Parus major

Parus major in Russia

Animalia — Chordata

Subphylum : Vertebrata
Classis : Aves
Ordo : Passeriformes
Subordo : Passeri
Superfamilia : Passerida
Familia : Paridae
Genus : Parus
Species : Parus major
Linnaeus, 1758

Subdivisiones: subspecies

15, vide commentarium

Territorium

Distributio geographica (flava)

Parus major est species avium generis Paridarum. Binomen a Carolo Linnaeo anno 1758 statutum est.

Distributio[recensere | fontem recensere]

Avis saepissime invenitur tota in Europa, Asia Minore et Syria, Africa septentrionali, Ucraina, Russia, Siberia meridionali; in Oriente Extremo Russiae, Iaponia, Sachalina et insulis Curilensibus Parus minor locum Pari majoris in oecosystemate occupat..

Descriptio[recensere | fontem recensere]

Caput et cervicem nigram habet cum genis albis, partem corporis inferiorem flavam, quam lines nigra dimidiat, et superiorem olivaceam.

Subspecies[recensere | fontem recensere]

Parorum species et subspecies aliquae in Eurasia

Parus major major a Linnaeo descriptus in Europa conitinentali ad septentionem Hispaniae mediae, Italiae et montium Balcanorum, in Siberia usque ad Baicalem et montes Altaicos, in Asia Minore, Caucaso et Atropatene (praeter partem merisie-orientalem) habitat; ceterae subspecies, post Linnaeum descriptae, sunt:

Parus major bokharensis, a Martino Lichtenstein anno 1823 descripta, Turcomanniae, Afganiae, Usbeciae et Kazachstaniae habitat;
Parus major excelsus, a Leopoldo Buvry anno 1857 descripta, Maroci, Algeriae et Tunisiae habitat;
Parus major blanfordi et Parus major newtoni, ab Iosepho Pražák anno 1894 descriptae, quorum prima Iracae et Iraniae habitat, altera in insulis Britannicis, Nederlandiae, Belgiae, Franciae septentrionali;
Parus major aphrodite, A Gyula Madarász anno 1901 descripta. Subspecies Italiae et Graeciae meridionalium, insularum Maris Aegaei, Cypri;
Parus major corsus, ab Ottone Kleinschmidt anno 1903 descripta, Corsicae et in paeninsula Iberica habitat;

Parus major turkestanicus, a Nicolao Zarudnyj et Ioanne Loudon anno 1905 descripta, Kazakhstaniae austroorientali et Mongoliae austroccidentali habitat;
Parus major karelini, a Nicolao Zarudnyj anno 1910 descripta, Atropatenae et Iraniae habitat;
Parus major terraesanctae, ab Ernesto Hartert anno 1910 descripta, Libani, Syriae, Iordaniae, in Israële et Aegypto boreorientali habitat;
Parus major ferghanensis, a Sergio Buturlin anno 1912 descripta, Tadicistaniae, Chirgisiae et Sinis habitat;

Parus major mallorcae, ab Adolpho de Jordans anno 1913 descripta, Balearibus habitat;
Parus major kapustini, a Leonide Portenko anno 1954 descripta, Kazakhstaniae, in Turkestania Sinensi, Mongoliae et Transbaicaliae et in territorio Maritimo Russiae usque ad litora maris Ochotensis habitat;
Parus major ecki et Parus major niethammeri, ab Adolpho de Jordans anno 1970 descriptae, quorum prima Sardiniae, altera Cretae habitat.