Roman numeral 10000 CC DD.svg
Mille Paginae.png
Latinitas bona

Homerus

E Vicipaedia
Salire ad: navigationem, quaerere

Homerus (Graece Ὅμηρος Hómēros) in fama classica Occidentali est auctor Iliadis (de ira Achilleos rebusque anno belli Troiani decimo gestis) et Odysseae (de errationibus Ulixis redituque in Ithacam) ac ceterorum operum minorum, maximus poeta epicus Graecus existimatus. Hi epici initium canonis Occidentalis litterarum significant, cuius historiam penitus impellunt.

Nec de tempore Homeri, nec de vita, nec de vera adscriptione carminum satis constat: aliqui Iliadem et Odysseam a singulo poëta compositas censent, alii a duobus vel pluribus. Eruditorum hodiernorum, scientiae traditionis oralis cognoscentium, nonnulli nomen Homeri eo homine applicant qui carmina epica vel scripserit vel ad conscribenda recitaverit; alii eo qui talia carmina de bello Troiano primum invenit seu in formam optimam composuerit et cantaverit, tempore posteriori conscribenda. Sunt qui ab usu nominis Homeri abstineant potiusque de cantoribus, compositoribus et auctoribus sine nominibus disserunt.

Homerus in fontibus antiquis[recensere | fontem recensere]

De nomine et indole[recensere | fontem recensere]

Graecia secundum Iliadem.

De persona Homeri scriptores Graeci saeculi septimi et sexti aut nihil sciunt, aut nihil dicunt. Circa annum 520 a.C.n. incipit memoria: Homerum cantorem fuisse dulcissimum, eloquentissimum, fallacissimum. Homerum "multos populos" docuisse ait Simonides (hic autem auctor historia quadam neque in Iliade neque in Odyssea reperta alludit).[1] Si poëta philosophico Xenophane credimus, "Homerus et Hesiodus omnia crimina et malefacta deis adscripserunt quae inter homines reperiuntur, furta et stupra necnon mendacia"[2]; cum de Iovis Iunonisque iuvenum amores et de Venere a Marte stuprata legimus, Xenophanem recte iudicavisse confitemur. Simili modo et Heraclitus eos qui poëtis epicis credunt contemnit: "Cantoribus populorum sequuntur; a vulgo in unum congesso discunt." Homerum ipsum "omnibus aliis Graecis habiliorem" admittit,[3] sed Homerum una cum Archilochum poëtam satiricum "e certamine eiici et vapulare" meruisse, quippe qui malas res auditoribus docuerint. Talia et Pindarus: famam Aiantis,? quamvis mortem in se intulisset, Homerum inter homines emisisse et ad rhabdum verbis magicis cantitavisse"[4]; famam Odyssei "ob Homerum dulciloquentem" maiorem esse, mendaciis superantem: "ita dexteritas (σοφία) in narrando nos distrahit et fraudat".[5]

Secundum has memorias, Homerus cantor, minime scriptor, fuit. Id denuo Iosephus in verbis pellucidioribus exprimit: "et aiunt neque [Homerum] litteris suum poëma reliquisse, sed cantibus memoria reservatum postea fuisse compositum et propterea multam in ea conspici dissonantiam."[6] De scriptura Iliados et Odysseae auctores varia dicunt, carmina Homeri temporibus posterioribus Athenis a Solone sive Pisistrato conlecta, aut a Lycurgo Spartam advecta.

Adscriptiones carminum[recensere | fontem recensere]

Homerum cantorem indubitabilem fuisse Iliados et Odysseae auctor est Herodotus cum multis posterioribus; aliorum carminum auctores alii, interdum pro certo, interdum dubitanter:

Etiam alia poemata generum variorum Homero ab antiquis attributa sunt, quorum supersunt:

Alia insuper quae non supersunt:

  1. Simonides fr. 59 pagina.
  2. Xenophanes fr. 11 Diehl.
  3. Heraclitus 104, 56 Diels et Kranz.
  4. Pindarus, Isthmiaca 4.37-43.
  5. Pindarus, Nemeana 7.20-23.
  6. Iosephus, Contra Apionem 1.12 (versio Latina antiqua).
  7. Pindarus, Isthmiaca 4.37-43; Herodotus, Historiae 2.116.
  8. Pindarus, Nemeana 7.20-23; Herodotus, Historiae 2.116.
  9. Thucydides, Historiae 3.104.
  10. De adscriptione vide Suda s.v. Πίγρης.
  11. Vita Homeri pseudoherodotiana; Certamen Homeri et Hesiodi.

Bibliographia[recensere | fontem recensere]

Opera classica[recensere | fontem recensere]

Opera recentissima[recensere | fontem recensere]

De vita, fragmentis, testimoniis[recensere | fontem recensere]

Nexus externi[recensere | fontem recensere]

Commons-logo.svg Vicimedia Communia plura habent quae ad Homerum spectant.
Wikiquote-logo.svg Vicicitatio habet citationes quae ad Homerum spectant.