Gulielmus Ohnesorge

E Vicipaedia
Salire ad: navigationem, quaerere
Gulielmus Ohnesorge anno 1937 (primo in ordine ad sinistram Hermanni Göring)

Gulielmus (Wilhelm) Ohnesorge (natus in oppido Gräfenhainichen 8 Iunii 1872; mortuus Monachii 1 Februarii 1962) fuit vir publicus Germaniae et sodalis NSDAP.

Iuventus et munus[recensere | fontem recensere]

Pater eius fuit publicus telegraphiae minister. Anno 1890, apud rectorum cursus publici Francofurti ad Moenum tirocinium coepit, deinde Heidelbergae mathematicae et physicae studebat. Deinde Berolini apud praesidem superiorem cursui publico operam dedit. Inter primum bellum mundanum pro cursu publico exercitus Germanici laboravit et nuntios mittendos valde emendavit. Bello finito Ohnesorge anno 1920 Tremoniae praeses directionis cursus publici factus est, et anno 1924 eundem magistratum Berolini administrabat. Anno 1929 medium magistratum cursus publici Imperii administrabat.

Familia[recensere | fontem recensere]

Ohnesorge maritus et filiae pater erat.

Cursus honorum[recensere | fontem recensere]

Ohnesorge iam anno 1920 sodalis NSDAP factus est: fuit inter primos, qui extra Bavariam huic factioni favebant. Anno 1933, cum nazistae rerum potiti essent, secretarius civitatis in Administerio Imperii Cursus Publici nominatus est. Die 2 Februarii 1937 ipse administer factus est, cum antecessor Petrus Paulus Baro de Eltz-Rübenach contra facta et leges nazistarum in Christianos dixisset. Quo officio ad mortem Adolphi Hitler fungebatur. Eo tempore administerium cursus publici et bombam atomicam exploraret, sed eam exstruere in potuit.

Post bellum[recensere | fontem recensere]

Ohnesorge anno 1945 inter noxios habebatur, fortunaeque eius sublatae, sed stipendia emerita data sunt.

Nexus externi[recensere | fontem recensere]