Nicolaus Iohannis

Nicolaus Iohannis

Res apud Vicidata repertae:

Nicolaus Iohannis: imago

Nicolaus Iohannis: subscriptio

Nativitas: 13 Iunii 1959; Cibinium
Patria: Romania
Nomen nativum: Klaus Iohannis

Familia

Coniunx: Carmen Iohannis

Nicolaus Iohannis, anno 2015 Poloniam visitans.

Nicolaus Wernherus (Germanice Klaus Werner) Iohannis (Cibinii natus die 13 Iunii 1959) est vir publicus Dacoromanicus oriundus e gente Germana, qui in Romania Saxones Transsilvaniae nominantur.

Munus

Iohannis fuit alumnus universitatis Babeş-Bolyai Claudiopolitanae. Physicae studebat atque magister Lycei clari Brukenthal in urbe patria factus est. Postea inspector scholarum in circulo Cibinio fuit.

Cursus honorum

Iohannis, sodalis Liberalis Nationalis Factionis Romaniae, ab anno 2000 Magister urbis Cibinii est. Die 28 Iunii 2014 praeses suae factionis electus est et candidatus praesidis Romaniae factus. Die 2 Novembris 2014 Victor Ponta praeses ministrorum et candidatus Socialium Democraticorum, plurima suffragia - 39 percentum - in electione praesidis abstulit, cum Nicolaus Iohannis 30 per centum accipit. Secundo in suffragio die 16 Novembris Iohannis 54,8 percentum suffragiorum accepit atque praeses rei publicae electus est. Die 21 Decembris eiusdem anni officium praesidis Romaniae iniit. Praeses factionis PN-L ei iam die 20 Decembris Alina Gorghiu successerat. Anno 2020, Iohannis Praemium Caroli Magni accepit.

Consilia praesidis

Die 21 Decembris 2014 Iohannis praeses primam orationem in parlamento habuit. Proposuit se mox factiones in palatium praesidis invitaturum, ut de finibus patriae petendis et quo tempore adispiscendae sint, deliberaret. Nosse se homines magna a praeside novo exspectare. Sed magnae exspecationes magnum eventum efficere posse. Sperare se Iohannis dixit quinque annos post homines dicturos orbem terrarum propter reconstructionem Romaniam admirari. Societas civium praesertim mutari oportere. Non modo leges reformandae esse, sed praecipue modus, qua homines sentiant, faciant, operam dent. Iohannis dixit se optare Romaniam sine magnis famis, Romania, in quo tempus spectaculis desit, quod omnes operam dent. Saeculum historiae nunc ad finem venisse atque multa relinqui oportere. "Patriam bene factarum rerum" id velle, ut omnes conveniant non modo verbis, sed etiam factis, quae enumerari possint. Romaniam proposuit, in qua politici cives vererentur.

Bibliographia

• "Klaus Iohannis poised for victory in Romanian presidential vote" in The Guardian (10 Novembris 2019)
• Elena Enache, Diana Robu, "Klaus Iohannis e noul presedinte al Romaniei. Traian Basescu si-a luat la revedere" in Ziare (21 Decembris 2014)
• Thomas Roser, "Johannis in der Schlangengrube" in Die Zeit (31 Octobris 2014)

Nexus externi

Vicimedia Communia plura habent quae ad Nicolaum Iohannis spectant.

• Pagina personalis
• Biographia apud sedem interretialem Praesidis Romaniae
• Pagina Iohannis apud Facebook

Ductores et praesides Romaniae (1947– )

Regimen Communisticum (1947–1989) Constantinus Ioannes Parhon • Petrus Groza • Ioannes Georgius Maurer • Georgius Gheorghiu-Dej • Chivu Stoica • Nicolaus Ceauşescu Res Publica Romaniae (1989–) Ioannes Iliescu • Aemilius Constantinescu • Ioannes Iliescu • Traianus Băsescu • Nicolaus Văcăroiu (pro tempore) • Traianus Băsescu • Crin Antonescu (pro tempore) • Traianus Băsescu • Nicolaus Iohannis Opus geopoliticum • Porta Unionis Europaeae • Duces civitatum Europaearum hodiernarum • Index regum praesidumque Romaniae Capsae cognatae: Duces civitatum Unionis Europaeae • Primi ministri Romaniae

Duces civitatum sociarum Unionis Europaeae

Alexander Van der Bellen (Austria) • Philippus rex (Belgica) • Rumen Radev (Bulgaria) • Petrus Pavel (Cechia) • Zoran Milanović (Croatia) • Nicolaus Anastasiades (Cyprus) • Margareta II regina (Dania) • Alar Karis (Estonia) • Saulus Niinistö (Finnia) • Emmanuel Macron (Francia) • Franciscus Gualterus Steinmeier (Germania) • Catharina Sacellaropuli (Graecia) • Michael Higgins (Hibernia) • Philippus VI rex (Hispania) • Catharina Novák (Hungaria) • Sergius Mattarella (Italia) • Edgarus Rinkēvičs (Lettonia) • Gitanas Nausėda (Lituania) • Henricus magnus dux (Luxemburgum) • Georgius Vella (Melita) • Gulielmus Alexander rex (Nederlandia) • Andreas Duda (Polonia) • Marcellus Rebelo de Sousa (Portugallia) • Nicolaus Iohannis (Romania) • Susanna Čaputová (Slovacia) • Borut Pahor (Slovenia) • Carolus XVI Gustavus rex (Suecia) Opus geopoliticum • Porta Unionis Europaeae • Duces civitatum Europaearum hodiernarum Capsae cognatae: Civitates sociae Unionis Europaeae • Primi ministri Unionis Europaeae • Praesides Commissionis Europaeae