Otho (rex Graeciae)

E Vicipaedia
Salire ad: navigationem, quaerere
Rex Otho in exsilio anno 1865, fustanellam portans

Otho (Graece Όθων; natus Salisburgi die 1 Iunii 1815 sub nomine Otto Friedrich Ludwig von Wittelsbach; mortuus Bambergae die 26 Iulii 1867) fuit rex Graeciae inter annos 1832 et 1862 necnon princeps Bavariae.

Otho fuit filius secundus regis Ludovici I Bavariae uxorisque eius Theresiae. Anno 1832, septemdecimo aetatis suae, electus est rex Graeciae quae sub tutela "Potestatum Magnarum" independentiam ab Imperio Ottomanico nacta erat. Anno 1843 rebus novis coactus est, ut invitus constitutionem promulgaret. Anno 1862 eiectus est a regno et in Bavariam fugit.

In matrimonium duxerat Amaliam Oldenburgensem anno 1837; amasiam etiam habebat Ioannam Digby, sed sine prole mortuus est.

Vide etiam[recensere | fontem recensere]

Bibliographia[recensere | fontem recensere]

  • Amalie, 1818-1875: Herzogin von Oldenburg, Königin von Griechenland. Oldenburgi: Isensee, 2004. ISBN 3-89995-122-0.
  • Leonard Bower, Gordon Bolitho, Otho I, King of Greece: A Biography. Londinii: Selwyn & Blount, 1939.
  • Christian Dümler, Kathrin Jung, Von Athen nach Bamberg: König Otto von Griechenland, Begleitheft zur Ausstellung in der Neuen Residenz Bamberg, 21. Juni bis 3. November 2002. Monaci: Bayerische Schlösserverwaltung, 2002. ISBN 3-932982-45-2.
  • Jan Murken, Saskia Durian-Ress, König-Otto-von-Griechenland-Museum der Gemeinde Ottobrunn (Bayerische Museen, Band 22.) Monaci: Weltkunst, 1995. ISBN 3-921669-16-2.
  • John A. Petropoulos, Politics and Statecraft in the Kingdom of Greece 1833-1843. Princeton, 1968.