reggio, Messina e le colonie calcidesi dell'area dello Stretto (cur. Michaele Gras et aliis), Corigliano Calabro : Meridiana libri.
  • Georgius Vallet (1958), Rhégion et Zancle : histoire, commerce et civilisation des cités chalcidiennes du détroit de Messine, De Boccard. (Bibliothèque des Écoles françaises d'Athènes et de Rome ; 189) Recensio critica Altera recensio critica Tertia recensio critica

Notae[recensere | fontem recensere]

  1. 1.0 1.1 1.2 W. Schweickard, Derivati da nomi geografici (Tubingae: M. Niemeyer, 2006) (Textus apud Google Books)
  2. 2.0 2.1 2.2 2.3 2.4 2.5 R. Ambrogio, Nomi d'Italia. Origine e significato dei nomi geografici e di tutti i comuni (Novariae: Istituto Geografico De Agostini, 2009)
  3. 3.0 3.1 3.2 3.3 3.4 Castiglioni, Aloisius; Mariotti, Scaevola. Vocabolario della lingua latina, latino-italiano, italiano-latino. Quarta editio a Petro Georgio Parroni curata (Taurini, 2007).}
  4. 4.0 4.1 4.2 4.3 4.4 4.5 4.6 J. G. Th. Graesse, Orbis Latinus (Dresdae: Schönfeld, 1861; 1909. Brunsvici, 1972, 3 voll.) 1 2 3}
  5. 5.0 5.1 5.2 5.3 W. Hazlitt, The Classical Gazetteer (1851) textus
  6. 6.0 6.1 6.2 6.3 Cf. "Archidioecesis Rheginensis-Bovensis" e The Hierarchy of the Catholic Church (situs a Davide M. Cheney elaboratus) (Anglice)
  7. 7.0 7.1 F. Sacco, Dizionario geografico-istorico-fisico del Regno di Napoli (Neapolis: Vincenzo Flauto, 1796) (I) (II) (III) (IV)}
  8. Il mondo antico, moderno, e novissimo, Tomo primo
  9. Strabo, Geographica VI.1.6.
  10. Pausanias V.25.2
  11. Strabo, Geographica VI.1.6. Diodorus Siculus VIII.23. Dionysius Halicarnassensis, Ant. Rom. XIX.2. Pausanias IV.23
  12. Herodotus, Erato 23.
  13. Thucydides III.86.5
  14. Thucydides IV.1.
  15. Thucydides VI.44, 46, 50 et 79.2.
  16. Dionysius Halicarnassensis, Ant. Rom. XX.16
  17. Emanuela Guidobono (2000),'Aims and methods in territorial archaeology: possible clues to a strong fourth-century AD earthquake in the Straits of Messina (southern Italy)' in The Archaeology of Geological Catastrophes ː 45-70.

Nexus interni[recensere | fontem recensere]

Nexus externi[recensere | fontem recensere]

Vicimedia Communia plura habent quae ad Regium spectant.

Pinacotheca[recensere | fontem recensere]

Capita regionum Italicarum

Ancona • Aquila • Augusta Praetoria • Augusta Taurinorum • Barium • Bononia • Campus Bassus • Caralis • Catana • Florentia • Genua • Mediolanum • Messana • Neapolis • Panormus • Perusia • Potentia • Regium • Roma • Tergeste • Tridentum • Venetiae
Ancona • Aosta • Aquila • Bari • Bologna • Campobasso • Cagliari • Catana • Firenze • Genova • Milano • Messina • Napoli • Palermo • Perugia • Potenza • Reggio di Calabria • Roma • Trieste • Torino • Trento • Venezia

Capita provinciarum metropoleonque Italiae

Abellinum • Aesernia • Agrigentum • Alexandria Statiellorum • Ancona • Andria • Aquila • Ariminum • Aristianis • Arretium • Asculum Picenum • Aternum • Augusta Taurinorum • Baretium • Barium • Barolum • Bauzanum • Bellunum • Beneventum • Bergomum • Bononia • Brixia • Brundisium • Bugella • Caesena • Campus Bassus • Caralis • Carbonia • Carraria • Caserta • Catacium • Catana • Comum • Consentia • Cremona • Croton • Cuneum • Drepanum • Ecclesiae • Ferraria • Firmum Picenum • Florentia • Forum Livii • Fovea • Frusino • Genua • Goritia • Grossetum • Hasta Pompeia • Henna • Imperia • Interamna Nahars • Interamna Praetutia • Labro • Lanusei • Latina • Laus Nova • Leucum • Luca • Lupiae • Macerata • Mantua • Massa • Mathera • Mediolanum • Messana • Modicia • Mutina • Neapolis • Nissa • Novaria • Nugor • Olbia • Panormus • Papia • Parma • Patavium • Perusia • Pisae • Pisaurum • Pistorium • Placentia • Portus Ilii • Portus Naonis • Potentia • Pratum • Ragusia • Ravenna • Reate • Regium • Regium Lepidi • Rodigium • Roma • Salernum • Sassaris • Savo • Sena Iulia • Spedia • Sullurium • Sundrium • Syracusae • Tarentum • Tarvisium • Teate • Templum • Tergeste • Tridentum • Turenum • Urbinum • Utinum • Venetiae • Verbania • Vercellae • Verona • Vibo Valentia • Vicetia • Villaxidrum • Viterbium