Imperium Russicum

Российская империя
Imperium Russicum (Rossicum)


Vexillum Imperii Russici	Insigne maior Imperii Russici

Imperium Russicum in mundo anno 1914

Imperium Russicum^[1] seu Rossicum^[2] (Russice Российская империя, tr. Rossijskaja imperija) fuit imperium a Russia ab anno 1721 ad annum 1917 temperatum.

Caput imperii erat Petropolis. Terra illa monarchia, domus regnatrix Romanovia fuit.^[3] Principalis ecclesia fuit Ecclesia Orthodoxa Russica, ab imperatore per Synodum administrabatur. Lingua Russica fuit lingua publica.

Plus 100 gentes imperium incolerunt; secundum censum anni 1897 63 centesimae incolarum (117.9 decies centena milia hominum) fuerunt "Russi" (Rutheni) in notione temporis illius (quorum 43 centesimae Rutheni (Russi) Maiores, i.e. Russi in notione hodierna; 18 centesimae Rutheni (Russi) Minores; 4 centesimae Rutheni (Russi) Albi fuerunt).

Historia Imperii Russici

Anno 1721, Petrus I Magnus, tzar Russiae, se imperatorem edixit, et terra Imperium Russicum facta est. Post eius mortem, interregnum factum est.

Tempore regiminis Elisabethae filiae Petri I (imperatricis ab anno 1741) Universitas Moscuensis condita est. Imperium Russicum contra Prussiam bellabat.

Tempore regiminis imperatricis Catharinae II (1762–1796) Ruthenia Alba, Lituania (quae partes Poloniae fuerunt) et Crimaea partes Imperii Russici factae sunt. Russia contra Turciam (Imperium Ottomanicum) bis prospere bellabat (in quibus bellis dux militaris Alexander Suvorov gloriam meruit).

Georgia anno 1801 in dicionem imperialem redacta est.

Annis ab 1808 ad 1809,, Russia contra Sueciam bellabat; Finniam (Magnum Ducatum Finlandiae) adiunxit.

Anno 1812 Francia invasit, populus Russiae patriam suam defendit (cum Michaele Kutuzov duce militari clarissimo). Anno 1813 Francia bellum, Bellum Patrium nominatum, perdidit.

Anno 1815 maxima pars Poloniae territorium Russiae facta est.

Ab anno 1828 territoria Armeniae et Atropatenae partes Russiae fuere.

Ab anno 1853 ad annum 1856 Imperium Russicum contra Turciam, Britanniarum Regnum, Franciam et Regnum Sardiniae bellabat, sed superatum est.

Circiter anno 1860 Kazachstania omnis pars Russiae facta est.

Anno 1864 Bellum Caucasium, quod anno 1817 incepit, finitum est.

Annis ab 1772 ad 1867 Russia coloniam in America Septentrionali habebat, quam autem anno 1867 Civitatibus Foederatibus vendidit.

Annis ab 1877 ad 1878 Russia contra Turciam bellabat, Bulgariam liberavit.

Circiter ad annum 1885 territorium Turcomanniae pars Russiae factum est.

Annis ab 1904 ad 1905 Imperium Russicum contra Iaponiam bellabat, bellum illud perdidit.

Ab anno 1905 ad annum 1907 prima revolutio Russica erat.

Parlamentum, Duma nominatur, anno 1905 institutum est.

Anno 1914 primum bellum mundanum coepit. Russia cum Serbia, Francia, Britanniarum Regno, etc.,^? contra Germaniam, Imperium Austro-Hungaricum, Turciam, et Bulgariam bellabat.

Revolutio Februarii anno 1917 monarchiam deiecit. Die 14 Septembris anno illo administratio temporalis Russiam rem publicam rite proclamavit.

Divisio administrativa

Anno 1708 decretum tzaris Petri I gubernia^[4] (губернии, tr. gubernii) introduxit, quo anno Russia divisa est in gubernia octo: Archangelopolitanum, Asoviense, Casanense, Ingermanlandicum (anno 1710 in Petropolitanum transformatum), Kioviense, Moscuense, Smolenscense, et Siberiense. Saeculis sequentibus tamen multa gubernia nova in Imperio Russico formata sunt. In circulos gubernia (annis ab 1719 ad 1775 etiam provinciae^[5] guberniorum) dividebantur. Praeterea, a saeculo undevicesimo regiones (области, tr. oblasti) ut subdivisiones administrativae gradus guberniorum in hoc imperio exsistebant.

Notae

↑ Ioannis Hasii^(de) Historiae universalis politicae quantum ad eius partem I ac II idea plane nova at legitima tractationem summorum imperiorum exhibens, p. 75.
↑ Petri Pallasii Zoographia rosso-asiatica 1: 26.
↑ Iosephi Biner SI Apparatus eruditionis praesertim ad jurisprudentiam, p. 336.
↑ Atlas Russicus (Petropoli, 1745), p. 11: "Gubernija, Praefectura, gubernium"
↑ Atlas Russicus (Petropoli, 1745), p. 13: "Prowincija, Provincia"

Nexus interni

Imperatores Russiae

Nexus externi

Vicimedia Communia plura habent quae ad Imperium Russicum spectant.

Tabula geographica generalis Imperii Russici ad normam novissimarum observationum astronomicarum concinnata (vel hic), a Schmidio et Trescotio composita, Venetiis iterum edita anno 1782; editio tertia: Augustae Vindelicorum: T. C. Lotter, 1784
Pagina de Imperio Russico Encyclopaediae Russicae Magnae (Russice)

[1] Ioannis Hasii^(de) Historiae universalis politicae quantum ad eius partem I ac II idea plane nova at legitima tractationem summorum imperiorum exhibens, p. 75.

[2] Petri Pallasii Zoographia rosso-asiatica 1: 26.

[3] Iosephi Biner SI Apparatus eruditionis praesertim ad jurisprudentiam, p. 336.

[4] Atlas Russicus (Petropoli, 1745), p. 11: "Gubernija, Praefectura, gubernium"

[5] Atlas Russicus (Petropoli, 1745), p. 13: "Prowincija, Provincia"

[1]

[2]

[3]

[4]

[5]