Carnelevarium

Carnelevarium sive Carnevarium, Carnisprivium, Saturnalia, Bacchanalia et aliis nominibus appellatum festum est dies festi in regionibus religionis Christianae, in primis Catholicae Romanae ante Diem Cinerum, id est ante ieiunia quae Pascham antecedunt.

Origo Carnelevarii festi quidem ante aetatem Christianam est, et apud alias religiones festa similia inveniuntur. Aetate pagana carnelevario finis hiemis celebrabatur.

Praecipuum Carnelevarii est hilaritas hominum qui alienam vestem induunt, personas habent, saltant, clamant, bibunt, edunt.

Die Cinerum autem omnia finita sunt, ut dicunt. Carnelevarii tempus incipit aut Sollemnitate Epiphaniae Domini sive die 6° mensis Ianuarii aut die Sancti Martini sive die 11° mensis Novembris. Carnelevarium Rhenanum exempli gratia incipit die Epiphaniae vel acuratius undecimo die undecimi mensis undecima hora et undecima minuta.

Saepenumero Carnelevarium in regionibus Ecclesiae Catholicae Romanae celebratur, sed etiam exempli gratia in Basilia, quae urbs ad religionem protestantium pertinet. Ibi etiam Carnevarium—mirabile dictu in regionibus Catholicis Romanis—post Diem Cinerum celebratur. In regionibus Alamannorum, carnelevarium Alamannicum multis moribus paganis celebratur.

Etymologia[recensere]

Currus navalis Berolini, ex quo vocabulo forsitan verbum "carnevale" ortum est.

Plures opiniones sunt de vocabulo. Plurimi dicunt vocabulum de Latino verbo "carnem levare" ortum esse, quod ieiunia sequentia indicant.

Allii dicunt "carne vale!" simili sensu.

Iterum allii dicunt "curri navalis" verbum esse origo vocabuli quia olim et nunc naves super rotas trans vias oppidanas trahuntur. Etiam fabula de nave stultifera etymologice huc spectat

Arces carnvelevariae, ut dicuntur[recensere]

Maiora oppida in quibus Carnelevarium magna pompa valde celebratur arces cernelevariae appellantur. In multis terris orbis terrarum, arces Carnelevariae sunt.