Clemens V

E Vicipaedia
Salire ad: navigationem, quaerere
Clemens V
Bertrandus de Goto
anno circiter 1264–20 Aprilis 1314
Decessor:
Benedictus XI
Papa:
5 Iunii 1305 - 20 Aprilis 1314
Successor:
Ioannes XXII
Vexillum Clementis V
Index paparum

Clemens V, nomine nativo Bertrandus de Goto (natus anno circiter 1264 in regione Franciae Aquitania; mortuus die 20 Aprilis 1314), fuit papa catholicus i.e. episcopus Romanus a die 5 Iunii 1305. Fuit frater natu minor Beraldi qui archiepiscopus Lugdunensis creatus est.

Bertrandus de Goto iuri studuit apud scholam Aurelianensem (quam ipse in universitatem postea erexit) universitatemque Bononiensem. Postea canonicus Aginnensis meruit necnon clericus apud aulam Eduardi I, regis Angliae et ducis Vasconiae, atque capellanus papae Caelestino V, qui eum anno 1295 episcopum nominavit Convenarum. Anno 1299 archiepiscopus Burdigalensis a papa Bonifacio VIII factus est: eo tempore frater Beraldus vineam illi dedit quae etiam hodie nomen "papae Clementis" gerit.

Die 5 Iunii 1305 Philippo IV urgente Perusiae electus et 14 Novembris eiusdem anni Lugduni coronatus est. Anno 1309 Clemens V sedem paparum in Avenionem transtulit. Illo tempore haec urbs non ad Franciam pertinebat, feudum autem Sacri Romani Imperii fuit sub rege Siciliae. Papa Clemens V Henricum a Luxemburgio, primum imperatorem post Fridericum II anno 1220, die 29 Iunii 1312 Romae coronavit.

Bibliographia[recensere | fontem recensere]

Biographica et historica
  • Etienne Baluze, Vitae Paparum Avenionensium vol. 2 Vol. 1 2 3 4
  • J. Bernard, "Le népotisme de Clément V et ses complaisances pour la Gascogne" in Annales du Midi vol. 61 (1948/1949) pp. 369-411
  • J. H. Denton, "Pope Clement V's Early Career as a Royal Clerk" in English Historical Review vol. 83 (1968) pp. 303-314
  • B. Guillemain, La cour pontificale d'Avignon, 1309-1376. Lutetiae, 1962
  • Y. Renouard, "Edouard II et Clément V d'après les Rôles gascons" in Annales du Midi vol. 67 (1955) pp. 119-141
Aliae encyclopaediae

Nexus externi[recensere | fontem recensere]

Commons-logo.svg Vicimedia Communia plura habent quae ad Clementem V spectant.