Arcus caelestis

-2 Latinitas huius rei dubia est. Corrige si potes. Vide {{latinitas}}.

Duo arcus Kapaluae Havaiorum visi.

Arcus in flumine Alster in urbe Hamburgo visus.

Arcus a Hortis Publicis Beierianis Malmogiae visus.

Quomodo duo arcus fiunt. Lux in pluvia (1) repercutit (2) et infringit (4). Arcus primus (3) et secundus (5) videntur.

Vexillum iridis coloribus tinctum signum pacis Sulphurini anno 2003.

Colorum spectrum quantum oculus mortalis contuetur.

Arcus, plenius arcus pluvius, vel arcus caelestis, vel sidereus arcus, a similitudine curvati arcus dictus, est. . . .

Secundum falsam Isidori Hispalensis etymologiam, Iris huic nomen proprium dicitur, quia vox iridis est quasi vox aeris, quod per aera ad terras descendit. Hic autem a sole resplendet, dum cavae nubes ex adverso radium solis accipiunt et arcus speciem fingunt; cui varios colores illa dat res, quia aqua tenuis, aer lucidus, et nubes caligantes, inradiata ista varios creant colores.

Arcus in mythologis variis

In Bibliis Sacris

⁸Haec quoque dixit Deus ad Noe et ad filios eius cum eo: ⁹"Ecce ego statuam pactum meum vobiscum et cum semine vestro post vos ¹⁰et ad omnem animam viventem, quae est vobiscum tam in volucribus quam in iumentis et in omnibus bestiis terrae, quae sunt vobiscum, cunctis, quae egressa sunt de arca, universis bestiis terrae. ¹¹Statuam pactum meum vobiscum; et nequaquam ultra interficietur omnis caro aquis diluvii, neque erit deinceps diluvium dissipans terram." ¹²Dixitque Deus: “Hoc signum foederis, quod do inter me et vos et ad omnem animam viventem, quae est vobiscum, in generationes sempiternas: ¹³arcum meum ponam in nubibus, et erit signum foederis inter me et inter terram. ¹⁴Cumque obduxero nubibus caelum, apparebit arcus meus in nubibus, ¹⁵et recordabor foederis mei vobiscum et cum omni anima vivente, quae carnem vegetat; et non erunt ultra aquae diluvii ad delendum universam carnem. ¹⁶Eritque arcus in nubibus, et videbo illum et recordabor foederis sempiterni, quod pactum est inter Deum et omnem animam viventem universae carnis, quae est super terram." ¹⁷Dixitque Deus ad Noë: “Hoc erit signum foederis, quod constitui inter me et omnem carnem super terram”. (Biblia Vulgata, Liber Genesis 9:8–17)

In mythologiis aliis

In moribus Occidentalibus, arcus bonum omen semper est; homines tamen Karen Birmaniae credunt arcum daemon tinctum periculosumque figurare quod infantes vorat. In hominibus Zuluensibus in Africa, arcus est horrendus amicus serpentium. Populi aliquot Indonesiae credunt arcum viam ad caelum esse.

Ammianus Marcellinus

Ammianus Marcellinus ad finem libri sui XX, 11, 26–30 arcum caeli vel irim describit. De arcus coloribus haec scribit: "Cuius species quantum mortalis oculus contuetur prima lutea visitur, secunda flavescens vel fulva, punicea tertia, quarta purpurea, postrema caerulo concreta et viridi."

Infra in tabula colores quos Ammianus Marcellinus nominavit praebentur ad sinistram secundum nostram vicipaediam et ad dextram secundum nomina Anglica quibus in editione bibliothecae classicae Loeb redduntur. Colores Anglici ut ita dicam ex vicipaedia Anglica sumpti sunt.

secundum nostram vicipaediam	secundum bibliothecam classicam Loeb et vicipaediam Anglicam
Luteus	yellow
Flavus	golden
Fulvus	tawny
Puniceus	red
Purpureus	violet
Caeruleus	blue
Viridis	green

Vide etiam

• Spectrum visuale
• Vexillum arcus caeli

Nexus externi

Vicimedia Communia plura habent quae ad caelestes arcus spectant.