Fridericus Nietzsche
E Vicipaedia
| Fridericus Nietzsche | |
|---|---|
| Friedrich Nietzsche | |
 |
|
| Natus | 15 Octobris 1844 in Röcken |
| Obiit | 25 Augusti 1900 Vimariae |
Fredericus Guilielmus Nietzsche (Germanice Friedrich Wilhelm Nietzsche), natus in civitate Röcken 15 Octobris 1844, mortuus Vimariae 25 Augusti 1900, erat philologus et philosophus humanisticus Germanus.
Profunde litteris Graecis Latinisque institutus et factus doctor earundem litterarum in universitate Basilensi anno vicesimo quarto vitae suae, scripsit aliquot clarissimos libros potentissimos qui totum saeculum et expresserunt et affecerunt. Nonnulla carmina philosophica quoque composuit, posita in initio et fine operum De scientia iucunda ac Ultra bonum malumque. Late cognitum est opus suum Sic Dixit Zarathustra, in quo sententias suas poetica lingua docet. Nietzsche est maxime insignis ut auctor sententiarum brevium et gravium sicut "Deus mortuus est."
Inimicus christanismo erat et "super-hominem" postulavit.
Anno 1889 cum in Augusta Taurinorum urbe Italica esset, vesanus factus est et postea sub cura matris sororisque usque ad mortem anno 1900 iacebat.
Index |
[recensere] Cogitata Philosophica
In mundo proelium inter vires Apollonis Bacchique vidit. Apollo ei legem et frenum significavit, dum Bacchum exprimere naturam veram hominis putavit. Nietzsche damnum impulsionis Bacchi in humanitate Europae per centurias recentes, usque ab Christianismo cecedit honores Romae, luxit. Christianismum incusavit, dicens "Deus mortus est, et eum necavimus".
[recensere] Opera
- De natu tragoediae ex rerum musicarum spiritu, 1872 (Gebürt der Tragödie aus dem Geiste der Musik)
- Meditationes Intempestivae, 1873-1876 (Unzeitgemäßen Betrachtungen)
- Humana, nimium humana, 1878 (Menschliches, Allzumenschliches)
- Diluculum, 1881 (Morgenröthe)
- Scientia iucunda, 1882, 1887 (Die fröhliche Wissenschaft)
- Sic dixit Zarathustra, 1883-5 (Also sprach Zarathustra)
- Ultra bonum malumque, 1886 (Jenseits von Gut und Böse)
- De rerum moralium genealogia, 1887 (Zur Genealogie der Moral)
- Crepusculum idolorum, 1888 (Götzen-Dämmerung)
- Anti-Christus, 1888 (Der Antichrist)
- De Vagnere, 1888 (Der Fall Wagner)
- Ecce homo, 1888 opus autobiographicum
inter alia.
[recensere] Citationes
- Deus mortuus est. (Gott ist tot.)
- Quod me non necat, me facit fortiorem. (Was mich nicht umbringt, macht mich stärker.)
- Tu si diu in abyssum spectabis, in te spectabit ipse."
- Sine rebus musicis, vita erratum esset. (Ohne Musik wäre das Leben ein Irrtum.)
- In vero vinitas.
[recensere] Nexus externi
 |
Vicifons opus nominatum Fridericus Nietzsche habet. |
